Photo

ਚੰਡੀਗੜ੍ਹ  : ਆਸਟ੍ਰੇਲੀਆ ਦੇ ਮਹਾਨ ਦਿਗਜ਼ ਕ੍ਰਿਕਟਰ ਐਡਮ ਗਿਲਕ੍ਰਿਸਟ ਬੱਲੇਬਾਜ਼ ਹੋਣ ਦੇ ਨਾਲ-ਨਾਲ ਇਕ ਵਧੀਆ ਵਿਕਟਕੀਪਰ ਵੀ ਹਨ। ਉਸ ਨੇ ਆਪਣੀ ਟੀਮ ਲਈ 287 ਵਨਡੇ ਮੈਡ ਖੇਡੇ ਹਨ ਜਿਸ ਵਿਚ ਉਸ ਵੱਲੋਂ 35.9 ਦੀ ਔਸਤ ਨਾਲ 9,619 ਦੌੜਾਂ ਬਣਾਈਆਂ ਹਨ। ਇਸ ਤੋਂ ਇਲਾਵਾ ਗਿਲਕ੍ਰਿਸਟ ਦੇ ਬਾਰੇ ਇਕ ਹੋਰ ਗੱਲ ਵੀ ਹੈ ਜਿਸ ਬਾਰੇ ਸ਼ਾਇਦ ਕੋਈ ਗੱਲ ਨਹੀਂ ਕਰਦਾ।

ਕਿੰਗਜ਼ ਇਲੈਵਨ ਪੰਜਾਬ ਲਈ ਇੰਡੀਅਨ ਪ੍ਰੀਮੀਅਰ (IPL) ਲੀਗ ਵਿੱਚ ਉਸਨੇ ਇੱਕ ਟੀ -20 ਵਿਕਟ ਲਿਆ ਹੈ। ਹਰਭਜਨ ਨੇ ਯੂਟਿਊਬ ਸ਼ੋਅ “ਆਈਸੋਲੇਸ਼ਨ ਪ੍ਰੀਮੀਅਰ ਲੀਗ” ਵਿੱਚ ਇੱਕ ਇੰਟਰਵਿਊ ਦੌਰਾਨ ਇੱਹ ਪਲ ਯਾਦ ਕੀਤਾ ਹੈ। ਉਸ ਨੇ ਇਸ ਬਾਰੇ ਦੱਸਿਆ ਕਿਹਾ ਕਿ ਸਾਲ 2013 ਵਿਚ ਕਿੰਗਜ਼ ਇਲੈਵਨ ਪੰਜਾਬ ਪਹਿਲਾਂ ਹੀ ਟੂਰਨਾਮੈਂਟ ਤੋਂ ਬਾਹਰ ਹੋ ਗਈ ਸੀ ਅਤੇ ਮੁੰਬਈ ਇੰਡੀਅਨਜ਼ ਦੇ ਖਿਲਾਫ ਇੱਕ ਮੈਚ ਖੇਡ ਰਹੀ ਸੀ। ਜੋ ਕਿ ਗਿਲਕ੍ਰਿਸਟ ਦਾ ਆਖਰੀ ਮੈਚ ਸੀ।

ਇਸ ਵਿਚ ਮੁੰਬਈ ਇੰਡੀਅਨਜ਼ ਦੀ ਟੀਮ ਨੂੰ ਆਖਰੀ ਓਵਰ ਵਿਚ ਜਿੱਤਣ ਲਈ 51 ਦੌੜਾ ਚਾਹੀਦੀਆਂ ਸਨ, ਅਤੇ ਉਸ ਸਮੇਂ ਗਿਲਕ੍ਰਿਸਟ ਨੇ ਓਵਰ ਕਰਾਉਂਣ ਦਾ ਫੈਸਲਾ ਕੀਤਾ। ਸਾਰੇ ਹੀ ਹੈਰਾਨ ਰਹਿ ਗਏ ਜਦੋਂ ਉਸ ਨੇ ਆਪਣੀ ਪਹਿਲੀ ਗੇਂਦ ਤੇ ਹੀ ਹਰਭਜਨ ਸਿੰਘ ਨੂੰ ਆਊਟ ਕਰ ਦਿੱਤਾ । ਹਰਭਜਨ ਨੇ ਕਿਹਾ, ਕਿ ਜਦੋਂ ਗਿਲਕ੍ਰਿਸਟ ਮੇਰੇ ਸਾਹਮਣੇ ਬੋਲਿੰਗ ਕਰਵਾਉਂਣ ਆਇਆ ਤਾਂ ਉਸ ਸਮੇਂ ਮੈਂ ਸੋਚ ਰਿਹਾ ਸੀ

ਕਿ ਮੈਂ ਇਸ ਨੂੰ ਰਨ ਮਾਰਾਂਗਾ ਅਤੇ ਮੈਂ ਆਸੇ-ਪਾਸੇ ਗ੍ਰਾਉਂਡ ਦਾ ਆਕਾਰ ਵੇਖਣ ਲੱਗਾ, ਮੈਂ ਸੋਚਿਆ ਕਿ ਮੈਂ ਹਰ ਗੇਂਦ ਤੇ ਛੱਕੇ ਲਗਾਵਾਂਗਾ, ਪਰ ਅਜਿਹਾ ਨਹੀਂ ਹੋ ਸਕਿਆ ਕਿਉਂਕਿ ਮੈਂ ਉਸ ਦੀ ਪਹਿਲੀ ਗੇਂਦ ਤੇ ਹੀ ਆਊਟ ਹੋ ਗਿਆ। ਇਸ ਤੋਂ ਵੱਡੀ ਸ਼ਰਮਿੰਦਗੀ ਵਾਲੀ ਗੱਲ ਹੋਰ ਕੋਈ ਨਹੀਂ ਹੋ ਸਕਦੀ ਸੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।