file photo

ਪੰਜਾਬ - ਪੰਜਾਬ ਵਿਚ ਕੋਰੋਨਾ ਵਾਇਰਸ ਦੇ ਕੇਸਾਂ ਨੇ ਮਈ ਦੇ ਮਹੀਨੇ ਵਿਚ ਤੇਜ਼ੀ ਨਾਲ ਵਾਧਾ ਕਰਨਾ ਸ਼ੁਰੂ ਕਰ ਦਿੱਤਾ ਹੈ। ਜਲੰਧਰ ’ਚ ਕੋਵਿਡ-19  ਤੋਂ ਪੀੜਤ ਮਰੀਜ਼ ਨਰੇਸ਼ ਚਾਵਲਾ ਦੀ ਮੌਤ ਹੋ ਗਈ ਹੈ।

ਜਿਸ ਦਾ ਪੀ.ਜੀ.ਆਈ. ਚੰਡੀਗੜ੍ਹ ’ਚ ਇਲਾਜ ਚੱਲ ਰਿਹਾ ਸੀ। ਇਸ ਦੇ ਨਾਲ ਹੀ ਅੱਜ ਇਕ ਹੋਰ 56 ਸਾਲ ਦੇ ਵਿਅਕਤੀ ਦੇ ਸੈਂਪਲ ਦੀ ਰਿਪੋਰਟ ਵੀ ਪਾਜ਼ੀਟਿਵ ਆ ਗਈ ਹੈ, ਜਿਸ ਨਾਲ ਹੁਣ ਪਾਜ਼ੀਟਿਵ ਮਰੀਜ਼ਾਂ ਦੀ ਗਿਣਤੀ ਵੱਧ ਕੇ 137 ਹੋ ਗਈ ਹੈ।

ਅਤੇ ਕੋਰੋਨਾ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 5 ਹੋ ਗਈ ਹੈ। ਇਸਦੇ ਨਾਲ ਹੀ  ਸ੍ਰੀ ਮੁਕਤਸਰ ਸਾਹਿਬ ਵਿਖੇ ਇਕ ਹੋਰ ਕੋਰੋਨਾ ਪਾਜੀਟਿਵ ਕੇਸ ਸਾਬਮਣੇ ਆਇਆ ਹੈ।  ਸ੍ਰੀ ਮੁਕਤਸਰ ਸਾਹਿਬ -ਸਿਹਤ ਵਿਭਾਗ ਤੋਂ ਪ੍ਰਾਪਤ ਸੂਚਨਾ ਅਨੁਸਾਰ ਅੱਜ 23 ਸੈਂਪਲਾਂ ਦੀ ਰਿਪੋਰਟ ਆਈ ਹੈ।

ਜਿਸ ਵਿਚ 22 ਵਿਅਕਤੀ ਨੈਗੇਟਿਵ ਅਤੇ ਇਕ ਵਿਅਕਤੀ ਪਾਜੀਟਿਵ ਪਾਇਆ ਗਿਆ ਹੈ। ਇਸ ਤਰ੍ਹਾਂ ਜ਼ਿਲ੍ਹੇ ਵਿਚ ਹੁਣ ਕੋਰੋਨਾ ਪਾਜੀਟਿਵ ਮਰੀਜ਼ਾਂ ਦੀ ਗਿਣਤੀ 65 ਹੋ ਗਈ ਹੈ।

 ਫਤਹਿਗੜ੍ਹ ਸਾਹਿਬ ’ਚ ਮਿਲਿਆ ਇਕ ਹੋਰ ਕੋਰੋਨਾ ਕੇਸ ਫਤਹਿਗੜ੍ਹ ਸਾਹਿਬ - ਜ਼ਿਲ੍ਹਾ ਫਤਹਿਗੜ੍ਹ ਸਾਹਿਬ ’ਚ ਅੱਜ ਇਕ ਹੋਰ ਕੋਰੋਨਾ ਪਾਜ਼ੀਟਿਵ ਕੇਸ ਸਾਹਮਣੇ ਆਇਆ। ਜਿਸ ਨਾਲ ਜ਼ਿਲ੍ਹੇ ਵਿਚ ਕੁੱਲ ਕੋਰੋਨਾ ਕੇਸਾਂ ਦੀ ਗਿਣਤੀ 18 ਹੋ ਗਈ ਹੈ।

ਸਿਵਲ ਸਰਜਨ ਡਾ. ਐਨ. ਕੇ. ਅਗਰਵਾਲ ਨੇ ਦੱਸਿਆ ਕਿ ਸਰਹਿੰਦ ਦੇ ਮੁਹੱਲਾ ਅਦਰਸ਼ ਨਗਰ ਦੇ ਵਸਨੀਕ ਇਕ ਵਿਅਕਤੀ ਦੀ ਕੋਰੋਨਾ ਰਿਪੋਰਟ ਪਾਜ਼ੀਟਿਵ ਆਈ ਹੈ ਜਿਸ ਨੂੰ ਇਲਾਜ ਦੇ ਲਈ ਗਿਆਨ ਸਾਗਰ ਹਸਪਤਾਲ, ਬਨੂੜ ਵਿਖੇ ਭੇਜ ਦਿੱਤਾ ਗਿਆ ਹੈ।

 ਉੱਥੇ ਹੀ  ਪੂਰੇ ਦੇਸ਼ ਦੀ ਗੱਲ ਕਰ ਲਈ ਤਾਂ ਹੁਣ ਸਿਰਫ ਨਵੇਂ ਕੇਸਾਂ ਦੀ ਗਿਣਤੀ ਹੀ ਨਹੀਂ ਵਧੀ ਬਲਕਿ ਮੰਗਲਵਾਰ ਨੂੰ ਪਹਿਲੀ ਵਾਰ ਇਸ ਮਾਰੂ ਵਾਇਰਸ ਨਾਲ ਮਰਨ ਵਾਲਿਆਂ ਦੀ ਗਿਣਤੀ ਤਿੰਨ ਗੁਣਾ ਹੋ ਗਈ ਹੈ।

ਪਿਛਲੇ 24 ਘੰਟਿਆਂ ਵਿੱਚ 2,501 ਨਵੇਂ ਕੋਰੋਨਾ ਮਰੀਜ਼ ਸਾਹਮਣੇ ਆਏ ਹਨ। ਇੰਨਾ ਹੀ ਨਹੀਂ ਕੋਰੋਨਾ ਤੋਂ ਦੇਸ਼ ਵਿਚ ਕੁੱਲ ਮੌਤਾਂ ਦਾ 28% ਸਿਰਫ 5 ਦਿਨਾਂ ਵਿਚ ਹੋਇਆ ਹੈ। ਕੋਵਿਡ-19 ਨੇ ਮੰਗਲਵਾਰ ਨੂੰ ਦੇਸ਼ ਭਰ ਵਿੱਚ 199 ਲੋਕਾਂ ਦੀ ਮੌਤ ਹੋਈ ਹੈ।

ਇਨ੍ਹਾਂ ਵਿੱਚੋਂ ਸਿਰਫ 79 ਪੱਛਮੀ ਬੰਗਾਲ ਵਿੱਚ, ਗੁਜਰਾਤ ਵਿੱਚ 49 ਅਤੇ ਮਹਾਰਾਸ਼ਟਰ ਵਿੱਚ 34 ਦੀ ਮੌਤ ਹੋਈ ਹੈ। ਬੰਗਾਲ ਸਰਕਾਰ ਸ਼ੁਰੂ ਵਿਚ ਹੋਰ ਬਿਮਾਰੀਆਂ ਵਿਚ 72 ਮੌਤਾਂ ਵਿਚ ਸ਼ਾਮਲ ਸੀ। ਦੇਸ਼ ਵਿੱਚ ਹੁਣ ਤੱਕ ਕੋਰੋਨਾ ਦੇ ਮਰੀਜ਼ਾਂ ਦੀ ਗਿਣਤੀ 49 ਹਜ਼ਾਰ ਤੋਂ ਵੀ ਉੱਪਰ ਪਹੁੰਚ ਗਈ ਹੈ। ਪੰਜ ਰਾਜਾਂ ਦੀ ਕੋਰੋਨਾ ਕਾਰਨ ਬੁਰੀ ਸਥਿਤੀ ਹੈ।

ਸਿਰਫ ਮੰਗਲਵਾਰ ਹੀ ਮਹਾਰਾਸ਼ਟਰ ਵਿਚ 841 ਨਵੇਂ ਕੇਸ ਸਾਹਮਣੇ ਆਏ। ਤਾਮਿਲਨਾਡੂ ਵਿੱਚ 508, ਗੁਜਰਾਤ ਵਿੱਚ 441, ਪੰਜਾਬ ਵਿੱਚ 217 ਅਤੇ ਦਿੱਲੀ ਵਿੱਚ 206 ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਮਹਾਰਾਸ਼ਟਰ ਵਿਚ ਕੋਰੋਨਾ ਤੋਂ ਮਰਨ ਵਾਲਿਆਂ ਦੀ ਗਿਣਤੀ 600 ਦੇ ਨੇੜੇ ਪਹੁੰਚ ਗਈ ਹੈ। ਤੇਲੰਗਾਨਾ ਨੇ ਕੋਰੋਨਾ ਨਾਲ ਲੜਨ ਲਈ ਰਾਜ ਵਿੱਚ ਲਾਕਡਾਊਨ 29 ਮਈ ਤੱਕ ਵਧਾ ਦਿੱਤਾ ਹੈ।

ਲਾਕਡਾਊਨ 3.0 ਦੇਸ਼ ਭਰ ਵਿੱਚ 17 ਮਈ ਤੱਕ ਲਾਗੂ ਹੈ। ਕੋਰੋਨਾ ਦੇ ਤੇਲੰਗਾਨਾ ਵਿਚ ਤਕਰੀਬਨ 1,100 ਮਰੀਜ਼ ਹਨ। ਮਾਰੂ ਕੋਰੋਨਾ ਵਾਇਰਸ ਨੇ ਦੇਸ਼ ਭਰ ਵਿੱਚ 1,688 ਲੋਕਾਂ ਦੀ ਮੌਤ ਕਰ ਦਿੱਤੀ ਹੈ। ਇਨ੍ਹਾਂ ਕੁੱਲ ਮੌਤਾਂ ਵਿਚੋਂ 609 ਮੌਤਾਂ ਸਿਰਫ 5 ਦਿਨਾਂ ਵਿਚ ਹੋਈਆਂ। 30 ਅਪ੍ਰੈਲ ਨੂੰ ਕੋਰੋਨਾ ਨਾਲ ਦੇਸ਼ ਵਿੱਚ 74 ਲੋਕਾਂ ਦੀ ਮੌਤ ਹੋ ਗਈ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।