ਨਵੀਂ ਦਿੱਲੀ (ਭਾਸ਼ਾ): ਦਿੱਲੀ ਦੇ ਰਾਜੌਰੀ ਗਾਰਡਨ ਇਲਾਕੇ ਵਿਚ ਕ੍ਰਿਸ਼ਮਸ ਤੋਂ ਪਹਿਲਾਂ ਦਮ ਘੁਟ ਕੇ ਮੌਤ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਸੋਮਵਾਰ ਸਵੇਰੇ 2 ਲੋਕਾਂ ਦੀ ਅਗਿੰਠੀ ਦੇ ਧੁੰਏ ਨਾਲ ਦਮ ਘੁਟਣ ਨਾਲ ਮੌਤ ਹੋ ਗਈ। ਪੁਲਿਸ ਨੂੰ 11.30 ਦੇ ਨੇੜੇ ਹਸਪਤਾਲ ਤੋਂ ਜਾਣਕਾਰੀ ਮਿਲੀ ਤਾਂ ਮੌਕੇ ਉਤੇ ਪਹੁੰਚੀ ਪੁਲਿਸ ਨੇ ਦੋਨਾਂ ਮ੍ਰਿਤਕਾਂ ਨੂੰ ਅਪਣੇ ਕਬ‍ਜ਼ੇ ਵਿਚ ਲੈ ਕੇ ਪੋਸ‍ਟਮਾਰਟਮ ਲਈ ਭੇਜ ਦਿਤਾ।

ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਦਿੱਲੀ ਪੁਲਿਸ ਦੇ ਮੁਤਾਬਕ ਉਸ ਨੂੰ ਜਾਣਕਾਰੀ ਮਿਲੀ ਕਿ ਇਕ ਮ੍ਰਿਤਕ ਹਸ‍ਪਤਾਲ ਵਿਚ ਹੈ ਅਤੇ ਇਕ ਘਰ ਉਤੇ ਹੈ। ਦੋਨਾਂ ਲੋਕਾਂ ਦੀ ਮੌਤ ਦਮ ਘੁਟਣ ਨਾਲ ਹੋਈ ਹੈ। ਪੁਲਿਸ ਨੇ ਘਰ ਉਤੇ ਜਾ ਕੇ ਜਾਂਚ ਕੀਤੀ ਤਾਂ ਕਮਰੇ ਵਿਚ ਅਗਿੰਠੀ ਮਿਲੀ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਠੰਡ ਤੋਂ ਬਚਣ ਲਈ ਦੋਨਾਂ ਨੇ ਅਗਿੰਠੀ ਨੂੰ ਜਲਾਇਆ ਹੋਵੇਗਾ। ਜਿਸ ਦੇ ਧੁੰਏ ਵਿਚ ਦਮ ਘੁਟਣ ਨਾਲ ਮੌਤ ਹੋ ਗਈ। ਹਾਲਾਂਕਿ ਪੋਸ‍ਟਮਾਰਟਮ ਵਿਚ ਅਸਲੀ ਵਜ੍ਹਾ ਦਾ ਖੁਲਾਸਾ ਹੋਵੇਗਾ। ਦੋਨੇਂ ਲੋਕ ਪੇਸ਼ੇ ਤੋਂ ਤਰਖਾਨ ਸਨ।