Patna Pirates vs Haryana Steelers

ਨਵੀਂ ਦਿੱਲੀ: ਵਿਕਾਸ ਕੰਡੋਲਾ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੇ ਦਮ ‘ਤੇ ਹਰਿਆਣਾ ਸਟੀਲਰਜ਼ ਨੇ ਸੋਮਵਾਰ ਨੂੰ ਸਵਾਈ ਮਾਨ ਸਿੰਘ ਸਟੇਡੀਅਮ ਵਿਚ ਖੇਡੇ ਗਏ ਪ੍ਰੋ ਕਬੱਡੀ ਲੀਗ ਦੇ ਮੈਚ ਵਿਚ ਤਿੰਨ ਵਾਰ ਦੀ ਚੈਂਪੀਅਨ ਟੀਮ ਪਟਨਾ ਪਾਇਰੇਟਸ ਨੂੰ 39-34 ਨਾਲ ਹਰਾਇਆ। ਹਰਿਆਣਾ ਦੀ ਟੀਮ ਇਸ ਜਿੱਤ ਨਾਲ ਅੰਕ ਸੂਚੀ ਵਿਚ ਤੀਜੇ ਸਥਾਨ ‘ਤੇ ਪਹੁੰਚ ਗਈ ਹੈ।

ਹਰਿਆਣਾ ਦੇ ਨਾਂਅ 17 ਮੈਚਾਂ ਵਿਚੋਂ 59 ਅੰਕ ਹਨ। ਪਟਨਾ ਦੀ ਟੀਮ 18 ਮੈਚਾਂ ਵਿਚ 39 ਅੰਕਾਂ ਨਾਲ 9ਵੇਂ ਸਥਾਨ ‘ਤੇ ਹੈ। ਪਟਨਾ ਪਾਇਰੇਟਸ ਦੇ ਸਟਾਰ ਖਿਡਾਰੀ ਪ੍ਰਦੀਪ ਨਰਵਾਲ ਨੇ 17 ਰੇਡ ਅੰਕ ਬਣਾਏ ਪਰ 7 ਅੰਕ ਤੋਂ ਇਲਾਵਾ ਉਹਨਾਂ ਨੂੰ ਕਿਸੇ ਵੀ ਖਿਡਾਰੀ ਦਾ ਸਹਿਯੋਗ ਨਹੀਂ ਮਿਲਿਆ। ਪਹਿਲੀ ਪਾਰੀ ਦੇ ਸਮੇਂ ਹਰਿਆਣਾ ਦੀ ਟੀਮ 17-15 ਨਾਲ ਅੱਗੇ ਸੀ।

ਮੈਚ ਖਤਮ ਹੋਣ ਤੋਂ ਤਿੰਨ ਮਿੰਟ ਪਹਿਲਾਂ ਹਰਿਆਣਾ ਨੇ ਪਟਨਾ ਨੂੰ ਆਲ-ਆਊਟ ਕਰ ਅਪਣਾ ਵਾਧਾ 38-29 ਕਰ ਲਿਆ ਸੀ। ਇਸ ਦੇ ਨਾਲ ਦੀ ਦਿਨ ਦਾ ਦੂਜਾ ਮੈਚ ਦਬੰਗ ਦਿੱਲੀ ਅਤੇ ਬੰਗਲੁਰੂ ਬੁਲਜ਼ ਵਿਚਕਾਰ ਖੇਡਿਆ ਗਿਆ। ਇਹ ਮੈਚ 39-39 ਦੀ ਬਰਾਬਰੀ ‘ਤੇ ਖਤਮ ਹੋਇਆ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।