ਜਲੰਧਰ : ਪੰਜਾਬ ਦੇ ਗੁਰਦਾਸਪੁਰ ਦੀ  ਜਲੰਧਰ 'ਚ ਪੜ੍ਹ ਰਹੀ ਮੁਟਿਆਰ ਨੂੰ ਕੈਨੇਡਾ ਦੀ ਇੱਕ ਕੰਪਨੀ ਨੇ ਇੱਕ ਕਰੋੜ ਰੁਪਏ ਸਾਲਾਨਾ ਦਾ ਪੈਕੇਜ ਦਿੱਤਾ ਹੈ। ਇਸ ਤਰ੍ਹਾਂ ਦਾ ਪੈਕੇਜ ਹਾਸਲ ਕਰਨ ਵਾਲੀ ਕਵਿਤਾ ਐਗਰੀਕਲਚਰ ਦੀ ਸਿੱਖਿਆ ਹਾਸਲ ਕਰਨ ਵਾਲੀ ਦੇਸ਼ ਦੀ ਪਹਿਲੀ ਵਿਦਿਆਰਥਣ ਹੈ।  ਕਵਿਤਾ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ ਦੀ ਐਮ.ਐਸਸੀ ਐਗਰੀਕਲਚਰ ਦੇ ਫਾਈਨਲ ਈਅਰ ਦੀ ਵਿਦਿਆਰਥਣ ਹੈ।

ਕੈਨੇਡਾ ਦੀ ਮੋਨਾਸਾਂਟੋ ਕੰਪਨੀ ਨੇ ਲਗਭਗ 200000 ਕੈਨੇਡੀਅਨ ਡਾਲਰ ਦਾ ਪੈਕੇਜ ਦਿੱਤਾ ਹੈ। ਕਵਿਤਾ ਹੁਣ ਕੰਪਨੀ ਦੀ ਕਰਾਪ ਸਾਇੰਸ ਦ ਫਾਇਰ ਗਰੁੱਪ ਨਾਲ ਜੁੜ ਗਈ ਹੈ ਅਤੇ ਉਹ ਇਸੇ ਮਹੀਨੇ ਕੰਪਨੀ ਦੇ ਮਾਨੀਟੋਬਾ ਆਫ਼ਿਸ ਵਿਚ ਬਤੌਰ ਪ੍ਰੋਡਕਸਨ ਮੈਨੇਜਰ ਦੇ ਤੌਰ 'ਤੇ ਜਵਾਇਨ ਕਰੇਗੀ। ਪ੍ਰੋਡਕਸ਼ਨ ਮੈਨੇਜਰ ਹੋਣ ਦੇ ਨਾਤੇ ਉਨ੍ਹਾਂ ਦੀ ਕੰਪਨੀ ਵਿਚ ਪ੍ਰੋਡਕਸ਼ਨ, ਪਲਾਨਿੰਗ ਅਤੇ ਮੈਨੂਫੈਕਚਰਿੰਗ ਪ੍ਰੌਸਸ ਵਿਚ ਇਨਵੌਲਵਮੈਂਟ ਰਹੇਗੀ। ਕਵਿਤਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਲਈ ਇਹ ਸਭ ਕੁਝ ਸੁਪਨੇ ਵਾਂਗ ਹੈ।

ਮੋਨਸਾਂਟੋ ਕੰਪਨੀ ਦੇ ਅਧਿਕਾਰੀਆਂ ਵਲੋਂ ਲਏ ਗਏ ਟੈਸਟ ਅਤੇ ਇੰਟਰਵਿਊ ਤੋਂ ਬਾਅਦ ਉਨ੍ਹਾਂ ਇਹ ਆਫ਼ਰ ਦਿੱਤਾ ਗਿਆ। ਐਲਪੀਯੂ ਦੇ ਡਾਇਰੈਕਟਰ ਅਮਨ ਮਿੱਤਲ ਨੇ ਕਿਹਾ ਕਿ ਵਿਦਿਆਰਥਣ ਨੂੰ ਇਹ ਪੈਕੇਜ ਮਿਲਣਾ ਬੜੇ ਹੀ ਮਾਣ ਵਾਲੀ ਗੱਲ ਹੈ।  ਐਗਰਲਕਲਚਰ ਐਜੂਕੇਸ਼ਨ ਐਗਰੋਨਾਮੀ ਦੇ ਜ਼ਰੀਏ ਖੇਤੀਬਾੜੀ ਖੇਤਰ ਵਿਚ ਆਉਣ ਵਾਲੇ ਵਿਦਿਆਰਥੀਆਂ ਨੂੰ ਇਸ ਨਾਲ ਪ੍ਰੋਤਸ਼ਾਹਨ ਮਿਲੇਗਾ।