Police

ਫਿਰੋਜ਼ਪੁਰ: ਮੱਲਾਂਵਾਲਾ ਜੀਰਾ ਰੋਡ ਤੇ ਪੈਂਦੇ ਪਿੰਡ ਭਾਗੋਕੇ ਸਥਿਤ HDFC ਬੈਂਕ ਵਿੱਚ ਲੁਟੇਰੇ ਨੇ ਬੈਂਕ ਦੇ ਗਾਰਡ ਨੂੰ ਜਖਮੀ ਕਰਕੇ ਬੈਂਕ ਵਿੱਚ ਪਈ ਸੈਫ਼ ਚੋਰੀ ਕਰਕੇ ਲੈ ਗਏ ਪਰ ਬੈਂਕ ਦੀ ਚੋਰੀ ਕੀਤੀ ਗਈ ਸੇਫ ਬੈਂਕ ਤੋਂ ਲਗਭਗ 2 ਕਿੱਲੋਮੀਟਰ ਦੂਰ ਪਿੰਡ ਗੁਰਦਿੱਤੀ ਵਾਲਾ ਹੈੱਡ 'ਤੇ ਸੜਕ ਦੇ ਕਿਨਾਰੇ ਸਵੇਰੇ ਮਿਲ ਗਈ ਜਿਸ ਕਾਰਨ ਇਲਾਕੇ ਵਿੱਚ ਬੈਂਕ ਡਕੈਤੀ ਦੀ ਵੱਡੀ ਘਟਨਾ ਹੋਣ ਤੋਂ ਬਚਾਅ ਹੋ ਗਿਆ। 

ਮਿਲੀ ਜਾਣਕਾਰੀ ਅਨੁਸਾਰ ਪਿੰਡ ਭਾਗੋ ਕੇ ਵਿਖੇ HDFC ਬ੍ਰਾਂਚ ਵਿੱਚ ਬੀਤੀ ਰਾਤ ਚੋਰਾਂ ਵੱਲੋਂ ਬੈਂਕ ਦੇ ਸੁਰੱਖਿਆ ਗਾਰਡ ਨੂੰ ਜ਼ਖ਼ਮੀ ਕਰਕੇ ਬੈਂਕ ਦਾ ਸ਼ਟਰ ਤੋੜ ਕੇ ਬੈਂਕ ਦੀ ਨਗਦੀ ਵਾਲੀ ਸੇਫ] ਚੋਰੀ ਕਰ ਲਈ ਗਈ ਸੀ। ਚੋਰਾਂ ਵੱਲੋਂ ਬੈਂਕ ਦੇ ਨਕਦੀ ਵਾਲੇ ਸੇਫ਼ ਬੈਂਕ ਤੋਂ 2 ਕਿਲੋਮੀਟਰ ਦੂਰ ਪਿੰਡ ਗੁਰਦਿੱਤੀ ਵਾਲਾ ਹੈੱਡ ਵਰਕਸ ਤੇ ਲੈ ਗਏ ਜਿੱਥੇ ਚੋਰਾਂ ਵੱਲੋਂ ਉਸ ਸੇਫ ਨੂੰ ਕਟਰ ਨਾਲ ਕੱਟ ਕੇ ਨਕਦੀ ਕੱਢਣ ਦੀ ਕੋਸ਼ਿਸ ਕੀ ਕੀਤੀ ਗਈ ਪਰ ਚੋਰ ਸੇਫ਼ ਨੂੰ ਕਟ ਨਾ ਸਕੇ।

ਜਿਸ ਕਾਰਨ ਚੋਰ ਸੇਫ਼ ਨੂੰ ਉੱਥੇ ਹੀ ਛੱਡ ਕੇ ਚਲੇ ਗਏ। ਜ਼ਖਮੀ ਬੈਂਕ ਦੇ ਸੁਰੱਖਿਆ ਗਾਰਡ ਨੂੰ ਇਲਾਜ਼ ਲਈ ਹਸਪਤਾਲ ਵਿੱਚ ਦਾ ਕਰਵਾਇਆ ਗਿਆ। ਘਟਨਾ ਦੀ ਸੂਚਨਾ ਮਿਲਦਿਆ ਸਾਰ ਹੀ ਅਜੇ ਰਾਜ ਸਿੰਘ ਐਸਪੀ (ਡੀ) ਜੀਰਾ, ਜਤਿੰਦਰ ਸਿੰਘ ਐਸ ਐਚ ਓ ਮੱਲਾਂਵਾਲਾ, ਬੱਚਨ ਸਿੰਘ ਐਸ ਐਚ ਓ ਮੱਖੂ,

ਗੁਰਮੇਲ ਸਿੰਘ ਐਸ ਐਚ ਓ ਸਦਰ ਜੀਰਾ, ਜਸਵਿੰਦਰ ਸਿੰਘ ਐਸ ਐਚ ਓ ਜੀਰਾ,ਨੇ ਘਟਨਾ ਸਥਾਨ ਤੇ ਪਹੁੰਚ ਕੇ ਅਤੇ ਬੈਂਕ ਦੇ ਆਲਾ ਅਧਿਕਾਰੀ ਅਤੇ ਫਿੰਗਰ ਪ੍ਰਿੰਟ ਮਾਹਿਰ ਫਰੇਸਿਸਕ ਮਾਹਿਰ ਯੁਨਿਟ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਮੱਲਾਂਵਾਲਾ ਦੇ ਥਾਣਾ ਮੁਖੀ ਜਤਿੰਦਰ ਸਿੰਘ ਨੇ ਦੱਸਿਆ ਕਿ ਚੋਰਾਂ ਦੀ ਭਾਲ ਵੱਖ ਵੱਖ ਟੀਮਾਂ ਨੂੰ ਗਠਿਤ ਕਰਕੇ ਕੀਤੀ ਜਾ ਰਹੀ ਹੈ ਅਤੇ ਜਲਦੀ ਹੀ ਚੋਰਾਂ ਨੂੰ ਕਾਬੂ ਕਰ ਲਿਆ ਜਾਵੇਗਾ।