Protester bounces egg off head of Australian prime minister Scott Morrison

ਕੇਨਬਰਾ : ਭਾਰਤ 'ਚ ਚੋਣ ਪ੍ਰਚਾਰ ਦੌਰਾਨ ਸਿਆਸੀ ਪਾਰਟੀਆਂ ਦੇ ਆਗੂਆਂ 'ਤੇ ਹਮਲੇ ਦੀਆਂ ਕਈ ਘਟਨਾਵਾਂ ਵਾਪਰੀਆਂ ਹਨ। ਪਿਛਲੇ ਦਿਨੀਂ ਦਿੱਲੀ ਦੇ ਮੁੱਖ ਮੰਤਰੀ ਅਰਵਿੰਦ ਕੇਜਰੀਵਾਲ 'ਤੇ ਹਮਲੇ ਤੋਂ ਬਾਅਦ ਅਜਿਹੀ ਹੀ ਇਕ ਘਟਨਾ ਆਸਟ੍ਰੇਲੀਆ 'ਚ ਵਾਪਰੀ। ਆਸਟ੍ਰੇਲੀਆ ਦੇ ਪ੍ਰਧਾਨ ਮੰਤਰੀ ਸਕਾਟ ਮਾਰੀਸਨ 'ਤੇ ਮੰਗਲਵਾਰ ਨੂੰ ਚੋਣ ਰੈਲੀ ਦੌਰਾਨ ਇਕ ਪ੍ਰਦਰਸ਼ਨਕਾਰੀ ਨੇ ਅੰਡਾ ਸੁੱਟ ਦਿੱਤਾ।

ਜਾਣਕਾਰੀ ਮੁਤਾਬਕ ਅੰਡਾ ਮਾਰੀਸਨ ਦੇ ਸਿਰ 'ਚ ਲੱਗਾ। ਸਥਾਨਕ ਟੀਵੀ 'ਤੇ ਵਿਖਾਈਆਂ ਗਈਆਂ ਖ਼ਬਰਾਂ ਮੁਤਾਬਕ ਇਕ 24 ਸਾਲਾ ਔਰਤ ਨੂੰ ਕਾਬੂ ਕਰਨ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ। ਮਾਰੀਸਨ ਨੇ ਅੰਡਾ ਸੁੱਟਣ ਵਾਲੇ ਨੂੰ ਕਾਇਰ ਦੱਸਿਆ ਹੈ। ਸਕਾਟ ਮਾਰੀਸਨ ਨੇ ਟਵੀਟ ਕੀਤਾ, "ਅਲਬਰੀ 'ਚ ਅੱਜ ਵਾਪਰੀ ਘਟਨਾ ਦੇ ਸਬੰਧ 'ਚ ਮੇਰੀ ਚਿੰਤਾ ਉਸ ਬਜ਼ੁਰਗ ਔਰਤ ਲਈ ਹੈ, ਜੋ ਅਚਾਨਕ ਡਿੱਗ ਗਈ ਸੀ। ਮੈਂ ਉਸ ਨੂੰ ਚੁੱਕਣ 'ਚ ਮਦਦ ਕੀਤੀ ਅਤੇ ਗਲੇ ਲਗਾਇਆ। ਸਾਡੇ ਕਿਸਾਨਾਂ ਨੂੰ ਅਜਿਹੇ ਮੂਰਖਾਂ ਨਾਲ ਨਜਿੱਠਣਾ ਪਵੇਗਾ ਜੋ ਉਨ੍ਹਾਂ ਦੇ ਖੇਤਾਂ ਅਤੇ ਘਰਾਂ 'ਤੇ ਹਮਲਾ ਕਰ ਰਹੇ ਹਨ।"

ਜ਼ਿਕਰਯੋਗ ਹੈ ਕਿ ਆਸਟ੍ਰੇਲੀਆ 'ਚ 18 ਮਈ ਨੂੰ ਆਮ ਚੋਣਾਂ ਹੋਣੀਆਂ ਹਨ। ਚੋਣਾਂ ਦੇ ਮੱਦੇਨਜ਼ਰ ਪ੍ਰਧਾਨ ਮੰਤਰੀ ਜ਼ੋਰ-ਸ਼ੋਰ ਨਾਲ ਪ੍ਰਚਾਰ ਕਰ ਰਹੇ ਹਨ।