Haryana Steelers vs U.P. Yoddha

ਪੰਚਕੂਲਾ: ਯੂਪੀ ਯੋਧਾ ਦੀ ਟੀਮ ਨੇ ਸ਼ਨੀਵਾਰ ਨੂੰ ਹਰਿਆਣਾ ਸਟੀਲਰਜ਼ ਨੂੰ 37-30 ਨਾਲ ਹਰਾ ਕੇ ਪ੍ਰੋ ਕਬੱਡੀ ਲੀਗ ਵਿਚ ਸ਼ਾਨਦਾਰ ਜਗ੍ਹਾ ਬਣਾ ਲਈ। ਯੂਪੀ ਯੋਧਾ ਨੂੰ ਹੁਣ ਪਲੇਆਫ ਵਿਚ ਥਾਂ ਬਣਾਉਣ ਲਈ ਸਿਰਫ਼ ਇਕ ਅੰਕ ਦੀ ਲੋੜ ਹੈ। ਇਕ ਮੁਕਾਬਲੇ ਵਿਚ ਸ੍ਰੀਕਾਂਤ ਜਾਧਵ ਨੇ ਫਿਰ ਸੁਪਰ 10 ਬਣਾਇਆ ਉਹਨਾਂ ਨੇ ਕੁੱਲ 11 ਅੰਕ ਬਣਾਏ। ਉਹਨਾਂ ਤੋਂ ਇਲਾਵਾ ਨਿਤੇਸ਼ ਕੁਮਾਰ ਅਤੇ ਸੁਰਿੰਦਰ ਗਿੱਲ ਨੇ ਵੀ ਵਧੀਆ ਪ੍ਰਦਰਸ਼ਨ ਕੀਤਾ।

ਯੂਪੀ ਯੋਧਾ ਦੇ 18 ਮੈਚਾਂ ਵਿਚ 58 ਅੰਕ ਹੋ ਗਏ ਹਨ ਅਤੇ ਉਹ ਅੰਕ ਸੂਚੀ ਵਿਚ ਪੰਜਵੇਂ ਸਥਾਨ ‘ਤੇ ਹੈ। ਉੱਥੇ ਹੀ 18 ਮੈਚਾਂ ਵਿਚ ਹਰਿਆਣਾ 60 ਅੰਕਾਂ ਨਾਲ ਤੀਜੇ ਸਥਾਨ ‘ਤੇ ਹੈ। ਹਰਿਆਣਾ ਨੇ ਹੁਣ ਤੱਕ 11 ਮੈਚਾਂ ਵਿਚ ਜਿੱਤ ਹਾਸਲ ਕੀਤੀ ਹੈ, ਜਦਕਿ 6 ਮੈਚਾਂ ਵਿਚ ਹਾਰ ਦਾ ਸਾਹਮਣਾ ਕੀਤਾ ਹੈ।

ਗੁਜਰਾਤ ਨੇ ਤਮਿਲ ਥਲਾਈਵਾਜ਼ ਨੂੰ ਦਿੱਤੀ ਮਾਤ
ਦਿਨ ਦੇ ਦੂਜੇ ਮੈਚ ਵਿਚ ਗੁਜਰਾਤ ਨੇ ਇਕਤਰਫ਼ਾ ਮੁਕਾਬਲੇ ਵਿਚ ਤਮਿਲ ਥਲਾਈਵਾਜ਼ ਨੂੰ ਪੰਚਕੂਲਾ ਦੇ ਸਟੇਡੀਅਮ ਵਿਚ 50-21 ਨਾਲ ਕਰਾਰੀ ਹਾਰ ਦਿੱਤੀ। ਗੁਜਰਾਤ ਵੱਲੋਂ ਰੋਹਿਤ ਗੁਲੀਆ (11 ਅੰਕ) ਅਤੇ ਸੋਨੂੰ (15 ਅੰਕ) ਨੇ ਸੁਪਰ 10 ਹਾਸਲ ਕੀਤੇ ਜਦਕਿ ਤਮਿਲ ਥਲਾਈਵਾਜ਼ ਦੀ ਟੀਮ ਪ੍ਰਭਾਵ ਪਾਉਣ ਵਿਚ ਅਸਫ਼ਲ ਰਹੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।