ਡੇਰਾ ਬਾਬਾ ਨਾਨਕ: ਪਾਕਿਸਤਾਨ ਗਏ ਦੋ ਸ਼ਰਧਾਲੂ ਉਥੋਂ ਅਫ਼ੀਮ ਚੱਕ ਲਿਆਏ। ਸਰਹੱਦ ‘ਤੇ ਆਉਂਦਿਆਂ ਹੀ ਬੀਐਸਐਫ਼ ਤੇ ਕਸਟਮ ਵਿਭਾਗ ਦੀ ਪਕੜ ਵਿਚ ਆ ਗਏ। ਫ਼ਿਰੋਜ਼ਪੁਰ ਨਿਵਾਸੀ ਬਲਦੇਵ ਸਿੰਘ ਤੇ ਜਰਨੈਲ ਸਿੰਘ ਤੋਂ 600 ਗ੍ਰਾਮ ਅਫ਼ੀਮ ਬਰਾਮਦ ਹੋਈ ਹੈ। ਸੂਤਰਾਂ ਅਨੁਸਾਰ ਸ਼੍ਰੀ ਗੁਰੂ ਨਾਨਕ ਦੇਵ ਜੀ ਦੇ 55ਵੇਂ ਪ੍ਰਕਾਸ਼ ਪੁਰਬ ਮੌਕੇ ਪਾਕਿਸਤਾਨ ਗਏ ਚੱਥੇ ਵਿਚ ਦੋਵੇਂ ਸ਼ਰਧਾਲੂ ਅੱਜ ਵਾਪਸ ਰਤੇ ਹਨ। ਇਨ੍ਹਾਂ ਦੇ ਸਮਾਨ ਦੀ ਜਦੋਂ ਚੈਕਿੰਗ ਕੀਤੀ ਗਈ ਤਾਂ 600 ਗ੍ਰਾਮ ਅਫ਼ੀਮ ਬਰਾਮਦ ਹੋਈ।

ਇਹ ਦੋਵੇਂ ਸ਼ਰਧਾਲੂ ਫ਼ਿਰੋਜ਼ਪੁਰ ਦੇ ਰਹਿਣ ਵਾਲੇ ਹਨ। ਸੂਤਰਾਂ ਮੁਤਾਬਿਕ ਮੁਲਜ਼ਮ ਬਲਦੇਵ ਸਿੰਘ ਤੇ ਜਰਨੈਲ ਸਿੰਘ ਦਾ ਵੀਜ਼ਾ ਭਾਈ ਮਰਦਾਨਾ ਯਾਦਗਾਰੀ ਕੀਰਤਨ ਦਰਬਾਰ ਸੁਸਾਇਟੀ ਫ਼ਿਰੋਜ਼ਪੁਰ ਵੱਲੋਂ ਲਵਾਏ ਗਏ ਸੀ। ਇਹ ਸ਼ਰਧਾਲੂ ਪਾਕਿਸਤਾਨ ਤੋਂ ਸ਼ਿਲਾਜੀਤ ਲੈ ਕੇ ਆਉਣ ਦਾ ਦਾਅਵਾ ਕਰ ਰਹੇ ਹਨ।