ਸਮਰਿਤੀ ਇਰਾਨੀ ਨੇ ਲੋਕਾਂ ਲਈ ਵੋਟਾਂ ਦੇ ਨਤੀਜਿਆਂ ਤੋਂ ਪਹਿਲਾਂ ਕੀਤਾ ਟਵੀਟ
ਸਮਰਿਤੀ ਨੇ ਟਵੀਟ ਕਰਕੇ ਲੋਕਾਂ ਦਾ ਕੀਤਾ ਧੰਨਵਾਦ
ਨਵੀਂ ਦਿੱਲੀ: ਮੋਦੀ ਸਰਕਾਰ ਦੀ ਕੇਂਦਰੀ ਮੰਤਰੀ ਸਮਰਿਤੀ ਇਰਾਨੀ ਨੇ ਅਪਣੇ ਟਵਿਟਰ ਅਕਾਉਂਟ ’ਤੇ ਕਈ ਟਵੀਟ ਕੀਤੇ ਜਿਸ ਵਿਚ ਉਹਨਾਂ ਨੇ ਨਾ ਸਿਰਫ ਜਨਤਾ ਦਾ ਧੰਨਵਾਦ ਕੀਤਾ ਬਲਕਿ ਵਿਰੋਧੀਆਂ ਦੁਆਰਾ ਪੀਐਮ ਮੋਦੀ ’ਤੇ ਜ਼ੁਬਾਨੀ ਹਮਲਾ ਕਰਨ ਦੀ ਨਿੰਦਾ ਵੀ ਕੀਤੀ।
ਫਿਲਹਾਲ ਸਮਰਿਤੀ ਇਰਾਨੀ ਨੇ ਅਪਣੇ ਸ਼ੁਰੂਆਤੀ ਟਵੀਟ ਵਿਚ ਇਹ ਵੀ ਕਿਹਾ ਸੀ ਕਿ 24 ਘੰਟੇ ਬਾਅਦ ਲੋਕ ਟੀਵੀ ਸਾਹਮਣੇ ਪੋਲ ਵੇਖਣ ਲਈ ਬੈਠਣਗੇ ਇਸ ਤੋਂ ਪਹਿਲਾਂ ਮੈਂ ਧੰਨਵਾਦ ਕਰਨਾ ਚਾਹੁੰਦੀ ਹਾਂ। ਸਮਰਿਤੀ ਇਰਾਨੀ ਨੇ ਟਵੀਟ ਕੀਤਾ ਕਿ ਸਿਰਫ 24 ਘੰਟੇ ਬਚੇ ਹਨ।
ਜਦੋਂ ਲੋਕ ਵੋਟਾਂ ਦੇ ਨਤੀਜੇ ਜਾਣਨ ਲਈ ਟੀਵੀ ਅੱਗੇ ਬੈਠੇ ਹੋਣਗੇ ਇਸ ਲਈ ਅੱਜ ਲੋਕਾਂ ਦਾ ਧੰਨਵਾਦ ਕਰਨ ਦਾ ਸਹੀ ਮੌਕਾ ਹੈ। ਉਹਨਾਂ ਨੇ ਅੱਗੇ ਇਕ ਟਵੀਟ ਕੀਤਾ ਕਿ ਅਸੀਂ ਸਾਰੇ ਸਖ਼ਤ ਮਿਹਨਤ ਨਾਲ ਸਮਾਜ ਸੇਵਾ ਕਰਨ ਲਈ ਆਏ ਹਾਂ। ਸਾਡਾ ਮਕਸਦ ਕੋਈ ਆਹੁਦਾ ਹਾਸਲ ਕਰਨਾ ਨਹੀਂ ਹੈ।
ਪਿਛਲੇ ਪੰਜ ਸਾਲਾਂ ਵਿਚ ਅਜਿਹਾ ਕੋਈ ਦਿਨ ਖਾਲੀ ਨਹੀਂ ਗਿਆ ਜਿਸ ਦਿਨ ਨਰਿੰਦਰ ਮੋਦੀ ਦੇ ਵਿਰੋਧੀਆਂ ਨੇ ਨਿਰਾਦਰ ਨਾ ਕੀਤਾ ਹੋਵੇ ਜਾਂ ਉਹਨਾਂ ਲਈ ਨਫ਼ਰਤ ਵਾਲੇ ਬਿਆਨ ਨਾ ਦਿੱਤੇ ਹੋਣ।
ਹਾਲਾਂਕਿ ਵਰਕਰਾਂ ਦੇ ਤੌਰ ’ਤੇ ਸਾਨੂੰ ਮਾਣ ਹੈ ਕਿ ਪੀਐਮ ਦੁਆਰਾ ਹਰ ਕੋਸ਼ਿਸ਼, ਹਰ ਪਹਿਲ ’ਤੇ ਰਾਸ਼ਟਰ ਦਾ ਹਰ ਨਾਗਰਿਕ ਉਹਨਾਂ ਦੇ ਨਾਲ ਖੜ੍ਹਾ ਰਿਹਾ।
ਸਮਰਿਤੀ ਇਰਾਨੀ ਨੇ ਇਹ ਵੀ ਲਿਖਿਆ ਕਿ ਭਾਰਤ ਦੇ ਟੁੱਕੜੇ ਹੋਣਗੇ ਦੇ ਨਾਅਰੇ ਲਗਾਉਣ ਵਾਲੇ ਬਾਗ਼ੀਆਂ ਵਿਰੁਧ ਲੋਕ ਮਜਬੂਤੀ ਨਾਲ ਖੜ੍ਹੇ ਹੋ ਗਏ ਹਨ। ਮੈਂ ਉਹਨਾਂ ਨਾਗਰਿਕਾਂ ਨੂੰ ਧੰਨਵਾਦ ਕਰਦੀ ਹਾਂ ਜਿਹਨਾਂ ਨੇ ਭਾਰਤ ਅਤੇ ਭਵਿੱਖ ਲਈ ਵਿਸ਼ਵਾਸ ਜਤਾਇਆ ਹੈ।