Bishop Franco Mulakkal's bail plea rejected

ਕੋੱਟਇਮ : ਕੇਰਲ ਦੇ ਕੋੱਟਇਮ ਦੀ ਇਕ ਅਦਾਲਤ ਨੇ ਨਨ ਬਲਾਤਕਾਰ ਮਾਮਲੇ ਵਿਚ ਗ੍ਰਿਫਤਾਰ ਹੋਏ ਬਿਸ਼ਪ ਫਰੈਂਕੋ ਮੁਲੱਕਲ ਦੀ ਜ਼ਮਾਨਤ ਅਰਜ਼ੀ ਖਾਰਜ ਕਰ ਦਿਤੀ ਹੈ। ਕੋਰਟ ਨੇ ਬਿਸ਼ਪ ਨੂੰ ਦੋ ਦਿਨ ਦੀ ਪੁਲਿਸ ਰਿਮਾਂਡ 'ਤੇ ਭੇਜ ਦਿਤਾ ਹੈ।  ਇਸ ਤੋਂ ਪਹਿਲਾਂ ਬਿਸ਼ਪ ਨੂੰ ਲਗਭੱਗ 1.15 ਵਜੇ ਸਖਤ ਸੁਰੱਖਿਆ 'ਚ ਅਦਾਲਤ ਵਿਚ ਪੇਸ਼ ਕੀਤਾ ਗਿਆ। ਦੱਸ ਦਈਏ ਕਿ ਸ਼ੁਕਰਵਾਰ ਸ਼ਾਮ ਨੂੰ ਕੇਰਲ ਪੁਲਿਸ ਨੇ ਬਿਸ਼ਪ ਨੂੰ ਗ੍ਰਿਫ਼ਤਾਰ ਕੀਤਾ ਸੀ। ਬਿਸ਼ਪ ਦੇ ਵਕੀਲਾਂ ਨੇ ਅਦਾਲਤ ਤੋਂ ਇਹ ਦਲੀਲ ਦਿੰਦੇ ਹੋਏ ਰਾਹਤ ਦੀ ਮੰਗ ਕੀਤੀ ਸੀ ਕਿ ਜਾਂਚ ਟੀਮ ਨੇ ਤਿੰਨ ਦਿਨ ਦੀ ਪੁੱਛਗਿਛ ਤੋਂ ਬਾਅਦ ਉਨ੍ਹਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ।

ਉਥੇ ਹੀ, ਜ਼ਮਾਨਤ ਪਟੀਸ਼ਨ ਦੀ ਪੁਲਿਸ ਨੇ ਵਿਰੋਧ ਕਰਦੇ ਹੋਏ ਕਿਹਾ ਕਿ ਮਾਮਲੇ ਦੀ ਜਾਂਚ ਅੱਗੇ ਵਧਾਉਣ ਲਈ ਤਿੰਨ ਦਿਨ ਦੀ ਰਿਮਾਂਡ ਮਿਲਣਾ ਜ਼ਰੂਰੀ ਹੈ। ਦੋਹਾਂ ਪੱਖਾਂ ਦੀ ਦਲੀਲ ਸੁਣਨ  ਤੋਂ ਬਾਅਦ ਅਦਾਲਤ ਨੇ ਬਿਸ਼ਪ ਨੂੰ ਸੋਮਵਾਰ ਦੁਪਹਿਰ 2.30 ਵਜੇ ਤੱਕ ਲਈ ਪੁਲਿਸ ਰਿਮਾਂਡ 'ਤੇ ਭੇਜਣ ਦਾ ਆਦੇਸ਼ ਦਿਤਾ। ਸ਼ਨਿਚਰਵਾਰ ਨੂੰ ਬਿਸ਼ਪ ਨੂੰ ਗਵਰਨਮੈਂਟ ਮੈਡੀਕਲ ਕਾਲਜ ਹਸਪਤਾਲ ਤੋਂ ਛੁੱਟੀ ਮਿਲ ਗਈ ਸੀ। ਸ਼ੁਕਰਵਾਰ ਰਾਤ ਨੂੰ ਸੀਨੇ ਵਿਚ ਦਰਦ ਦੀ ਸ਼ਿਕਾਇਤ ਤੋਂ ਬਾਅਦ ਬਿਸ਼ਪ ਨੂੰ ਇਥੇ ਭਰਤੀ ਕਰਾਇਆ ਗਿਆ ਸੀ।

54 ਸਾਲ ਦੇ ਬਿਸ਼ਪ ਮੁਲੱਕਲ ਨੂੰ ਸ਼ੁਕਰਵਾਰ ਰਾਤ ਨੂੰ ਏਰਨਾਕੁਲਮ ਵਿਚ ਕਰਾਇਮ ਬ੍ਰਾਂਚ ਦੇ ਸਫਤਰ ਤੋਂ ਕੋੱਟਇਮ ਪੁਲਿਸ ਕਲੱਬ ਲਿਆਇਆ ਗਿਆ ਸੀ। ਹਸਪਤਾਲ ਦੇ ਦਿਲ ਦੀ ਬੀਮਾਰੀ ਵਿਭਾਗ ਵਿਚ ਉਨ੍ਹਾਂ ਨੂੰ 6 ਘੰਟਿਆਂ ਤੱਕ ਡਾਕਟਰਾਂ ਦੀ ਨਿਗਰਾਨੀ ਵਿਚ ਰੱਖਿਆ ਗਿਆ ਸੀ। ਆਧਿਕਾਰਿਕ ਸੂਤਰਾਂ ਦੇ ਮੁਤਾਬਕ ਉਨ੍ਹਾਂ ਦਾ ਬਲਡ ਪ੍ਰੈਸ਼ਰ ਵੱਧ ਗਿਆ ਸੀ। ਜੂਨ ਵਿਚ ਕੋੱਟਇਮ ਪੁਲਿਸ ਨੂੰ ਦਿਤੀ ਅਪਣੀ ਸ਼ਿਕਾਇਤ ਵਿਚ ਨਨ ਨੇ ਇਲਜ਼ਾਮ ਲਗਾਇਆ ਸੀ ਕਿ ਬਿਸ਼ਪ ਨੇ ਇਕ ਗੈਸਟ ਹਾਉਸ ਵਿਚ ਮਈ 2014 ਵਿਚ ਉਨ੍ਹਾਂ ਨਾਲ ਬਲਾਤਕਾਰ ਕੀਤਾ ਸੀ।

ਇਸ ਤੋਂ ਬਾਅਦ ਕਈ ਵਾਰ ਉਨ੍ਹਾਂ ਦਾ ਯੋਨ ਸ਼ੋਸ਼ਣ ਕੀਤਾ ਗਿਆ। ਨਨ ਦਾ ਕਹਿਣਾ ਸੀ ਕਿ ਗਿਰਜਾ ਘਰ ਪ੍ਰਸ਼ਾਸਨ ਨੂੰ ਵਾਰ - ਵਾਰ ਸ਼ਿਕਾਇਤ ਦੇ ਬਾਵਜੂਦ ਕੋਈ ਕਾਰਵਾਈ ਨਹੀਂ ਕੀਤੀ ਗਈ, ਇਸ ਤੋਂ ਬਾਅਦ ਉਨ੍ਹਾਂ ਨੇ ਪੁਲਿਸ ਵਿਚ ਸ਼ਿਕਾਇਤ ਦਰਜ ਕਰਾਈ। ਹਾਲਾਂਕਿ ਬਿਸ਼ਪ ਨੇ ਸਾਰੇ ਆਰੋਪਾਂ ਨੂੰ ਖਾਰਜ ਕੀਤਾ ਹੈ।