diesel price hike from petrol

ਭੁਵਨੇਸ਼ਵਰ (ਭਾਸ਼ਾ) : ਉਡੀਸਾ ਵਿਚ ਡੀਜ਼ਲ ਦੀ ਕੀਮਤ ਪੈਟਰੋਲ ਦੀ ਕੀਮਤ ਤੋਂ ਵੱਧ ਹੋ ਗਈ ਹੈ। ਸੂਬੇ ਵਿਚ ਸੱਤਾ ‘ਤੇ ਕਾਬਜ਼ ਬੀਜੂ ਜਨਤਾ ਦਲ ਨੇ ਕੇਂਦਰ ਵਿਚ ਭਾਜਪਾ ਸਰਕਾਰ ‘ਤੇ ਸਵਾਲ ਚੁੱਕਦੇ ਹੋਏ ਦਾਅਵਾ ਕੀਤਾ ਹੈ ਕਿ ਕੇਂਦਰ ਸਰਕਾਰ ਦਾ ਪੈਟਰੋਲ-ਡੀਜ਼ਲ ਦੀ ਕੀਮਤ ਤੈਅ ਕਰਨ ਦਾ ਫਾਰਮੁਲਾ ਗਲਤ ਹੈ, ਜਿਸ ਦੇ ਚਲਦੇ ਰਾਜ ਵਿਚ ਡੀਜਲ ਨੂੰ ਪੈਟਰੋਲ ਤੋਂ ਜਿਆਦਾ ਕੀਮਤ ‘ਤੇ ਵੇਚਣਾ ਮਜ਼ਬੂਰੀ ਬਣ ਗਈ ਹੈ। ਧਿਆਨ ਯੋਗ ਹੈ ਕਿ ਕੇਂਦਰੀ ਪੈਟਰੋਲੀਅਮ ਮੰਤਰੀ ਧਰਮਿੰਦਰ ਪ੍ਰਧਾਨ ਉਡੀਸਾ ਤੋਂ ਆਉਂਦੇ ਹਨ

ਐਤਵਾਰ ਨੂੰ ਉਡੀਸਾ ਵਿਚ ਜਿਥੇ ਡੀਜ਼ਲ 80.69 ਰੁਪਏ ਪ੍ਰਤੀ ਲੀਟਰ ਵੇਚਿਆ ਗਿਆ ਉਥੇ ਹੀ ਪੈਟਰੋਲ ਦੀ ਵਿਕਰੀ 80.57 ਰੁਪਏ ਪ੍ਰਤੀ ਲੀਟਰ ਕੀਤੀ ਗਈ। ਉਡੀਸਾ ਸਥਿਤ ਉਤਕਲ ਪੈਟਰੋਲੀਅਮ ਡੀਲਰਸ ਐਸੋਸੀਏਸ਼ਨ ਦੇ ਜਨਰਲ ਸੈਕਰੇਟਰੀ ਸੰਜੈ ਲਾਥ ਨੇ ਦੱਸਿਆ ਕਿ ਇਹ ਪਹਿਲੀ ਵਾਰ ਹੋਇਆ ਹੈ ਕਿ ਸੂਬੇ ਵਿਚ ਡੀਜ਼ਲ ਦੀ ਕੀਮਤ ਪੈਟਰੋਲ ਦੀ ਕੀਮਤ ਤੋਂ ਜ਼ਿਆਦਾ ਹੋ ਗਈ ਹੈ। ਲਾਥ  ਦੇ ਮੁਤਾਬਕ, ਜਿਥੇ ਦੇਸ਼ ਵਿਚ ਸਾਰੇ ਸੂਬੇ ਪੈਟਰੋਲ ਅਤੇ ਡੀਜਲ ਦੀ ਕੀਮਤ ‘ਤੇ ਵੱਖ-ਵੱਖ ਦਰ ਨਾਲ ਵੈਟ ਲਗਾਉਂਦੇ ਹਨ