Police team and forest guards attacked by trs workers in telangana

ਤੇਲੰਗਾਨਾ: ਪੁਲਿਸ 'ਤੇ ਹਮਲਾ ਕਰਦੇ ਹੋਏ ਲੋਕਾਂ ਦੀ ਇਕ ਵੀਡੀਉ ਸਾਹਮਣੇ ਆਈ ਹੈ। ਇਸ ਵੀਡੀਉ ਵਿਚ ਨਜ਼ਰ ਆ ਰਿਹਾ ਹੈ ਕਿ ਕੁੱਝ ਲੋਕ ਪੁਲਿਸ ਟੀਮ ਅਤੇ ਉਹਨਾਂ ਦੇ ਰੱਖਿਅਕਾਂ 'ਤੇ ਹਮਲਾ ਕਰ ਰਹੇ ਹਨ। ਇਕ ਵਿਅਕਤੀ ਨੇ ਤਾਂ ਫਾਰੇਸਟ ਰੇਂਜ ਅਧਿਕਾਰੀ ਸੀ ਅਨੀਤਾ ਦੇ ਸਿਰ 'ਤੇ ਗੰਨੇ ਨਾਲ ਕਈ ਵਾਰ ਕੀਤੇ। ਕਥਿਤ ਤੌਰ 'ਤੇ ਹਮਲਾ ਕਰਨ ਵਾਲੇ ਲੋਕ ਤੇਲੰਗਾਨਾ ਰਾਸ਼ਟਰੀ ਕਮੇਟੀ ਦੇ ਦੱਸੇ ਜਾ ਰਹੇ ਹਨ।

 

 

 

ਮਾਮਲਾ ਤੇਲੰਗਾਨਾ ਦੇ ਆਸਿਫ਼ਾਬਾਦ ਜ਼ਿਲ੍ਹੇ ਦੇ ਸਿਰਪੁਰ ਕਗਾਜਨਗਰ ਦਾ ਹੈ ਅਤੇ ਇਹ ਘਟਨਾ ਸ਼ਨੀਵਾਰ ਨੂੰ ਪੌਦੇ ਲਗਾਉਣ ਦੀ ਮੁੰਹਿਮ ਦੌਰਾਨ ਹੋਈ। ਅਧਿਕਾਰੀ ਨੇ ਹਮਲਾਵਰ ਵਿਅਕਤੀ ਦੀ ਪਹਿਚਾਣ ਕਰ ਲਈ ਹੈ। ਹਮਲਾਵਰ ਦਾ ਨਾਮ ਕੋਨੇਰੂ ਕ੍ਰਿਸ਼ਣ ਹੈ। ਉਹ ਸਥਾਨਕ ਨਿਕਾਅ ਦਾ ਚੇਅਰਮੈਨ ਹੈ ਅਤੇ ਇਲਾਕੇ ਦੇ ਫਾਰੇਸਟ ਗਾਰਡ ਦੀ ਟੀਮ ਰਾਜ ਸਰਕਾਰ ਦੇ ਆਦੇਸ਼ ਤੋਂ ਬਾਅਦ ਇਲਾਕੇ ਵਿਚ ਪੌਦੇ ਲਗਾਉਣ ਦੀ ਮੁਹਿੰਮ ਲਈ ਗਈ ਸੀ।

ਇਹ ਅਭਿਆਨ ਕਾਲੇਸ਼ਵਰਮ ਇਰੀਗੇਸ਼ਨ ਪ੍ਰੋਜੈਕਟ ਦਾ ਹਿੱਸਾ ਹੈ ਜੋ ਸੀਐਮ ਦੇ ਚੰਦਰਸ਼ੇਖ਼ਰ ਰਾਓ ਦਾ ਦੂਜਾ ਸਭ ਤੋਂ ਵੱਡਾ ਸੁਪਨਾ ਹੈ। ਮਹਿਲਾ ਅਧਿਕਾਰੀ ਨੇ ਦਸਿਆ ਕਿ ਉਹ ਲੋਕਾਂ ਨੂੰ ਦਸ ਰਹੀ ਸੀ ਕਿ ਉਹ ਸਰਕਾਰ ਦੇ ਨਿਰਦੇਸ਼ਾਂ ਦਾ ਪਾਲਨ ਕਰ ਰਹੀ ਹੈ ਪਰ ਭੀੜ ਵਿਚ ਕਿਸੇ ਨੇ ਵੀ ਉਹਨਾਂ ਦੀ ਗੱਲ ਨਹੀਂ ਸੁਣੀ। ਪੁਲਿਸ ਨੇ ਕਿਹਾ ਕਿ ਉਹ ਹਮਲਾਵਰਾਂ ਦੀ ਪਹਿਚਾਣ ਕਰ ਕੇ ਉਹਨਾਂ ਦੀ ਗ੍ਰਿਫ਼ਤਾਰੀ ਕਰੇਗੀ।