ਬਾਦਲ ਦਲ ਦੇ ਚੋਟੀ ਦੇ ਦੋ ਆਗੂ ਢੀਂਡਸਾ ਅਤੇ ਬ੍ਰਹਮਪੁਰਾ ਦੀ ਬਣ ਰਹੀ ਨਵੀਂ ਪਾਰਟੀ ਵਿਚ ਹੋਣਗੇ ਸ਼ਾਮਲ?
ਪੰਥਕ ਦਲਾਂ ਦਾ ਇਕੋ-ਇਕ ਨਿਸ਼ਾਨਾ ਬਾਦਲਾਂ ਤੋਂ ਸ਼੍ਰੋੋਮਣੀ ਕਮੇਟੀ ਨੂੰ ਆਜ਼ਾਦ ਕਰਵਾਉਣਾ
ਅੰਮ੍ਰਿਤਸਰ (ਸੁਖਵਿੰਦਰਜੀਤ ਸਿੰਘ ਬਹੋੜੂ): ਪੰਜਾਬ ਦੀ ਸਿਆਸਤ ਚ ਬੜੀ ਵੱਡੀ ਪੱਧਰ ਤੇ ਉਥਲ-ਪੁਥਲ ਹੋ ਰਹੀ ਹੈ । 2022 ਦੀਆਂ ਵਿਧਾਨ ਸਭਾ ਚੋਣਾਂ ਲਈ ਵਫ਼ਾਦਾਰੀਆਂ ਬਦਲੀਆਂ ਜਾ ਰਹੀਆਂ ਹਨ। ਸਿਆਸੀ ਪਾਰਟੀਆਂ ਦੀ ਟੁੱਟ ਭੱਜ ਬੜੇ ਵੱਡੇ ਪੱਧਰ ਤੇ ਹੋਣ ਨਾਲ ਵੱਖ ਵੱਖ ਸਿਆਸੀ ਦਲਾਂ ਦੀ ਉਚ-ਲੀਡਰਸ਼ਿਪ ਚਿੰਤਾ ਦੇ ਆਲਮ ਵਿਚ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਸ਼੍ਰੋਮਣੀ ਅਕਾਲੀ ਦਲ ਦੇ 2 ਦਿਗਜ ਨੇਤਾ ਜਲਦੀ ਹੀ ਸੁਖਦੇਵ ਸਿੰਘ ਢੀਡਸਾ ਤੇ ਰਣਜੀਤ ਸਿੰਘ ਬ੍ਰਹਮਪੁਰਾ ਦੀ ਨਵੀ ਬਣ ਰਹੀ ਪਾਰਟੀ ਚ ਸ਼ਾਮਲ ਹੋ ਰਹੇ ਹਨ । ਮਿਲੇ ਵੇਰਵਿਆਂ ਮੁਤਾਬਕ ਆ ਰਹੀ ਸਿਆਸੀ ਰੁੱਤ ਦਲਬਦਲੀਆਂ, ਨਰਾਜ਼ਗੀਆਂ ਕੱਢਣ ਅਤੇ ਰਾਜਸੀ ਬਦਲਾਖ਼ੋਰੀ ਦੀ ਹੋਣ ਕਰਕੇ, ਰਾਜਨੀਤਕ ਧਮਾਕੇ ਹੋਣ ਦੀਆਂ ਸੰਭਾਵਨਵਾਂ ਕਰੀਬ ਸਾਰੀਆਂ ਪਾਰਟੀਆਂ ਵਿਚ ਸੰਭਵ ਹਨ।
ਜਾਣਕਾਰੀ ਮੁਤਾਬਕ ਬਾਦਲਾਂ ਨੂੰ ਸੱਤਾ ਤੋਂ ਦੂਰ ਰੱਖਣ ਲਈ ਜ਼ੋਰ ਅਜਮਾਈ ਤਿੱਖੀ ਹੋੋਣ ਦੀ ਸੰਭਾਵਨਾ ਹੈ, ਜਿੰਨਾ ਸਿੱਖੀ ਸਿਧਾਂਤ ਦਾ ਪਤਨ ਕਰਨ ਵਿਚ ਕੋਈ ਕਸਰ ਨਹੀਂ ਛੱਡੀ। ਕਾਂਗਰਸ ਵਿਚ ਵੀ ਧੜੇਬੰਦੀ ਉਭਰੀ ਹੈ, ਭਾਜਪਾ ਕਿਸਾਨ ਅੰਦੋਲਨ ਕਰ ਕੇ ਹਾਸ਼ਈਏ ’ਤੇ ਚਲੀ ਗਈ ਹੈ। ਪੰਥਕ ਦਲਾਂ ਦਾ ਇਕੋ ਇਕ ਨਿਸ਼ਾਨਾ ਸਿੱਖ ਸੰਗਠਨ ਅਜ਼ਾਦ ਕਰਵਾਉਣ ਪ੍ਰਤੀ ਹੈ ਜਿਸ ’ਤੇ ਪ੍ਰਵਾਰਵਾਦ ਕਾਬਜ਼ ਹੈ।