Aman Arora

ਚੰਡੀਗੜ੍ਹ : ਪੰਜਾਬ ਵਿਧਾਨ ਸਭਾ ਦੇ ਬਜਟ ਇਜਲਾਸ ਦੌਰਾਨ ਅੱਜ ਸੁਨਾਮ(ਸੰਗਰੂਰ) ਤੋਂ ਆਮ ਆਦਮੀ ਪਾਰਟੀ ਦੇ ਵਿਧਾਇਕ ਅਮਨ ਅਰੋੜਾ ਨੇ ਸਰਕਾਰ ਅਤੇ ਵਿਰੋਧੀ ਧਿਰ ਅਕਾਲੀ ਦਲ ਨੂੰ ਖ਼ੂਬ ਰਗੜੇ ਲਗਾਏ ਅਤੇ ਆਮ ਆਦਮੀ ਪਾਰਟੀ ਪੰਜਾਬ ਸਰਕਾਰ ਨੂੰ ਸਲਾਹ ਦੇ ਰਹੀ ਹੈ ਕਿ ਪੰਜਾਬ ਵਿਚ ਬਿਜਲੀ ਐਨੀ ਮਹਿੰਗੀ ਹੋ ਗਈ ਹੈ ਕਿ ਆਮ ਲੋਕਾਂ ਨੂੰ ਬਿਜਲੀ ਦੀ ਥਾਂ ਦੀਵੇ ਬਾਲਣੇ ਪੈਣਗੇ।

ਵਿਧਾਨ ਸਭਾ ਤੋਂ ਬਾਹਰ ਵਿਧਾਇਕ ਅਮਨ ਅਰੋੜਾ ਨੇ ਸਪੋਕਸਮੈਨ ਟੀਵੀ ਦੇ ਸੀਨੀਅਰ ਪੱਤਰਕਾਰ ਹਰਦੀਪ ਸਿੰਘ ਭੋਗਲ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਦੇ ਲੋਕਾਂ ਪਹਿਲਾਂ ਅਕਾਲੀ ਸਰਕਾਰ ਨੂੰ 10 ਸਾਲ ਸੱਤਾ ‘ਚ ਬਣਾਈ ਰੱਖਿਆ ਜੋ ਪੰਜਾਬ ਨੂੰ ਕੰਗਾਲ ਕਰਕੇ ਚਲੇ ਗਏ ਇਸਤੋਂ ਬਾਅਦ ਮੌਜੂਦਾ ਕੈਪਟਨ ਸਰਕਾਰ ਨੇ ਵੀ ਪੰਜਾਬ ਦੇ ਲੋਕਾਂ ਨੂੰ ਮਹਿੰਗਾਈ ਦੀ ਮਾਰ ਹੇਠ ਦੱਬ ਰੱਖਿਆ ਹੈ। ਉਥੇ ਹੀ ਉਨ੍ਹਾਂ ਕਿਹਾ ਕਿ ਇਹ ਕਾਂਗਰਸ-ਅਕਾਲੀ ਸਰਕਾਰ ਨੇ ਮਲਾਹ ਬਣਕੇ ਪੰਜਾਬ ਦੇ ਲੋਕਾਂ ਦੀ ਬੇੜੀ ਬਚਾਉਣ ਦੀ ਬਜਾਏ ਬੇੜੀ ਡੋਬਣ ‘ਤੇ ਆਏ ਹੋਏ ਹਨ।

ਅਮਨ ਨੇ ਕਿਹਾ ਕਿ ਆਉਣ ਵਾਲੇ ਸਮੇਂ ਵਿਚ ਬਿਜਲੀ ਐਨੀ ਕੁ ਜ਼ਿਆਦਾ ਮਹਿੰਗੀ ਹੋ ਜਾਵੇਗਾ ਕਿ ਆਮ ਲੋਕਾਂ ਤੋਂ ਬਿਜਲੀ ਦੇ ਬਿੱਲ ਭਰੇ ਨਹੀਂ ਜਾਣਗੇ ਤੇ ਉਨ੍ਹਾਂ ਨੂੰ ਦੀਵੇ-ਮੋਮਬੱਤੀਆਂ ਨਾਲ ਹੀ ਗੁਜਾਰਾ ਕਰਨਾ ਪਵੇਗਾ। ਉਥੇ ਹੀ ਉਨ੍ਹਾਂ ਅਕਾਲੀ-ਕਾਂਗਰਸ ਸਰਕਾਰ ਨੂੰ ਰਗੜਾ ਲਗਾਉਂਦੇ ਕਿਹਾ ਕਿ ਇਨ੍ਹਾਂ ਦੋਵਾਂ ਸਰਕਾਰਾਂ ਹੇਠ ਲੰਮੇ ਸਮੇਂ ਤੋਂ ਮਾਫ਼ੀਆ ਚੱਲ ਰਿਹਾ ਹੈ ਤੇ ਪੰਜਾਬ 2022-23 ਤੱਕ 2 ਲੱਖ 92 ਹਜਾਰ ਕਰੋੜ ਦਾ ਕਰਜਾਈ ਹੋ ਜਾਵੇਗਾ ਅਤੇ ਇਨ੍ਹਾਂ ਦੋਵਾਂ ਸਰਕਾਰਾਂ ਨੇ ਪੰਜਾਬ ਨੂੰ ਬਚਾਉਣ ਦੀ ਬਜਾਏ ਕੰਗਾਲ ਕਰ ਦਿੱਤਾ, ਜਿਸ ਕਰਕੇ ਸਾਨੂੰ ਅੱਜ ਭਾਰੀ ਮਨ ਦੇ ਨਾਲ ਇਹ ਦੀਵਾ ਬਾਲਣਾ ਪੈ ਰਿਹਾ ਹੈ।

ਉਥੇ ਹੀ ਉਨ੍ਹਾਂ ਨੇ ਪੰਜਾਬ ਸਰਕਾਰ ਤੋਂ ਪੀਐਸਪੀਐਲ ਦੇ ਮੁਨਾਫ਼ੇ ਨੂੰ ਲੈ ਕੇ ਸਵਾਲ ਵੀ ਕੀਤੇ ਕਿ ਬਿਜਲੀ ਵਿਭਾਗ ਨੂੰ 80 ਕਰੋੜ ਮੁਨਾਫ਼ਾ ਹੋਇਆ ਹੈ ਤਾਂ ਸਾਰੇ ਸੂਬਿਆਂ ਨਾਲੋਂ ਪੰਜਾਬ ਵਿਚ ਹੀ ਮਹਿੰਗੀ ਬਿਜਲੀ ਕਿਉਂ ਹੈ? ਉਨ੍ਹਾਂ ਕਿਹਾ ਕਿ ਜੇ ਬਿਜਲੀ ਵਿਭਾਗ ਮੁਨਾਫ਼ੇ ਵਿਚ ਹੈ ਤਾਂ ਪੰਜਾਬ ਸਰਕਾਰ ਨੂੰ ਬਿਜਲੀ ਸਸਤੀ ਕਰਨੀ ਚਾਹੀਦੀ ਹੈ।

ਅਰੋੜਾ ਨੇ ਕਿਹਾ ਕਿ ਪੰਜਾਬ ਦੇ ਖਜਾਨਾ ਮੰਤਰੀ ਮਨਪ੍ਰੀਤ ਬਾਦਲ ਨੇ ਮੁਨਾਫ਼ਾ ਤਾਂ ਦੱਸ ਦਿੱਤਾ ਪਰ ਉਹ ਇਹ ਵੀ ਦੱਸਣ ਕਿ ਪੰਜਾਬ ਪੀਐਸਪੀਸੀਐਲ ਦੇ ਸਿਰ ‘ਤੇ 32 ਹਜਾਰ 500 ਕਰੋੜ ਦਾ ਕਰਜਾ ਹੈ ਤੇ ਇਹ ਸਾਲ 2010-11 ਵਿਚ 20 ਹਜਾਰ 517 ਕਰੋੜ ਦਾ ਕਰਜ ਸੀ ਅਤੇ 9 ਸਾਲਾਂ ਦੇ ਵਿਚ ਸਾਢੇ 12 ਹਜਾਰ ਕਰੋੜ ਕਰਜ ਹੋਰ ਚੜ੍ਹ ਗਿਆ ਹੈ ਜੋ ਖਜਾਨਾ ਮੰਤਰੀ ਦੱਸਣਾ ਭੁੱਲ ਜਾਂਦੇ ਹਨ।

ਉਥੇ ਹੀ ਉਨ੍ਹਾਂ ਨੇ ਪੰਜਾਬ ਸਰਕਾਰ ਨੂੰ ਸੁਝਾਅ ਵੀ ਦਿਤਾ ਕਿ ਪੰਜਾਬ ਵਿਚ ਬਿਜਲੀ ਮਾਫ਼ੀਆ, ਸ਼ਰਾਬ ਮਾਫ਼ੀਆ, ਟ੍ਰਾਂਸਪੋਰਟ ਮਾਫ਼ੀਆ, ਰੇਤ ਮਾਫ਼ੀਆ ਅਤੇ ਇੱਕ ਜਨਰਲ ਕਰੱਪਸ਼ਨ ਜੋ ਸਿਰ ਚੜ੍ਹ ਬੋਲ ਰਹੀ ਹੈ, ਇਨ੍ਹਾਂ 4 ਚੀਜ਼ਾਂ ‘ਤੇ ਪੰਜਾਬ ਸਰਕਾਰ ਜੇ ਕੰਟਰੋਲ ਕਰ ਲਵੇ ਤਾਂ ਖਜਾਨੇ ਵਿਚ 25 ਹਜਾਰ ਕਰੋੜ ਜਮ੍ਹਾ ਹੋ ਜਾਵੇਗਾ ਅਰੋੜਾ ਇੱਥੇ ਹੀ ਨਹੀਂ ਰੁਕੇ ਉਨ੍ਹਾਂ ਕਿਹਾ ਕਿ ਜੇ ਐਨਾ ਪੈਸਾ ਖਜਾਨਾ ਵਿਚ ਜਮ੍ਹਾਂ ਨਹੀਂ ਹੋਇਆ ਤਾਂ ਮੈਂ ਸਿਆਸਤ ਛੱਡ ਦੇਵਾਂਗਾ।