Ronaldo with Bughati car

ਰੋਮ : ਦਿੱਗਜ ਫੁੱਟਬਾਲਰ ਰੋਨਾਲਡੋ ਨੇ ਦੁਨੀਆਂ ਦੀ ਸਭ ਤੋਂ ਮਹਿੰਗੀ ਕਾਰ ਬੁਗਾਟੀ ਲਾ ਬੇਟੂਰ ਨੋਰੀ ਖਰੀਦੀ ਹੈ। ਰੋਨਾਲਡੋ ਮਹਿੰਗੀ ਕਾਰ ਦੇ ਸ਼ੌਕੀਨ ਹਨ। ਹਾਲਾਂਕਿ ਬੁਗਾਟੀ ਨੇ ਅਧਿਕਾਰਿਕ ਤੌਰ ‘ਤੇ ਇਸ ਕਾਰ ਦੇ ਮਾਲਕ ਦੀ ਪੁਸ਼ਟੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ਹੈ। ਸੋਸ਼ਲ ਮੀਡੀਆ ਅਨੁਸਾਰ ਪੁਰਤਗਾਲ ਫੁੱਟਬਾਲ ਟੀਮ ਦੇ ਕਪਤਾਨ ਤੇ ਜੁਵੈਂਟਸ ਦੇ ਸੁਪਰਸਟਾਰ ਖਿਡਾਰੀ ਰੋਨਾਲਡੋ ਨੇ ਇਹ ਕਾਰ ਖਰੀਦੀ ਹੈ।

ਖ਼ਬਰਾਂ ਦੇ ਅਨੁਸਾਰ ਪਹਿਲਾਂ ਇਹ ਮੰਨਿਆ ਜਾ ਰਿਹਾ ਸੀ ਕਿ ਇਸ ਦੇ ਮਾਲਕ ਵਾਕਸਵੇਗਨ ਸਮੂਹ ਦੇ ਸਾਬਕਾ ਚੇਅਰ ਫਰਡੀਨੈਂਡ ਪੀਚ ਹੈ ਪਰ ਬਾਅਦ ਵਿਚ ਇਹ ਜਾਣਕਾਰੀ ਸਾਹਮਣੇ ਆ ਰਹੀ ਹੈ ਕਿ ਰੋਨਾਲਡੋ ਨੇ ਬੁਗਾਟੀ ਦੀ ਇਹ ਕਾਰ ਖਰੀਦੀ ਹੈ। ਇਸ ਕਾਰ ਦੇ ਲਈ ਲਗਪਗ 11 ਮਿਲੀਅਨ ਯੂਰੋ (86.13 ਕਰੋੜ ਰੁਪਏ) ਦੀ ਰਾਸ਼ੀ ਦਿੱਤੀ ਹੈ। ਜਾਣਕਾਰੀ ਅਨੁਸਾਰ ਰੋਨਾਲਡੋ ਸਾਲ 2021 ਤੱਕ ਇਸ ਕਾਰ ਨੂੰ ਨਹੀਂ ਚਲਾ ਸਕਣਗੇ।

ਕੰਪਨੀ ਦੇ ਅਨੁਸਾਰ ਕਾਰ ਵਿਚ ਅਜੇ ਵੀ ਕੁਝ ਮਾਡੀਫਿਕੇਸ਼ਨ ਕੀਤੇ ਜਾਣੇ ਹਨ। ਰੋਨਾਲਡੋ ਕੋਲ ਪਹਿਲਾਂ ਤੋਂ ਹੀ ਕਈ ਲਗਜ਼ਰੀ ਕਾਰਾਂ ਹਨ। ਜਿਸ ਵਿਚ ਇਕ ਮਰਸੀਡੀਜ਼ ਸੀ ਕਲਾਸ ਸਪੋਰਟ ਕੋਪ, ਇਕ ਰੋਲਸ ਰਾਇਸ ਫੇਂਟਮ, ਇਕ ਉਂਜ ਫਰਾਰੀ 599 ਜੀਟੀਓ, ਇਕ ਲੈਂਬੋਰਗਿਨੀ ਅਵੇਂਟਰ ਐਲਪੀ 700-4, ਇਕ ਐਸਟਨ ਮਾਰਟਿਨ ਡੀਬੀ-9, ਇਕ ਮਕਲੋਰਿਨ ਐਮਪੀ 4 12 ਸੀ ਤੇ ਇਕ ਬੈਂਟਲੀ ਕਾਂਟਿਨੈਂਟਲ ਡੀਟੀਸੀ ਸਪੀਡ ਸ਼ਾਮਲ ਹਨ।