ਨਵੀਂ ਦਿੱਲੀ : ਦਿੱਲੀ-ਐਨਸੀਆਰ ਸਮੇਤ ਉੱਤਰ ਭਾਰਤ ਦੇ ਕਈ ਰਾਜਾਂ ਵਿਚ 26 ਜਨਵਰੀ ਤੋਂ ਬਾਅਦ ਕੜਾਕੇ ਦੀ ਠੰਡ ਪੈਣ ਦਾ ਅਲਰਟ ਮੌਸਮ ਵਿਭਾਗ ਨੇ ਜਾਰੀ ਕੀਤਾ ਹੈ। ਮੌਸਮ ਵਿਭਾਗ ਦੇ ਮੁਤਾਬਕ ਪਹਾੜਾਂ ਉਤੇ ਹੋਈ ਜੋਰਦਾਰ ਬਰਫ਼ਬਾਰੀ ਤੋਂ ਬਾਅਦ ਹੁਣ ਮੈਦਾਨੀ ਇਲਾਕਿਆਂ ਵਿਚ ਸ਼ੀਤਲਹਿਰ ਦੇ ਨਾਲ ਕੰਬਣ ਵਾਲੀ ਸਰਦੀ ਰਿਕਾਰਡ ਬਣਾਏਗੀ। ਕਸ਼ਮੀਰ ਤੋਂ ਲੈ ਕੇ ਹਿਮਾਚਲ ਪ੍ਰਦੇਸ਼ ਤੱਕ ਪਿਛਲੇ 15 ਦਿਨਾਂ ਤੋਂ ਬਰਫ਼ਬਾਰੀ ਨਾਲ ਭੈੜਾ ਹਾਲ ਹੈ। ਸੜਕਾਂ ਉਤੇ ਕਈ ਫੁੱਟ ਤੱਕ ਬਰਫ਼ ਜਮੀ ਹੋਈ ਹੈ। ਹਲਾਤ ਇਹ ਹਨ ਕਿ ਰਸਤੇ ਬੰਦ ਹਨ।

ਜੰਮੂ-ਸ਼੍ਰੀਨਗਰ ਨੈਸ਼ਨਲ ਹਾਈਵੇ ਬੰਦ ਹੋਣ ਤੋਂ ਪਿਛਲੇ ਪੰਜ ਦਿਨਾਂ ਤੋਂ ਅਣਗਿਣਤ ਟਰੱਕ ਫ਼ਸੇ ਹੋਏ ਹਨ। ਹਰ ਜਗ੍ਹਾ ਬਰਫ਼ ਦਾ ਢੇਰ ਲੱਗਿਆ ਹੈ। ਪਹਾੜਾਂ ਉਤੇ ਬਰਫ਼ਬਾਰੀ ਨਾਲ ਹੁਣ ਉੱਤਰ ਭਾਰਤ ਵਿਚ ਕੜਾਕੇ ਦੀ ਠੰਡ ਪੈ ਸਕਦੀ ਹੈ। ਮੌਸਮ ਵਿਭਾਗ ਦੀ ਮੰਨੀਏ ਤਾਂ 26-27 ਜਨਵਰੀ ਨੂੰ ਸਭ ਤੋਂ ਘੱਟ ਤਾਪਮਾਨ ਹੋ ਸਕਦਾ ਹੈ। ਦਿੱਲੀ ਵਿਚ 4 ਡਿਗਰੀ ਤੱਕ ਤਾਪਮਾਨ ਡਿੱਗਣ ਦਾ ਅਨੁਮਾਨ ਲਗਾਇਆ ਗਿਆ ਹੈ। ਰਾਜਸਥਾਨ ਵਿਚ ਤਾਪਮਾਨ 2 ਡਿਗਰੀ ਤੱਕ ਡਿੱਗਣ ਦੀ ਸੰਦੇਹ ਹੈ। ਪੰਜਾਬ ਵਿਚ ਵੀ ਸਰਦੀ ਦਾ ਪੁਰਾਨਾ ਰਿਕਾਰਡ ਟੁੱਟ ਸਕਦਾ ਹੈ, ਉਥੇ ਹੀ ਹਰਿਆਣਾ ਵਿਚ ਵੀ ਸਰਦੀ ਵੱਧ ਸਕਦੀ ਹੈ।

ਕੁਲ ਮਿਲਾ ਕੇ ਹਲਾਤ ਇਹ ਹਨ ਕਿ ਆਉਣ ਵਾਲੇ ਦੋ ਦਿਨਾਂ ਵਿਚ ਦਿੱਲੀ ਸਮੇਤ ਪੂਰੇ ਉੱਤਰ ਭਾਰਤ ਵਿਚ ਅਜਿਹੀ ਸ਼ੀਤਲਹਿਰ ਚੱਲ ਸਕਦੀ ਹੈ ਜੋ ਕੰਬਣ ਵਾਲੀ ਠੰਡ ਲੈ ਆਵੇਗੀ। ਕਿਹਾ ਜਾ ਰਿਹਾ ਹੈ ਕਿ ਇੰਨੀ ਠੰਡ ਪੈ ਸਕਦੀ ਹੈ ਜੋ ਰਿਕਾਰਡ ਵੀ ਬਣ ਸਕਦਾ ਹੈ। ਮੌਸਮ ਵਿਭਾਗ ਦੇ ਮੁਤਾਬਕ ਠੰਡ ਵਧਣ ਦੀ ਵਜ੍ਹਾ ਹੈ ਪਹਾੜਾਂ ਉਤੇ ਬਰਫ਼ਬਾਰੀ। ਪਿਛਲੇ ਦੋ ਹਫ਼ਤਿਆਂ ਤੋਂ ਉਤਰਾਖੰਡ, ਹਿਮਾਚਲ ਪ੍ਰਦੇਸ਼ ਅਤੇ ਕਸ਼ਮੀਰ ਦੇ ਪਹਾੜਾਂ ਉਤੇ ਬੇਹਿਸਾਬ ਬਰਫ਼ਬਾਰੀ ਹੋਈ ਹੈ ਜੋ ਹੁਣ ਵੀ ਜਾਰੀ ਹੈ।