ਨਾਈਜੀਰੀਆ  : ਉਤਰੀ ਨਾਈਜੀਰੀਆ 'ਚ  ਅੱਜ ਇਕ ਕਿਸ਼ਤੀ ਦੇ ਡੁੱਬ ਜਾਣ ਕਾਰਨ 21 ਲੋਕਾਂ ਦੀ ਮੌਤ ਹੋ ਗਈ। ਨਾਈਜੀਰੀਆ ਦੇ ਨੈਸ਼ਨਲ ਐਮਰਜੈਂਸੀ ਮੈਨੇਜਮੈਂਟ ਏਜੰਸੀ ਦੇ ਸੁਲੇਮਾਨ ਕਰੀਮ ਨੇ ਇਕ ਪੱਤਰਕਾਰ ਏਜੰਸੀ ਨੂੰ ਦਸਿਆ ਕਿ ਵੀਰਵਾਰ ਨੂੰ ਸਥਾਨਕ ਸਮੇਂ ਮੁਤਾਬਕ ਸਵੇਰੇ ਕਰੀਬ 10 ਵਜੇ ਸੋਕੋਟਾ ਸੂਬੇ ਦੇ ਗਾਂਡੀ ਜ਼ਿਲੇ 'ਚ ਇਕ ਨਦੀ 'ਚ ਤੇਜ਼ ਵਹਾਅ ਕਾਰਨ ਕਿਸ਼ਤੀ ਡੁੱਬ ਗਈ। ਕਿਸ਼ਤੀ 'ਚ 50 ਲੋਕ ਸਵਾਰ ਸਨ। ਉਨ੍ਹਾਂ ਦਸਿਆ ਕਿ ਬਚਾਅ ਦਲਾਂ ਨੇ ਕਿਸ਼ਤੀ 'ਚ ਸਵਾਰ 17 ਔਰਤਾਂ ਤੇ

ਚਾਰ ਬੱਚਿਆਂ ਦੀਆਂ ਲਾਸ਼ਾਂ ਬਰਾਮਦ ਕਰ ਲਈਆਂ ਹਨ। ਕਿਸ਼ਤੀ 'ਤੇ ਸਮਰਥਾ ਤੋਂ ਜ਼ਿਆਦਾ ਲੋਕ ਸਵਾਰ ਸਨ, ਜੋ ਪਾਣੀ ਦੇ ਤੇਜ਼ ਦੇ ਕਾਰਨ ਡੁੱਬ ਗਈ। ਉਨ੍ਹਾਂ ਦਸਿਆ ਕਿ ਹੋਰ 29 ਯਾਤਰੀ ਤੱਟ 'ਤੇ ਆਉਣ 'ਚ ਸਫ਼ਲ ਰਹੇ। ਅਪਣੇ-ਅਪਣੇ ਘਰਾਂ ਨੂੰ ਵੇਖਣ ਦੇ ਇਰਾਦੇ ਨਾਲ ਯਾਤਰੀ ਨਦੀ ਦੇ ਦੂਜੇ ਪਾਸੇ ਗਾਰੀਨ ਪਿੰਡ ਜਾ ਰਹੇ ਸਨ। ਪਿਛਲੇ ਮਹੀਨੇ ਸ਼ੱਕੀ ਪਸ਼ੂ ਚੋਰੀ ਦੇ ਦੋਸ਼ 'ਚ ਗੁਆਂਢੀ ਪਿੰਡਾਂ 'ਤੇ ਛਾਪਾ ਮਾਰਿਆ ਗਿਆ ਸੀ, ਜਿਸ ਤੋਂ ਬਾਅਦ ਇਹ ਸਾਰੇ ਪਿੰਡ ਛੱਡ ਕੇ ਚਲੇ ਗਏ ਸਨ।           (ਏਜੰਸੀ)