Haryana Police accused of assaulting Sikh Youth

ਨਵੀਂ ਦਿੱਲੀ : ਪੁਲਿਸ ਵੱਲੋਂ ਸਿੱਖਾ ਦੇ ਨਾਲ ਕੁੱਟ ਮਾਰ ਕਰਨ ਦੀਆ ਅਕਸਰ ਘਟਨਾਵਾ ਸਾਹਮਣੇ ਆ ਰਹੀਆਂ ਹਨ। ਜਿਸ ਤੋਂ ਬਾਅਦ ਹੁਣ ਨਾਭਾ ਬਲਾਕ ਦੇ ਪਿੰਡ ਕੌਲ ਵਿਖੇ ਸਿੱਖ ਵਿਅਕਤੀ ਦੇ ਨਾਲ ਸੀ.ਆਈ.ਸਟਾਫ ਕਰਨਾਲ ਹਰਿਆਣਾ ਪੁਲਿਸ 'ਤੇ ਕੁੱਟਮਾਰ ਕਰਨ ਦੇ ਦੋਸ਼ ਲੱਗ ਰਹੇ ਹਨ। ਸਿੱਖ ਵਿਅਕਤੀ ਨੇ ਅਪਣੇ ਨਾਲ ਹੋਈ ਧੱਕੇਸਾਹੀ ਖਿਲਾਫ ਵੀਡੀਓ ਨੂੰ ਵੀ ਸਾਂਝਾ ਕੀਤਾ ਹੈ। ਸਿੱਖ ਨੋਜਵਾਨ ਨੇ ਦੋਸ ਲਗਾਏ ਕੀ ਪੁਲੀਸ ਨੇ ਉਸ ਨਾਲ ਬੁਰੀ ਤਰਾ ਕੁੱਟਮਾਰ ਕੀਤੀ ਅਤੇ ਨਾਲ ਹੀ ਉਸਦੇ ਕੇਸ ਪੁੱਟੇ।

ਸਿੱਖ ਨਾਲ ਕੁੱਟਮਾਰ ਤੋਂ ਬਾਅਦ ਪਿੰਡ ਦੇ ਲੋਕਾਂ ਨੇ ਆਕੇ ਉਸਨੂੰ ਛੁਡਵਾਇਆ। ਜੋ ਕਿ ਵੀਡੀਓ ਦੇ ਵਿਚ ਪੀੜਤ ਸਿੱਖ ਵਲੋਂ ਆਪਣੀ ਸਾਰੀ ਦਾਸਤਾਨ ਦੱਸਦੇ ਹੋਏ ਸੁਣਿਆ ਜਾ ਸਕਦਾ ਹੈ। ਜਦੋਂ ਹਰਿਆਣਾ ਪੁਲਿਸ ਦੇ ਕੋਲੋਂ ਪਿੰਡ ਵਾਲਿਆਂ ਨੇ ਕੁੱਟਮਾਰ ਕਰਨ ਦਾ ਕਾਰਨ ਜਾਂ ਕੋਈ ਵਾਰੰਟ ਦਿਖਾਉਣ ਬਾਰੇ ਪੁੱਛਿਆ ਗਿਆ ਤਾਂ ਲੰਮੀ ਬਹਿਸ ਤੋਂ ਬਾਅਦ ਹਰਿਆਣਾ ਪੁਲਿਸ ਗੱਡੀ 'ਚ ਬੈਠ ਮੌਕੇ ਤੋਂ ਖਿਸਕ ਗਈ।

ਪੀੜਿਤ ਸਿੱਖ ਗੁਰਮੀਤ ਸਿੰਘ ਦਾ ਕਹਿਣਾ ਹੈ ਕਿ ਜਦੋ ਉਹ ਖੇਤ ਵਿਚ ਸੀ ਤਾਂ ਉਸ ਨੂੰ ਪੁਲਿਸ ਜਬਰਦਸਤੀ ਕੁੱਟ ਮਾਰ ਕਰਕੇ ਅਪਣੀ ਗੱਡੀ ਵਿਚ ਬਿਠਾ ਕੇ ਲਿਜਾਣ ਲੱਗ ਪਈ ਅਤੇ ਉਸਦੀ ਪੱਗ ਵੀ ਲਾਹ ਦਿੱਤੀ ਅਤੇ ਬਦੂਕ ਦੇ ਬੱਟ ਨਾਲ ਉਸਦੀ ਬੇਰਹਿਮੀ ਨਾਲ ਕੁੱਟਮਾਰ ਕੀਤੀ। ਗੁਰਮੀਤ ਸਿੰਘ ਨੇ ਉਸਦੇ ਸਿਰ ਵਿਚੋਂ ਪੁੱਟੇ ਹੋਏ ਵਾਲ ਵੀ ਦਿਖਾਏ। ਇਸ ਮਾਮਲੇ ਤੇ ਸਰਕਾਰੀ ਡਾਕਟਰ ਸਿਮਰਨ ਨੇ ਦੱਸਿਆ ਕਿ ਗੁਰਮੀਤ ਸਿੰਘ ਦੇ ਸੱਟਾ ਲੱਗੀਆ ਹਨ ਅਤੇ ਐਕਸਰੇ ਤੋਂ ਬਾਅਦ ਉਨ੍ਹਾਂ ਦੀ ਹਾਲਤ ਬਾਰੇ ਸਹੀ ਬਿਆਨਿਆ ਜਾ ਸਕੇਗਾ 

ਨਾਭਾ ਦੇ ਡੀ.ਐਸ.ਪੀ ਵਰਿੰਦਰਜੀਤ ਸਿੰਘ ਨੇ ਦੱਸਿਆ ਕਿ ਸਿੱਖ ਵਿਅਕਤੀ ਦੀ ਕੁੱਟਮਾਰ ਦੀ ਗੱਲ ਸਾਹਮਣੇ ਆਈ ਹੈ ਅਤੇ ਇਹ ਪੁਲੀਸ ਹਰਿਆਣਾ ਦੀ ਹੈ।ਇਸ ਮਾਮਲੇ ਦੀ ਗੰਭੀਰਤਾ ਨਾਲ ਜਾਂਚ ਕੀਤੀ ਜਾ ਰਹੀ ਹੈ। ਫਿਲਹਾਲ ਹਰਿਆਣਾ ਪੁਲਿਸ ਹੁਣ ਨਾਭਾ ਦੇ ਸਦਰ ਥਾਣਾ ਵਿਖੇ ਹੈ ਅਤੇ ਨਾਭਾ ਪੁਲਿਸ ਵੱਲੋ ਬਰੀਕੀ ਨਾਲ ਇਸ ਮਾਮਲੇ ਦੀ ਛਾਣਬੀਣ ਕੀਤੀ ਜਾ ਰਹੀ ਹੈ। ਦੱਸ ਦਈਏ ਕਿ ਇਹ ਕੋਈ ਪਹਿਲਾ ਮਾਮਲਾ ਨਹੀਂ ਜਦੋਂ ਪੁਲਿਸ ਵਲੋਂ ਸਿੱਖ ਦੀ ਕੁੱਟਮਾਰ ਦੌਰਾਨ ਉਸਦੀ ਦਸਤਾਰ ਲਾਹੀ ਗਈ ਹੋਵੇ ਅਤੇ ਵਾਲ ਖਿੱਚੇ ਗਏ ਹੋਣ। ਹੁਣ ਦੇਖਣਾ ਹੋਵੇਗਾ ਕਿ ਹਰਿਆਣਾ ਪੁਲਿਸ ਦੇ ਮੁਲਾਜ਼ਮਾਂ ਕੋਲ ਇਸ ਘਟਨਾ ਤੇ ਬੋਲਣ ਲਈ ਕੀ ਰਹਿ ਜਾਂਦਾ ਹੈ।