ਨਵੀਂ ਦਿੱਲੀ, ( ਭਾਸ਼ਾ) : ਇੰਟੇਲਿਜੇਂਸ ਬਿਓਰੋ ਵੱਲੋਂ ( ਸਿਕਉਰਿਟੀ ਅਸਸਿਟੇਂਟ / ਐਗਜ਼ਿਕਿਊਟਿਵ ਪੋਸਟ) ਸੁਰੱਖਿਆ ਸਹਾਇਕ ਅਤੇ ਕਾਰਜਕਾਰੀ ਪੋਸਟ ਦੀ ਸੀਟਾਂ ਤੇ ਭਰਤੀ ਲਈ ਅਰਜ਼ੀਆਂ ਦੀ ਮੰਗ ਕੀਤੀ ਗਈ ਹੈ। ਇਹ ਭਰਤੀ ਕੁਲ 1054 ਸੀਟਾਂ ਤੇ ਹੋਵੇਗੀ। ਇਨ੍ਹਾਂ ਸੀਟਾਂ ਲਈ 10ਵੀਂ ਪਾਸ ਉਮੀਦਵਾਰ ਐਪਲੀਕੇਸ਼ਨ ਦੇ ਸਕਦੇ ਹਨ। ਅਰਜ਼ੀ ਦੇਣ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ ਅਤੇ ਉਮੀਦਵਾਰ 10 ਨਵੰਬਰ 2018 ਤੱਕ ਅਰਜ਼ੀ ਦੇ ਸਕਦੇ ਹਨ। ਐਪਲੀਕੇਸ਼ਨ ਫੀਸ ਜਮਾਂ ਕਰਵਾਉਣ ਦੀ ਆਖਰੀ ਤਰੀਕ 13 ਨਵੰਬਰ 2018 ਹੈ।

ਅਹੁਦੇ ਦਾ ਨਾਮ ਹੈ ਸੁਰੱਖਿਆ ਸਹਾਇਕ ਅਤੇ ਕਾਰਜਕਾਰੀ ਪੋਸਟ। ਭਰਤੀ ਲਈ  ਲੋੜੀਂਦੀਆਂ ਸ਼ਰਤਾਂ ਵਿਚ ਉਮੀਦਵਾਰ ਦਾ 10ਵੀਂ ਪਾਸ ਹੋਣਾ ਲਾਜ਼ਮੀ ਹੈ। ਇਸਦੇ ਨਾਲ ਹੀ ਉਮੀਦਵਾਰ ਨੂੰ ਇਕ ਖੇਤਰੀ ਭਾਸ਼ਾ ਦਾ ਗਿਆਨ ਹੋਣਾ ਵੀ ਜ਼ਰੂਰੀ ਹੈ। ਇਨ੍ਹਾਂ ਪੋਸਟਾਂ ਤੇ 27 ਸਾਲ ਦੀ ਉਮਰ ਤੱਕ ਦੇ ਉਮੀਦਵਾਰ ਅਰਜ਼ੀ ਦੇ ਸਕਦੇ ਹਨ। ਵੱਧ ਉਮਰ ਹੱਦ ਵਿਚ ਐਸਸੀ ਅਤੇ ਐਸਟੀ ਉਮੀਦਵਾਰਾਂ ਨੂੰ 5 ਸਾਲ

ਅਤੇ ਓਬੀਸੀ ਸ਼੍ਰੇਣੀ ਵਰਗ ਨੂੰ 3 ਸਾਲ ਦੀ ਛੋਟ ਦਿਤੀ ਜਾਵੇਗੀ। ਉਮੀਦਵਾਰਾਂ ਦੀ ਚੋਣ ਤਿੰਨ ਪੜਾਵਾਂ ਵਿਚ ਕੀਤੀ ਜਾਵੇਗੀ। ਪਹਿਲੇ ਪੜਾਅ ਵਿਚ ਓਬਜੈਕਟਿਵ ਅਤੇ ਦੂਸਰੇ ਪੜਾਅ ਵਿਚ ਡਿਸਕਰਿਪਟਿਵ ਟੈਸਟ ਹੋਵੇਗਾ। ਤੀਜੇ ਪੜਾਅ ਵਿਚ ਉਮੀਦਵਾਰਾਂ ਨੂੰ ਇੰਟਰਵਿਊ ਦੀ ਪ੍ਰਕਿਰਿਆ ਵਿਚੋਂ ਲੰਘਣਾ ਪਵੇਗਾ।