ਗੌਤਮ ਗੰਭੀਰ ਦੇ ਪੱਖ ‘ਚ ਆਏ ਸਾਥੀ ਕ੍ਰਿਕਟਰ ਭੱਜੀ ਤੇ ਲਕਸ਼ਮਣ
ਕ੍ਰਿਕਟ ਦੀ ਪਿੱਚ ਤੋਂ ਰਾਜਨੀਤੀ ਦੇ ਮੈਦਾਨ ‘ਤੇ ਆਏ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਗੌਤਮ ਗੰਭੀਰ
Bhajji and lakshman with Gautam
ਨਵੀਂ ਦਿੱਲੀ : ਕ੍ਰਿਕਟ ਦੀ ਪਿੱਚ ਤੋਂ ਰਾਜਨੀਤੀ ਦੇ ਮੈਦਾਨ ‘ਤੇ ਆਏ ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਖਿਡਾਰੀ ਗੌਤਮ ਗੰਭੀਰ ‘ਤੇ ਆਪਣੇ ਵਿਰੋਧੀ ਉਮੀਦਵਾਰ ਆਮ ਆਦਮੀ ਪਾਰਟੀ ਦੀ ਆਤਿਸ਼ੀ ਮਾਰਲੇਨਾ ਦੇ ਵਿਰੁੱਧ ਇਤਰਾਜ਼ਯੋਗ ਪਰਚਾ ਵੰਡਣ ਦੇ ਦੋਸ਼ਾਂ ਦੇ ਵਿਚ ਭਾਰਤੀ ਕ੍ਰਿਕਟਰ ਹਰਭਜਨ ਸਿੰਗ ਅਤੇ ਵੀ.ਵੀ.ਐਸ ਲਕਸ਼ਮਣ ਉਸਦੇ ਸਮਰਥਨ ਵਿਚ ਉਤਰੇ ਹਨ।
ਭਾਜਪਾ ਉਦਵਾਰ ਗੌਤਮ ਗੰਭੀਰ ਨੇ ਹੁਣ ਨਵੀਂ ਚੁਣੌਤੀ ਸਾਹਮਣੇ ਰੱਖ ਦਿੱਤੀ ਹੈ। ਹਰਭਜਨ ਸਿੰਘ ਨੇ ਟਵੀਟ ਕੀਤਾ ਕਿ ਮੈਂ ਗੌਤਮ ਗੰਭੀਰ ਨਾਲ ਜੁੜੇ ਇਕ ਮਾਮਲੇ ਨੂੰ ਸੁਣ ਕੇ ਹੈਰਾਨ ਹਾਂ। ਮੈਂ ਉਸ ਨੂੰ ਬਹੁਤ ਚੰਗੀ ਤਰ੍ਹਾਂ ਜਾਣਦਾ ਹਾਂ।
ਉਹ ਕਦੀ ਕਿਸੇ ਔਰਤ ਵਿਰੁੱਧ ਗਲਤ ਨਹੀਂ ਬੋਲ ਸਕਦਾ ਹੈ। ਉਥੇ ਹੀ ਵੀਵੀਐਸ ਲਕਸ਼ਮਣ ਨੇ ਟਵੀਟ ਕੀਤਾ ਕਿ ਅਜਿਹੀਆਂ ਗੱਲਾਂ ਬਾਰੇ ਸੁਣ ਕੇ ਮੈਂ ਹੈਰਾਨ ਹਾਂ। ਮੈਂ ਉਨ੍ਹਾਂ ਦੇ ਚਰਿੱਤਰ ਅਤੇ ਔਰਤਾਂ ਪ੍ਰਤੀ ਉਨ੍ਹਾਂ ਦੇ ਮਨ ‘ਚ ਸਨਮਾਨ ਦੀ ਗਰੰਟੀ ਲੈ ਸਕਦਾ ਹਾਂ।