ਤਰਨਤਾਰਨ ਤੋਂ ਆਈ ਵੱਡੀ ਖ਼ਬਰ, ਇਸ ਪਿੰਡ ਵਿਚ ਹੋ ਗਿਆ ਪੋਸਤ ਦੀ ਖੇਤੀ ਦਾ ਉਦਘਾਟਨ!
ਆਰੋਪੀ ਨੂੰ ਕਾਬੂ ਨਾ ਕਰ ਪੁਲਿਸ ਦੀ ਖਾਮੋਸ਼ੀ ਸਵਾਲ ਪੈਦਾ ਕਰ ਰਹੀ ਹੈ
ਤਰਨਤਾਰਨ: ਪਿੰਡ ਵਿਚ ਇਕ ਕਿਸਾਨ ਦੁਆਰਾ ਪੋਸਤ ਦੀ ਖੇਤੀ ਦਾ ਉਦਘਾਟਨ ਕਰਨ ਦੀ ਵੀਡੀਉ ਵਾਇਰਲ ਹੋ ਚੁੱਕੀ ਹੈ ਜਿਸ ਵਿਚ ਕਿਸਾਨ ਸਰਕਾਰਾਂ ਨੂੰ ਕੋਸਦੇ ਹੋਏ ਪੋਸਤ ਦੀ ਖੇਤੀ ਪਿੰਡ-ਪਿੰਡ ਵਿਚ ਕਰਨ ਦੀ ਗੱਲ ਕੁੱਝ ਨਾਬਾਲਗ ਬੱਚਿਆਂ ਦੇ ਸਾਹਮਣੇ ਕਰ ਰਿਹਾ ਹੈ। ਉੱਥੇ ਹੀ ਆਰੋਪੀ ਨੂੰ ਕਾਬੂ ਨਾ ਕਰ ਪੁਲਿਸ ਦੀ ਖਾਮੋਸ਼ੀ ਸਵਾਲ ਪੈਦਾ ਕਰ ਰਹੀ ਹੈ। ਗੌਰਤਲਬ ਹੈ ਕਿ ਆਰੋਪੀ ਨੇ ਕੁੱਝ ਦਿਨ ਪਹਿਲਾਂ ਥਾਣਾ ਸਦਰ ਦੇ ਬਾਹਰ ਇਕ ਫਲੈਕਸ ਲਗਾਇਆ ਸੀ ਕਿ ਉਦਘਾਟਨ 20 ਨਵੰਬਰ ਨੂੰ ਹੋਵੇਗਾ ਜਿਸ ਨੂੰ ਸੱਚ ਕਰ ਦਿੱਤਾ ਹੈ।
ਇਸ ਸਬੰਧ ਵਿਚ ਉਹ ਐਸਐਸਪੀ ਧਰੂਵ ਦਹਿਆ ਤੋਂ ਰਿਪੋਰਟ ਲੈਣਗੇ। ਐਸਐਸਪੀ ਧਰੂਵ ਦਹਿਆ ਨੇ ਦਸਿਆ ਕਿ ਇਹ ਮਾਮਲਾ ਉਹਨਾਂ ਦੇ ਧਿਆਨ ਵਿਚ ਆ ਗਿਆ ਹੈ ਜਿਸ ਤੇ ਤੁਰੰਤ ਐਕਸ਼ਨ ਲਿਆ ਜਾਵੇਗਾ। ਉਹਨਾਂ ਕਿਹਾ ਕਿ ਨਸ਼ਾ ਵਿਰੋਧੀ ਮੁਹਿੰਮ ਵਿਰੁਧ ਜਾ ਕੇ ਲੋਕਾਂ ਨੂੰ ਗਲਤ ਸੰਦੇਸ਼ ਦੇਣ ਵਾਲਿਆਂ ਨਾਲ ਕਾਨੂੰਨੀ ਤਰੀਕੇ ਨਾਲ ਨਿਪਟਿਆ ਜਾਵੇਗਾ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।