Gym owners non opening of gym

ਲੁਧਿਆਣਾ: ਜਿਮ ਮਾਲਕਾਂ ਨੂੰ ਵਿਸ਼ਵਾਸ ਦਵਾਇਆ ਗਿਆ ਸੀ ਕਿ ਜਿਮ 8 ਜੂਨ ਨੂੰ ਖੁੱਲ੍ਹ ਜਾਣਗੇ ਪਰ ਅਜਿਹਾ ਨਹੀਂ ਹੋਇਆ ਜਿਸ ਕਾਰਨ ਹੁਣ ਲੁਧਿਆਣਾ ਦੇ ਜਿਮ ਮਾਲਕਾਂ ਵੱਲੋਂ ਜਿਮ ਨਾ ਖੋਲ੍ਹੇ ਜਾਣ ਦੇ ਰੋਸ ਵਜੋਂ ਪੰਜਾਬ ਸਰਕਾਰ ਖਿਲਾਫ ਜੰਮ ਕੇ ਨਾਆਰੇਬਾਜ਼ੀ ਕੀਤੀ ਗਈ।

ਜਿਮ ਮਾਲਕ ਵੱਲੋਂ ਦਸਿਆ ਗਿਆ ਕਿ ਉਹਨਾਂ ਨੇ ਜਿਮ ਨੂੰ ਲੈ ਕੇ ਸੀਐਮ ਨਾਲ ਗੱਲਬਾਤ ਕੀਤੀ ਸੀ ਤੇ ਉਹਨਾਂ ਨੇ ਪ੍ਰਧਾਨ ਮੰਤਰੀ ਨੂੰ ਕਿਹਾ ਸੀ ਕਿ ਜਿਮ ਖੋਲ੍ਹੇ ਜਾਣ ਤੇ ਉਹਨਾਂ ਨੇ ਵਿਸ਼ਵਾਸ ਦਵਾਇਆ ਸੀ ਪਰ ਅਜਿਹਾ ਹੁਣ ਕਕ ਨਹੀਂ ਹੋਇਆ। ਇਸ ਦੇ ਨਾਲ ਹੀ ਸੰਜੇ ਤਲਵਾੜ ਨੇ ਕਿਹਾ ਕਿ ਜਿੰਨੀ ਜਲਦ ਹੋ ਸਕੀ ਉਹ ਜਿਮ ਖੁਲ੍ਹਵਾਉਣ ਦੀ ਕੋਸ਼ਿਸ਼ ਕਰਨਗੇ ਕਿਉਂ ਕਿ ਉਹਨਾ ਨੂੰ ਕੰਮ ਰੁਕਣ ਕਾਰਨ ਕਈ ਮੁਸ਼ਿਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਸਰਕਾਰ ਨੂੰ ਜਿਮ ਬੰਦ ਰੱਖ ਕੇ ਤੇ ਲੋਕਾਂ ਨੂੰ ਤੰਗ ਕਰ ਕੇ ਕੁੱਝ ਨਹੀਂ ਮਿਲਣਾ। ਉੱਥੇ ਹੀ ਇਕ ਪ੍ਰਦਰਸ਼ਨਕਾਰੀ ਦਾ ਕਹਿਣਾ ਸੀ ਕਿ ਉਹਨਾਂ ਨੇ ਪਿਛਲੇ ਦਿਨੀਂ ਸ਼ਾਂਤਮਈ ਢੰਗ ਨਾਲ ਸਰਕਾਰ ਨੂੰ ਅਪੀਲ ਕਰਨੀ ਚਾਹੀ ਸੀ ਕਿ ਜਿਮ ਖੋਲ੍ਹੇ ਜਾਣ ਪਰ ਉਹਨਾਂ ਦਾ ਸਮਾਨ ਚੁੱਕ ਲਿਆ ਗਿਆ ਤੇ ਫਿਰ ਜਦੋਂ ਉਹਨਾਂ ਨੂੰ ਲੱਗਿਆ ਕਿ ਅਜਿਹਾ ਕਰਨਾ ਠੀਕ ਨਹੀਂ ਹੈ ਤਾਂ ਉਹ ਅਪਣੇ ਆਪ ਸਮਾਨ ਵਾਪਸ ਰੱਖ ਗਏ।

ਇਸ ਮੌਕੇ ਉਨ੍ਹਾਂ ਜਿਮ ਖੋਲ੍ਹਣ ਦੀ ਮੰਗ ਕਰਦੇ ਹੋਏ ਕਿਹਾ ਕਿ ਜੇਕਰ ਸ਼ਰਾਬ ਦੇ ਠੇਕੇ ਸਮੇਤ ਪੰਜਾਬ ਦੇ ਦੂਜੇ ਸਾਰੇ ਕੰਮ-ਕਾਜ ਖੋਲ੍ਹੇ ਜਾ ਸਕਦੇ ਹਨ ਤਾਂ ਸਾਡੇ ਕੰਮ ਬੰਦ ਕਿਉਂ ਹੈ? ਇਸ ਮੌਕੇ ਪੁੱਜੇ ਸਕੂਲੀ ਬੱਚਿਆਂ ਨੇ ਵੀ ਕਿਹਾ ਕਿ ਪੰਜਾਬ ਸਰਕਾਰ ਨੇ ਨਾ ਤਾਂ ਬਿਜਲੀ ਦੇ ਬਿੱਲ ਮਾਫ ਕੀਤੇ ਤੇ ਨਾ ਸਕੂਲਾਂ ਦੀ ਫੀਸ ਮਾਫ ਕਰਵਾਈ।

ਇਸ ਮੌਕੇ ਜਿਮ ਮਾਲਕਾਂ ਨੇ ਵੀ ਕਿਹਾ ਕਿ ਨਾ ਤਾਂ ਸਾਡਾ ਕਿਰਾਇਆ ਮਾਫ ਕੀਤਾ ਗਿਆ ਅਤੇ ਨੀ ਹੀ ਟੈਕਸ ਮਾਫ ਕੀਤੇ ਗਏ। ਜਿਸ ਦੇ ਚਲਦੇ ਸਾਡੀ ਹਾਲਤ ਅਜਿਹੀ ਹੋ ਗਈ ਹੈ ਕਿ ਰਾਸ਼ਨ ਲਈ ਸਾਨੂੰ ਮਜਬੂਰਨ ਆਪਣਾ ਸਾਮਾਨ ਵੇਚਣਾ ਪੈ ਰਿਹਾ ਹੈ।

ਇਸ ਮੌਕੇ ਗੁਰਦੀਪ ਸਿੰਘ ਗੋਸ਼ਾ ਨੇ ਵੀ ਕਿਹਾ ਕਿ ਕੈਪਟਨ ਸਰਕਾਰ ਨੇ ਸੰਕਟ ਦੀ ਇਸ ਘੜੀ ਵਿੱਚ ਲੋਕਾਂ ਦੀ ਮਦਦ ਕੀ ਕਰਨੀ ਸੀ ਪਰ ਉਹ ਰਾਹਤ ਦੇ ਨਾਮ ਉੱਤੇ ਕੇਵਲ ਉਹੀ ਕੰਮ-ਕਾਜ ਨੂੰ ਖੋਲ੍ਹਣ ਦੀ ਆਗਿਆ ਦੇ ਰਹੀ ਹੈ ਜਿਸ ਵਿੱਚ ਸਰਕਾਰੀ ਖਜਾਨੇ ਨੂੰ ਮੁਨਾਫ਼ਾ ਪਹੁੰਚ ਸਕੇ। ਉਹਨਾਂ ਅੱਗੇ ਦਸਿਆ ਕਿ ਉਹਨਾਂ ਨੇ ਗਿਣਤੀ ਲਗਭਗ 25 ਬੰਦੇ ਬੁਲਾਏ ਸਨ ਬਾਕੀ ਜਿਹਨਾਂ ਨੂੰ ਲਗਦਾ ਸੀ ਕਿ ਜਿਮ ਖੁੱਲ੍ਹਣੇ ਚਾਹੀਦੇ ਹਨ ਤਾਂ ਉਹ ਆਪ ਆ ਕੇ ਸ਼ਾਮਲ ਹੋਏ ਹਨ।