ਕਾਠਮੰਡੂ: ਨੇਪਾਲ ਵਿੱਚ ਇੱਕ ਅਜਿਹੇ ਕਲਯੁਗੀ ਪਿਤਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ ਜਿਸਨੇ ਬੀਮੇ ਦੀ 25 ਲੱਖ ਰੁਪਏ ਦੀ ਮੋਟੀ ਰਕਮ ਹਾਸਲ ਕਰਨ ਲਈ ਆਪਣੀ ਹੀ ਨਬਾਲਿਗ ਧੀ ਨੂੰ ਗਲਾ ਦਬਾ ਕੇ ਮਾਰ ਦਿੱਤਾ ਹੈ। ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। ਪੁਲਿਸ ਬੁਲਾਰੇ ਨਬੀਨ ਕਰਕੀ ਨੇ ਦੱਸਿਆ ਕਿ ਸਿਰਾਹਾ ਜ਼ਿਲ੍ਹੇ ਦੀ ਨਗਰਪਾਲਿਕਾ ਦੇ ਮੌਲਾਪੁਰ ਇਲਾਕੇ ਦੇ ਨਿਵਾਸੀ ਰਾਮ ਕਿਸ਼ੋਰ ਯਾਦਵ (39) ਨੇ ਸੋਮਵਾਰ ਨੂੰ ਰਿਸ਼ਤਿਆਂ ਨੂੰ ਤਾਰ ਤਾਰ ਕਰਦੇ ਹੋਏ ਆਪਣੀ ਚਾਰ ਸਾਲ ਦੀ ਧੀ ਲਕਸ਼ਮੀ ਦੀ ਗਲਾ ਘੁੱਟ ਕੇ ਹੱਤਿਆ ਕਰ ਦਿੱਤੀ।

ਬੱਚੀ ਦੀ ਲਾਸ਼ ਦੂਜੇ ਦਿਨ ਇੱਕ ਟੋਭੇ ਵਿੱਚ ਤੈਰਦੀ ਨਜ਼ਰ ਆਈ। ਪੁਲਿਸ ਅਨੁਸਾਰ ਰਾਮ ਕਿਸ਼ੋਰ ਦੀ ਸਭ ਤੋਂ ਛੋਟੀ ਧੀ ਦੇ ਚੰਗੇ ਭਵਿੱਖ ਲਈ ਪ੍ਰਭੂ ਬੈਂਕ ਵਿਚ 25 ਲੱਖ ਰੁਪਏ ਦਾ ਬੀਮਾ ਕਰਾਇਆ ਹੋਇਆ ਸੀ। ਪੁਲਿਸ ਨੂੰ ਜਾਂਚ ਵਿੱਚ ਪਤਾ ਚਲਾ ਕਿ ਉਹ ਬਤੋਰ ਪ੍ਰੀਮਿਅਮ 1,75,000 ਰੁਪਏ ਦੀ ਮੋਟੀ ਰਕਮ ਵੀ ਜਮਾਂ ਕਰਵਾ ਚੁੱਕਿਆ ਸੀ।

ਪੁਲਿਸ ਨੇ ਦੱਸਿਆ ਕਿ ਉਸਨੂੰ ਕਿਸੇ ਤੋਂ ਪਤਾ ਚਲਾ ਸੀ ਕਿ ਜੇਕਰ ਕਿਸੇ ਬੀਮਾ ਧਾਰਕ ਦੀ ਮੌਤ ਪਾਲਿਸੀ ਲੈਣ ਤੋਂ ਇੱਕ ਮਹੀਨੇ ਦੇ ਅੰਦਰ ਹੋ ਜਾਂਦੀ ਹੈ ਤਾਂ ਬੀਮਾ ਕੰਪਨੀ ਰਾਸ਼ੀ ਦਾ ਦੁੱਗਣਾ ਪੈਸਾ ਦਿੰਦੀ ਹੈ। ਇਸ ਜਾਣਕਾਰੀ ਨੇ ਉਸਨੂੰ ਇਹ ਦੋਸ਼ ਕਰਨ ਲਈ ਲਾਲਚ ਦੇ ਦਿੱਤਾ। ਪੁਲਿਸ ਨੂੰ ਪਤਾ ਚੱਲਿਆ ਹੈ ਕਿ ਉਹ ਕਈ ਵਾਰ ਦੂਜੇ ਗੁਨਾਹਾਂ ਲਈ ਪਹਿਲਾਂ ਵੀ ਜੇਲ੍ਹ ਜਾ ਚੁੱਕਿਆ ਹੈ।