Pope Francis

ਮੱਧ ਪੂਰਬੀ ਦਾ ਦੌਰਾ ਕਰ ਰਹੇ ਪੋਪ ਫ੍ਰਾਂਸਿਸ ਨੇ ਪਾਦਰੀਆਂ ਵਲੋਂ ਨੰਨਾਂ ਦਾ ਯੋਨ ਸ਼ੋਸ਼ਣ ਕੀਤੇ ਜਾਣ ਦੀ ਗੱਲ ਮੰਨੀ ਹੈ। ਉਨ੍ਹਾਂ ਦੇ  ਮੁਤਾਬਕ ਇਹਨਾਂ ਵਿਚੋਂ ਇਕ ਮਾਮਲਾ ਅਜਿਹਾ ਵੀ ਸੀ, ਜਿੱਥੇ ਨੰਨਾਂ ਨੂੰ ਸੈਕਸ ਗੁਲਾਮ ਬਣਾਕੇ ਰੱਖਿਆ ਗਿਆ। ਪੋਪ ਫ੍ਰਾਂਸਿਸ ਨੇ ਇਹ ਵੀ ਮੰਨਿਆ ਹੈ ਕਿ ਉਨ੍ਹਾਂ ਦੇ ਪੁਰਾਣੇ ਪੋਪ ਬੈਨਡਿਕਟ ਨੂੰ ਅਜਿਹੀਆਂ ਨਨਾਂ ਦੀ ਪੂਰੀ ਧਰਮਸਭਾ ਨੂੰ ਹੀ ਬੰਦ ਕਰਨਾ ਪਿਆ ਸੀ,  ਜਿਨ੍ਹਾਂ ਦਾ ਪਾਦਰੀ ਸ਼ੋਸ਼ਣ ਕਰ ਰਹੇ ਸਨ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਪਹਿਲਾ ਮੌਕਾ ਹੈ ਜਦੋਂ ਪੋਪ ਫ੍ਰਾਂਸਿਸ ਨੇ ਪਾਦਰੀਆਂ ਵਲੋਂ ਨੰਨਾਂ ਦੇ ਯੋਨ ਸ਼ੋਸ਼ਣ ਦੀ ਗੱਲ ਮੰਨੀ ਹੈ।

ਪੋਪ ਫ੍ਰਾਂਸਿਸ ਨੇ ਕਿਹਾ ਹੈ ਕਿ ਗਿਰਜਾ ਘਰ ਇਸ ਸਮੱਸਿਆ ਦੇ ਹੱਲ ਦੀ ਕੋਸ਼ਿਸ਼ ਵਿਚ ਲੱਗੀ ਹੈ ਪਰ ਇਹ ਮੁਸ਼ਕਿਲ ਹੁਣ ਵੀ ਬਰਕਰਾਰ ਹੈ। ਪੋਪ ਫ੍ਰਾਂਸਿਸ ਫਿਲਹਾਲ ਮੱਧ ਪੂਰਬੀ ਦੇ ਇਤਿਹਾਸਕ ਦੌਰੇ 'ਤੇ ਹਨ। ਉਨ੍ਹਾਂ ਨੇ ਮੰਗਲਵਾਰ ਨੂੰ ਪਤੱਰਕਾਰਾਂ ਦੇ ਸਵਾਲਾਂ ਦੇ ਜਵਾਬ ਵਿਚ ਨਨਾਂ ਦੇ ਯੋਨ ਸ਼ੋਸ਼ਣ ਨੂੰ ਲੈ ਕੇ ਗੱਲਾਂ ਸਾਂਝੀਆਂ ਕੀਤੀਆਂ। ਪੋਪ ਨੇ ਕਿਹਾ ਕਿ ਇਸ ਮੁਸ਼ਕਿਲ ਨੂੰ ਲੈ ਕੇ ਕਈ ਪਾਦਰੀਆਂ ਨੂੰ ਮੁਅੱਤਲ ਵੀ ਕੀਤਾ ਗਿਆ ਹੈ ਪਰ ਅੱਗੇ ਵੀ ਕੋਸ਼ਿਸ਼ਾਂ ਕੀਤੀਆਂ ਜਾਣੀਆਂ ਜ਼ਰੂਰੀ ਹਨ। ਪੋਪ ਮੰਨਿਆ ਕਿ ਪਾਦਰੀ ਅਤੇ ਬਿਸ਼ਪ ਨੰਨਾਂ ਦਾ ਸ਼ੋਸ਼ਣ ਕਰਦੇ ਰਹੇ ਹਨ।

ਪੋਪ ਨੇ ਕਿਹਾ ਕਿ ਗਿਰਜਾ ਘਰ ਇਸ ਗੱਲ ਤੋਂ ਵਾਕਫ਼ ਹੈ ਅਤੇ ਇਸ ਉਤੇ ਕੰਮ ਕਰ ਰਹੇ ਹਨ। ਪੋਪ ਨੇ ਕਿਹਾ ਕਿ ਅਸੀਂ ਇਸ ਰਸਤੇ 'ਤੇ ਅੱਗੇ ਵੱਧ ਰਹੇ ਹਾਂ। ਉਨ੍ਹਾਂ ਨੇ ਕਿਹਾ ਕਿ ਪੋਪ ਬੇਨਡਿਕਟ ਨੇ ਔਰਤਾਂ ਦੀ ਇਕ ਸਭਾ ਨੂੰ ਭੰਗ ਕਰਨ ਦਾ ਸਾਹਸ ਵਿਖਾਇਆ ਕਿਉਂਕਿ ਪਾਦਰੀਆਂ ਜਾਂ ਸੰਸਥਾਪਕਾਂ ਨੇ ਉੱਥੇ ਔਰਤਾਂ ਨੂੰ ਦਾਸ ਬਣਾ ਰੱਖਿਆ ਸੀ। ਇੱਥੇ ਤੱਕ ਕਿ ਉਨ੍ਹਾਂ ਨੂੰ ਸੈਕਸ ਗੁਲਾਮ ਤੱਕ ਬਣਾ ਦਿਤਾ ਗਿਆ ਸੀ। ਪੋਪ ਫ੍ਰਾਂਸਿਸ ਨੇ ਕਿਹਾ ਕਿ ਇਹ ਸਮੱਸਿਆ ਲਗਾਤਾਰ ਬਣੀ ਹੋਈ ਹੈ ਪਰ ਵੱਡੇ ਪੱਧਰ 'ਤੇ ਅਜਿਹਾ ਖਾਸ ਧਰਮਸਭਾਵਾਂ ਅਤੇ ਖਾਸ ਖੇਤਰਾਂ ਵਿਚ ਹੀ ਹੁੰਦਾ ਹੈ। 

ਬੀਤੇ ਸਾਲ ਨਵੰਬਰ ਵਿਚ ਕੈਥੋਲੀਕ ਗਿਰਜਾ ਘਰ ਗਲੋਬਲ ਆਰਗਨਾਇਜੇਸ਼ਨ ਫਾਰ ਨੰਨਸ ਨੇ ਚੁਪ ਰਹਿਣ ਅਤੇ ਗੁਪਤਤਾ ਬਣਾਏ ਦੀ ਪਰੰਪਰਾ ਦੀ ਨਿੰਦਾ ਕੀਤੀ ਸੀ ਜੋ ਉਨ੍ਹਾਂ ਨੂੰ ਅਪਣੀ ਗੱਲ ਚੁੱਕਣ ਤੋਂ ਰੋਕਦੀ ਹੈ। ਕੁੱਝ ਦਿਨ ਪਹਿਲਾਂ ਵੈਟਿਕਨ ਦੀਆਂ ਔਰਤਾਂ ਦੀ ਮੈਗਜ਼ੀਨ ਵੂਮਨ ਚਰਚ ਵਰਲਡ ਨੇ ਸ਼ੋਸ਼ਣ ਦੀ ਨਿੰਦਾ ਕਰਦੇ ਹੋਏ ਕਿਹਾ ਸੀ ਕਿ ਕੁੱਝ ਮਾਮਲਿਆਂ ਵਿਚ ਨੰਨਾਂ ਪਾਦਰੀਆਂ ਦੇ ਕੁੱਖ ਵਿਚ ਪਲ ਰਹੇ ਬੱਚਿਆਂ ਦਾ ਗਰਭਪਾਤ ਕਰਾਉਣ ਨੂੰ ਮਜਬੂਰ ਹੋਈਆਂ। ਜਦੋਂ ਕਿ ਕੈਥੋਲਿਕਾਂ ਲਈ ਗਰਭਪਾਤ ਕਰਾਉਣ ਦੀ ਮਨਜ਼ੂਰੀ ਨਹੀਂ ਹੈ।

ਇਸ ਮੈਗਜ਼ੀਨ ਦੇ ਮੁਤਾਬਕ #MeToo ਮੂਵਮੈਂਟ ਤੋਂ ਬਾਅਦ ਜ਼ਿਆਦਾ ਔਰਤਾਂ ਅਪਣੀ ਕਹਾਣੀਆਂ ਸਾਹਮਣੇ ਲਿਆ ਰਹੀਆਂ ਹਨ। ਉਥੇ ਹੀ ਭਾਰਤ ਵਿਚ ਵੀ ਅਜਿਹਾ ਹੀ ਮਾਮਲਾ ਸਾਲ ਭਰ ਤੋਂ ਚਲ ਰਿਹਾ ਹੈ ਜਿਸ 'ਚ ਜਲੰਧਰ ਸਥਿਤ ਰੋਮਨ ਕੈਥੋਲੀਕ ਗਿਰਜਾ ਘਰ ਦੇ ਪਾਦਰੀ 'ਤੇ ਇਕ ਨੰਨ ਨੇ ਬਲਾਤਕਾਰ ਦੇ ਇਲਜ਼ਾਮ ਲਗਾਏ ਸਨ, ਜੋ ਕੇਰਲ ਦੀ ਰਹਿਣ ਵਾਲੀ ਹੈ। ਕੇਰਲ ਦੀ ਨੰਨ ਨਾਲ ਬਲਾਤਕਾਰ ਦੇ ਮਾਮਲੇ ਵਿਚ ਆਰੋਪੀ ਬਿਸ਼ਪ ਫਰੈਂਕੋ ਮੁਲੱਕਲ ਦੇ ਵਿਰੁਧ ਮਾਮਲਾ ਦਰਜ ਵੀ ਕੀਤਾ ਗਿਆ ਸੀ।

ਪੀੜਤਾ ਨੰਨ ਵਲੋਂ ਭਾਰਤ 'ਚ ਹੀ ਵੈਟਿਕਨ ਦੇ ਪ੍ਰਤਿਨਿਧੀ ਜਿਆਮਬਟਿਸਟਾ ਦਿਕਵਾਤਰੋ ਨੂੰ ਪੱਤਰ ਲਿਖ ਕੇ ਮਾਮਲੇ ਦੀ ਤੇਜੀ ਨਾਲ ਜਾਂਚ ਕਰਾਉਣ ਅਤੇ ਬਿਸ਼ਪ ਫਰੈਂਕੋ ਨੂੰ ਅਹੁਦੇ ਤੋਂ ਹਟਾਉਣ ਦੀ ਗੁਹਾਰ ਲਗਾਈ ਸੀ। ਪੁਲਿਸ ਵਲੋਂ ਪੇਸ਼ ਕੀਤੇ ਗਏ ਹਲਫ਼ਨਾਮੇ ਵਿਚ ਕਿਹਾ ਗਿਆ ਹੈ ਕਿ ਬਿਸ਼ਪ ਨੇ ਪੀੜਤਾ ਦਾ ਬਲਾਤਕਾਰ ਕੀਤਾ ਸੀ। ਹਲਫਨਾਮੇ ਵਿਚ ਮੈਡੀਕਲ ਰਿਪੋਰਟ ਦਾ ਹਵਾਲਾ ਦਿੰਦੇ ਹੋਏ ਇਸ ਗੱਲ ਦੀ ਵੀ ਪੁਸ਼ਟੀ ਹੋਈ ਸੀ ਕਿ ਬਿਸ਼ਪ ਨੇ ਕਈ ਵਾਰ ਪੀੜਤਾ ਨੰਨ ਦਾ ਬਲਾਤਕਾਰ ਕੀਤਾ ਸੀ।  ਪੀੜ‍ਤ ਨੰਨ ਅਤੇ ਪਰਵਾਰ ਵਾਲਿਆਂ ਦੇ ਸਮਰਥਨ ਵਿਚ ਜੁਆਇੰਟ ਕਰਿਸਚਨ ਕਾਉਂਸਿਲ ਵੀ ਅੱਗੇ ਆਇਆ ਸੀ।