India-Pakistan

ਨਵੀਂ ਦਿੱਲੀ : ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਭਾਵੇਂ ਬਹੁਤ ਘੱਟ ਕ੍ਰਿਕਟ ਮੈਚ ਖੇਡੇ ਜਾਂਦੇ ਹਨ, ਪਰ ਆਈ.ਸੀ.ਸੀ. ਦੇ ਈਵੈਂਟ 'ਚ ਭਾਰਤ ਅਤੇ ਪਾਕਿਸਤਾਨ ਦੇ ਕੁਝ ਮੈਚ ਵੇਖਣ ਨੂੰ ਮਿਲ ਜਾਂਦੇ ਹਨ। ਵਿਸ਼ਵ ਕੱਪ 2019 'ਚ ਵੀ ਦੋਵਾਂ ਟੀਮਾਂ ਵਿਚਕਾਰ 16 ਜੂਨ ਨੂੰ ਮੈਚ ਖੇਡਿਆ ਜਾਣਾ ਹੈ। ਇਸ ਮੈਚ ਦਾ ਦੁਨੀਆਂ ਭਰ ਦੇ ਕ੍ਰਿਕਟ ਪ੍ਰੇਮੀ ਬੇਸਬਰੀ ਨਾਲ ਇੰਤਜਾਰ ਕਰ ਰਹੇ ਹਨ। 

ਸਾਲ 2015 ਦੇ ਵਿਸ਼ਵ ਕੱਪ ਦੌਰਾਨ ਸਟਾਰ ਸਪੋਰਟਸ ਨੇ ਮੌਕਾ-ਮੌਕਾ ਦੀ ਥੀਮ 'ਤੇ ਇਕ ਇਸ਼ਤਿਹਾਰ ਬਣਾਇਆ ਸੀ। ਇਹ ਇਸ਼ਤਿਹਰ ਕਾਫ਼ੀ ਪ੍ਰਸਿੱਧ ਹੋਇਆ ਸੀ। ਇਸ ਇਸ਼ਤਿਹਾਰ ਦੇ ਹੁਣ ਤਕ ਚਰਚੇ ਹੁੰਦੇ ਰਹਿੰਦੇ ਹਨ ਅਤੇ ਜਦੋਂ ਵੀ ਭਾਰਤ-ਪਾਕਿਸਤਾਨ ਮੈਚ ਹੁੰਦਾ ਹੈ ਤਾਂ ਇਸ ਇਸ਼ਤਿਹਾਰ ਦਾ ਇਕ ਨਵਾਂ ਵਰਜ਼ਨ ਕ੍ਰਿਕਟ ਪ੍ਰੇਮੀਆਂ ਨੂੰ ਵੇਖਣ ਲਈ ਮਿਲ ਜਾਂਦੇ ਹਨ। 

2019 ਵਿਸ਼ਵ ਕੱਪ ਲਈ ਵੀ ਸਟਾਰ ਸਪੋਰਟਸ ਨੇ ਇਕ ਮੌਕਾ-ਮੌਕਾ ਇਸ਼ਤਿਹਾਰ ਦਾ ਵਰਜ਼ਨ ਬਣਾਇਆ ਹੈ। ਸਟਾਰ ਸਪੋਰਟਸ ਨੇ ਇਸ ਇਸ਼ਤਿਹਾਰ 'ਚ ਪਾਕਿਸਤਾਨ ਦਾ ਮਜ਼ਾਕ ਬਣਾਇਆ ਹੈ। ਹਾਲਾਂਕਿ ਪਾਕਿਸਤਾਨ ਦੇ ਸਮਰਥਕਾਂ ਨੂੰ ਇਹ ਇਸ਼ਤਿਹਾਰ ਪਸੰਦ ਨਹੀਂ ਆਇਆ ਹੈ ਅਤੇ ਉਨ੍ਹਾਂ ਨੇ ਟਵਿਟਰ 'ਤੇ ਆਪਣੀ ਨਾਰਕਜ਼ਗੀ ਪ੍ਰਗਟਾਈ ਹੈ।