Gautam Gambhir

ਨਵੀਂ ਦਿੱਲੀ (ਭਾਸ਼ਾ): ਸਾਬਕਾ ਭਾਰਤੀ ਸਲਾਮੀ ਬੱਲੇਬਾਜ਼ ਗੌਤਮ ਗੰਭੀਰ ਨੇ ਕ੍ਰਿਕੇਟ ਦੇ ਸਾਰੇ ਫਾਰਮੇਟਾ ਤੋਂ ਸੰਨਿਆਸ ਲੈ ਲਿਆ ਹੈ। ਮੰਗਲਵਾਰ ਨੂੰ ਉਨ੍ਹਾਂ ਨੇ ਅਪਣੇ ਟਵਿਟਰ ਹੈਂਡਲ ਉਤੇ ਜਾਰੀ ਵੀਡੀਓ ਸੁਨੇਹੇ ਦੇ ਜਰੀਏ ਅਪਣੇ ਸੰਨਿਆਸ ਦੀ ਘੋਸ਼ਣਾ ਕੀਤੀ। ਗੰਭੀਰ ਨੇ ਲਿਖਿਆ, ਜਿੰਦਗੀ ਵਿਚ ਕੜੇ ਫੈਸਲੇ ਹਮੇਸ਼ਾ ਭਾਰੀ ਮਨ ਨਾਲ ਲਏ ਜਾਂਦੇ ਹਨ। ਭਾਰੀ ਮਨ ਨਾਲ ਮੈਂ ਇਹ ਫੈਸਲਾ ਲੈ ਰਿਹਾ ਹਾਂ, ਜਿਸ ਨੂੰ ਲੈਣ  ਦੇ ਖਿਆਲ ਤੋਂ ਹੀ ਮੈਂ ਜਿੰਦਗੀ ਭਰ ਡਰਦਾ ਰਿਹਾ। 37 ਸਾਲ ਦੇ ਗੰਭੀਰ ਨੇ ਭਾਰਤ ਨਾਲ ਅਪਣਾ ਆਖਰੀ ਟੇਸਟ 2016 ਵਿਚ ਇੰਗਲੈਂਡ ਦੇ ਵਿਰੁਧ ਰਾਜਕੋਟ ਵਿਚ ਖੇਡਿਆ ਸੀ।

ਉਨ੍ਹਾਂ ਨੇ ਅੰਤਰਰਾਸ਼ਟਰੀ ਕਰਿਅਰ ਵਿਚ 58 ਟੇਸਟ ਮੈਚਾਂ ਵਿਚ ਭਾਰਤੀ ਟੀਮ ਦੀ ਤਰਜਮਾਨੀ ਕੀਤੀ ਅਤੇ 41.95 ਦੀ ਔਸਤ ਨਾਲ 4154 ਦੌੜਾਂ ਬਣਾਈਆਂ, ਜਿਸ ਵਿਚ ਨੌਂ ਸੈਕੜੇ ਸ਼ਾਮਲ ਹਨ। ਗੰਭੀਰ ਨੇ 147 ਵਨਡੇ ਇੰਟਰਨੈਸ਼ਨਲ ਵਿਚ 39.68 ਦੀ ਔਸਤ ਨਾਲ 5238 ਦੌੜਾਂ ਬਣਾਈਆਂ। ਜਿਸ ਵਿਚ 2011 ਵਰਲਡ ਕੱਪ ਫਾਈਨਲ ਦੀ ਉਹ 97 ਦੌੜਾਂ ਦੀ ਯਾਦਗਾਰ ਪਾਰੀ ਹੈ, ਜਿਸ ਦੀ ਬਦੌਲਤ ਭਾਰਤ ਨੇ ਦੂਜੀ ਵਾਰ ਵਰਲਡ ਕੱਪ ਉਤੇ ਕਬਜਾ ਕਰਿਆ ਸੀ। ਵਨਡੇ ਵਿਚ ਉਨ੍ਹਾਂ ਨੇ 11 ਸੈਕੜੇ ਪਾਰੀਆਂ ਖੇਡੀਆਂ। ਗੰਭੀਰ ਨੇ ਟੀ-20 ਅੰਤਰਰਾਸ਼ਟਰੀ ਮੈਚਾਂ ਵਿਚ ਵੀ ਅਪਣੀ ਛਾਪ ਛੱਡੀ।

ਉਨ੍ਹਾਂ ਨੇ 37 ਮੈਚਾਂ ਵਿਚ ਸੱਤ ਅਰਧ ਸੈਕੜਿਆਂ ਦੀ ਮਦਦ ਨਾਲ 932 ਦੌੜਾਂ ਬਣਾਈਆਂ, ਜਿਸ ਵਿਚ ਉਨ੍ਹਾਂ ਦੀ ਔਸਤ 27.41 ਦੀ ਰਹੀ। ਗੰਭੀਰ ਨੇ ਕਿਹਾ, ‘ਅਪਣੇ ਦੇਸ਼ ਲਈ 15 ਸਾਲ ਤੋਂ ਵੀ ਜਿਆਦਾ ਸਮਾਂ ਤੱਕ ਕ੍ਰਿਕੇਟ ਖੇਡਣ ਤੋਂ ਬਾਅਦ ਮੈਂ ਇਸ ਖੂਬਸੂਰਤ ਖੇਡ ਨੂੰ ਅਲਵਿਦਾ ਕਹਿਣਾ ਚਾਹੁੰਦਾ ਹਾਂ।’ ਗੰਭੀਰ ਨੂੰ ਹਾਲ ਹੀ ਵਿਚ ਆਈ.ਪੀ.ਐਲ ਦੀ ਦਿੱਲੀ ਫਰੇਂਚਾਇਜੀ ਨੇ ਰਿਲੀਜ਼ ਕਰ ਦਿਤਾ ਸੀ। ਆਈ.ਪੀ.ਐਲ ਵਿਚ ਵੀ ਉਨ੍ਹਾਂ ਨੇ ਸਫਲਤਾ ਦਾ ਸਵਾਦ ਲਿਆ ਅਤੇ ਕੋਲਕਾਤਾ ਨਾਇਟ ਰਾਇਡਰਸ ਨੂੰ 2012 ਅਤੇ 2014 ਵਿਚ ਕਪਤਾਨ ਦੇ ਤੌਰ ਉਤੇ ਚੈਂਪੀਅਨ ਬਣਾਉਣ ਵਿਚ ਅਹਿਮ ਭੂਮਿਕਾ ਨਿਭਾਈ।

ਦਿੱਲੀ ਅਤੇ ਆਂਧਰਾ ਪ੍ਰਦੇਸ਼ ਦੇ ਵਿਚ ਵੀਰਵਾਰ ਨੂੰ ਫਿਰੋਜਸ਼ਾਹ ਕੋਟਲਾ ਮੈਦਾਨ ਉਤੇ ਖੇਡਿਆ ਜਾਣ ਵਾਲਾ ਰਣਜੀ ਮੁਕਾਬਲਾ ਗੰਭੀਰ ਦੇ ਸ਼ਾਨਦਾਰ ਕ੍ਰਿਕੇਟ ਕਰਿਅਰ ਦਾ ਅੰਤਮ ਮੈਚ ਹੋਵੇਗਾ। ਉਨ੍ਹਾਂ ਨੇ ਕਿਹਾ, ਆਂਧਰਾ  ਪ੍ਰਦੇਸ਼ ਦੇ ਨਾਲ ਹੋਣ ਵਾਲਾ ਰਣਜੀ ਟਰਾਫੀ ਮੁਕਾਬਲਾ ਮੇਰੇ ਕਰਿਅਰ ਦਾ ਆਖਰੀ ਮੈਚ ਹੋਵੇਗਾ। ਮੇਰੇ ਕਰਿਅਰ ਦਾ ਅੰਤ ਉਥੇ ਹੀ ਹੋਣ ਜਾ ਰਿਹਾ ਹੈ, ਜਿਥੇ  (ਕੋਟਲਾ ਸਟੇਡਿਅਮ) ਤੋਂ ਮੈਂ ਸ਼ੁਰੂਆਤ ਕੀਤੀ ਸੀ। ਇਕ ਬੱਲੇਬਾਜ਼ ਦੇ ਤੌਰ ਉਤੇ ਮੈਂ ਸਮੇਂ ਦਾ ਸਨਮਾਨ ਕੀਤਾ ਹੈ। ਮੇਰੇ ਲਈ ਇਹ ਸੰਨਿਆਸ ਲੈਣ ਦਾ ਠੀਕ ਸਮਾਂ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਇਹ ਮੇਰੇ ਸ਼ਾਟਸ ਦੀ ਤਰ੍ਹਾਂ ਹੀ ਸਵੀਟ ਹੈ।

ਗੰਭੀਰ ਨੇ ਅਪਣੇ ਸੁਨੇਹਾ ਵਿਚ ਭਾਰਤੀ ਟੀਮ, ਆਈ.ਪੀ.ਐਲ ਦੀਆਂ ਟੀਮਾਂ ਕੇ.ਕੇ.ਆਰ ਅਤੇ ਦਿੱਲੀ ਡੇਅਰਡੇਵਿਲਸ ਅਤੇ ਦਿੱਲੀ ਰਣਜੀ ਟੀਮ ਦੇ ਅਪਣੇ ਸਾਥੀਆਂ ਦੇ ਨਾਲ-ਨਾਲ ਅਪਣੇ ਅਧਿਆਪਕਾ ਖਾਸ ਤੌਰ 'ਤੇ ਬਚਪਨ ਦੇ ਅਪਣੇ ਕੋਚ ਸੰਜੈ ਭਾਰਦਵਾਜ, ਪਾਰਥਸਾਰਥੀ ਸ਼ਰਮਾ ਅਤੇ ਆਸਟਰੇਲਿਆ ਦੇ ਸਾਬਕਾ ਬੱਲੇਬਾਜ਼ ਜਸਟਿਨ ਲੈਂਗਰ ਨੇ ਵੀ ਧੰਨਵਾਦ ਕੀਤਾ।