Sikh Philanthropist Navtej Singh Guggu Punjab India Block Batala Jammu Road

ਬਟਾਲਾ: ਨਵਤੇਜ ਸਿੰਘ ਗੁੱਗੂ ਨੂੰ ਅੱਜ ਬਟਾਲਾ ਦੇ ਕੋਰਟ ਕੰਪਲੈਕਸ ਵਿਚ ਲਿਆਉਣਾ ਸੀ ਕਿਉਂ ਕਿ ਅੱਜ ਉਹਨਾਂ ਦਾ ਰਿਮਾਂਡ ਖਤਮ ਹੋ ਚੁੱਕਾ ਸੀ। ਉਸ ਤੋਂ ਬਾਅਦ ਅੱਜ ਮਾਣਯੋਗ ਅਦਾਲਤ ਵਿਚ ਪੇਸ਼ ਕਰਨਾ ਸੀ ਪਰ ਪੁਲਿਸ ਵੱਲੋਂ ਇਕੱਠ ਜ਼ਿਆਦਾ ਵੇਖ ਕੇ ਵੀਡੀਓ ਕਾਨਫਰੰਸਿੰਗ ਕਰਵਾਈ ਗਈ ਤੇ ਉਸ ਤੋਂ ਬਾਅਦ ਦਸਿਆ ਜਾ ਰਿਹਾ ਹੈ ਕਿ ਗੁਰਦਾਸਪੁਰ ਜੇਲ੍ਹ ਵਿਚ ਭੇਜ ਦਿੱਤਾ ਗਿਆ ਹੈ।

ਇੱਥੇ ਪਹੁੰਚ ਕੇ ਵੱਖ-ਵੱਖ ਜਥੇਬੰਦੀਆਂ ਅਤੇ ਐਨਜੀਓ ਨੇ ਪਹੁੰਚ ਕੇ ਧਰਨਾ ਲਗਾ ਦਿੱਤਾ ਹੈ। ਇਹ ਧਰਨਾ ਬਟਾਲਾ ਦੇ ਜੰਮੂ-ਕਸ਼ਮੀਰ ਹਾਈਵੇਅ ਤੇ ਲਗਾਇਆ ਗਿਆ ਹੈ। ਪੰਜਾਬ ਦੇ ਵੱਖ-ਵੱਖ ਹਿੱਸਿਆਂ ਵਿਚੋਂ ਇਹ ਜੱਥੇਬੰਦੀਆਂ ਨਵਤੇਜ ਸਿੰਘ ਦੇ ਹੱਕ ਵਿਚ ਉੱਤਰੀਆਂ ਹਨ। ਧਰਨਾ ਇਸ ਕਰ ਕੇ ਲੱਗਾ ਹੈ ਕਿ ਕਿਉਂ ਕਿ ਨਵਤੇਜ ਨੂੰ ਵੀਡੀਓ ਕਾਨਫਰੰਸਿੰਗ ਕਰਵਾਈ ਗਈ ਸੀ ਤੇ ਲੋਕਾਂ ਨੂੰ ਮਿਲਣ ਵੀ ਨਹੀਂ ਦਿੱਤਾ ਗਿਆ।

ਉੱਥੇ ਹੀ ਜੱਥੇਬੰਦੀ ਦੇ ਮੈਂਬਰ ਨੇ ਦਸਿਆ ਕਿ ਉਹਨਾਂ ਨੂੰ ਤਰੀਕ ਤੇ ਲਿਆਉਣਾ ਸੀ ਪਰ ਉਹਨਾਂ ਨੂੰ ਤਰੀਕ ਤੇ ਨਹੀਂ ਲਿਆਂਦਾ ਗਿਆ, ਪੁਲਿਸ ਸ਼ਰੇਆਮ ਧੱਕੇਸ਼ਾਹੀ ਕਰ ਰਹੀ ਹੈ। ਜਦੋਂ ਉਹਨਾਂ ਨੇ ਨਵਤੇਜ ਪਿੱਛੇ ਗੱਡੀਆਂ ਲਾਈਆਂ ਤਾਂ ਉਹਨਾਂ ਨੂੰ ਚੌਂਕ ਵਿਚੋਂ ਮੋੜ ਦਿੱਤਾ ਗਿਆ ਤੇ ਉਹਨਾਂ ਨੂੰ ਅੰਮ੍ਰਿਤਸਰ ਜੇਲ੍ਹ ਵਿਚ ਭੇਜ ਦਿੱਤਾ ਗਿਆ।

ਉਹਨਾਂ ਕੋਲ ਪ੍ਰਸ਼ਾਸਨ ਵੱਲੋਂ ਵੀ ਕੋਈ ਵਿਅਕਤੀ ਮਿਲਣ ਨਹੀਂ ਆਇਆ। ਉੱਥੇ ਹੀ ਆਮ ਆਦਮੀ ਪਾਰਟੀ ਦੇ ਮੈਂਬਰ ਨਾਲ ਵੀ ਗੱਲਬਾਤ ਗਈ। ਉਹਨਾਂ ਦਸਿਆ ਕਿ ਜੋ ਕੰਮ ਨਵਤੇਜ ਗੁੱਗੂ ਕਰ ਰਹੇ ਹਨ ਉਹ ਸ਼ਾਇਦ ਹੀ ਕਰੇ। ਅੱਜ ਉਹਨਾਂ ਦੇ ਜੇਲ੍ਹ ਵਿਚ ਬੰਦ ਹੋਣ ਕਾਰਨ ਕਿੰਨੇ ਹੀ ਮਰੀਜ਼ ਬੇਇਲਾਜ਼ ਤੁਰੇ ਫਿਰਦੇ ਹਨ। ਇਹ ਨਵਤੇਜ ਗੁੱਗੂ ਨਾਲ ਸਰਾਸਰ ਹੀ ਧੱਕਾ ਕੀਤਾ ਜਾ ਰਿਹਾ ਹੈ ਤੇ ਉਹ ਇਨਸਾਫ਼ ਦੀ ਲੜਾਈ ਲੜਨ ਲਈ ਹਰ ਪੱਖ ਤੋਂ ਉਹਨਾਂ ਦੇ ਨਾਲ ਹਨ।

ਉਹਨਾਂ ਨੇ ਪ੍ਰਸ਼ਾਸਨ ਨੂੰ ਅਪੀਲ ਕੀਤੀ ਹੈ ਕਿ ਉਹਨਾਂ ਨੂੰ ਜਲਦ ਤੋਂ ਜਲਦ ਰਿਹਾਅ ਕੀਤਾ ਜਾਵੇ ਅਤੇ ਜਿਹੜਾ ਪਰਚਾ ਕੀਤਾ ਗਿਆ ਹੈ ਉਹ ਵੀ ਖਾਰਜ ਕੀਤਾ ਜਾਵੇ। ਉਹਨਾਂ ਕਿਹਾ ਕਿ ਜਦੋਂ ਤਕ ਨਵਤੇਜ ਨੂੰ ਰਿਹਾਅ ਨਹੀਂ ਕੀਤਾ ਜਾ ਰਿਹਾ ਉਦੋਂ ਤਕ ਇਹ ਧਰਨਾ ਇਸੇ ਤਰ੍ਹਾਂ ਜਾਰੀ ਰਹੇਗਾ। ਐਸਪੀ ਵਰਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਇਹ ਧਰਨਾ ਜਲਦ ਹੀ ਚੁੱਕਿਆ ਜਾਵੇਗਾ। ਨਵਤੇਜ ਗੁੱਗੂ ਤੇ ਕਾਨੂੰਨੀ ਕਾਰਵਾਈ ਹੋਵੇਗੀ।