File Photo

ਕਰਾਚੀ- ਪਾਕਿਸਤਾਨ ਵਿਚ ਇਕ ਆਦਮੀ ਦੇ ਤੀਜੇ ਵਿਆਹ ਦੇ ਮੌਕੇ 'ਤੇ ਉਸ ਦੀ ਪਹਿਲੀ ਪਤਨੀ ਪਹੁੰਚੀ ਅਤੇ ਉਥੇ ਆਏ ਮਹਿਮਾਨਾਂ ਦੀ ਹਾਜ਼ਰੀ ਵਿਚ ਨਾ ਸਿਰਫ ਪਤਨੀ ਨੇ ਆਦਮੀ 'ਤੇ ਬੇਰਹਿਮੀ ਨਾਲ ਹਮਲਾ ਕੀਤਾ ਬਲਕਿ ਉਸਦੇ ਕੱਪੜੇ ਵੀ ਪਾੜੇ। ਮਾਮਲਾ ਇੰਨਾ ਵੱਧ ਗਿਆ ਕਿ ਵਿਆਹ ਕਰਾਉਣ ਵਾਲੇ ਵਿਅਕਤੀ ਨੂੰ ਬਚਾਉਣ ਲਈ ਪੁਲਿਸ ਦੀ ਮਦਦ ਲੈਣੀ ਪਈ।

ਇਕ ਮੀਡੀਆ ਰਿਪੋਰਟ ਅਨੁਸਾਰ ਪੁਲਿਸ ਨੇ ਉਸ ਵਿਅਕਤੀ ਨੂੰ ਸੁਰੱਖਿਅਤ ਬਚਾ ਲਿਆ। ਸੋਮਵਾਰ ਰਾਤ ਮਦੀਹਾ ਅਤੇ ਉਸ ਦੇ ਰਿਸ਼ਤੇਦਾਰ ਆਸਿਫ ਰਫੀਕ ਦੇ ਵਿਆਹ ਮੌਕੇ ਕਰਾਚੀ ਪਹੁੰਚੇ ਸਨ। ਮਦੀਹਾ ਨੇ ਦਾਅਵਾ ਕੀਤਾ ਕਿ ਦੋਵਾਂ ਦਾ ਵਿਆਹ 2014 ਵਿਚ ਹੋਇਆ ਸੀ। ਰਿਪੋਰਟ ਦੇ ਅਨੁਸਾਰ, ਔਰਤ ਨੇ ਦਾਅਵਾ ਕੀਤਾ ਕਿ ਰਫੀਕ ਨੇ ਉਸ ਦੀ ਸਹਿਮਤੀ ਤੋਂ ਬਿਨਾਂ ਜਿਨਾਹ ਯੂਨੀਵਰਸਿਟੀ ਦੀ ਦੂਜੀ ਕਰਮਚਾਰੀ ਨਾਲ ਵਿਆਹ ਕਰਵਾ ਲਿਆ ਸੀ

ਅਤੇ ਜਦੋਂ ਉਸਨੇ ਦੂਸਰੇ ਵਿਆਹ ‘ਤੇ ਇਤਰਾਜ਼ ਜਤਾਇਆ ਤਾਂ ਰਫੀਕ ਨੇ ਮੁਆਫੀ ਮੰਗੀ ਅਤੇ ਸਿਰਫ ਉਸ ਨਾਲ ਰਹਿਣ ਦਾ ਵਾਅਦਾ ਕੀਤਾ। ਕਿਹਾ ਗਿਆ ਹੈ ਕਿ ਮਦੀਹਾ ਅਤੇ ਉਸਦੇ ਪਰਿਵਾਰ ਨੇ ਰਫੀਕ ਨੂੰ ਬੇਰਹਿਮੀ ਨਾਲ ਕੁੱਟਿਆ ਅਤੇ ਉਸਦੇ ਕੱਪੜੇ ਪਾੜੇ। ਪੁਲਿਸ ਨੇ ਉਸਨੂੰ ਹਿਰਾਸਤ ਵਿੱਚ ਲੈਣ ਤੋਂ ਬਾਅਦ ਉਸ ਦੀ ਕੁੱਟਮਾਰ ਵੀ ਕੀਤੀ।

ਦੱਸ ਦੀਏ ਕਿ ਰਫੀਕ ਨੇ ਪੁਲਿਸ ਸਟੇਸ਼ਨ ਚੋਂ ਭੱਜਣ ਦੀ ਕੋਸ਼ਿਸ਼ ਵੀ ਕੀਤੀ ਅਤੇ ਉਸ ਨੇ ਉੱਥੇ ਖੜੀ ਇਕ ਬੱਸ ਦੇ ਥੱਲੇ ਛਿਪ ਗਿਆ ਪਰ ਮਹਿਲਾ ਦੇ ਪਰਿਵਾਰ ਨੇ ਪਿੱਛਾ ਕਰ ਕੇ ਉਸ ਨੂੰ ਫੜ ਲਿਆ ਅਤੇ ਇਕ ਵਾਰ ਫਿਰ ਉਸ ਦੀ ਮਾਰਪੀਟ ਕੀਤੀ।  ਰਫੀਕ ਅਨੁਸਾਰ ਉਸ ਨੇ ਮਦੀਹਾ ਨੂੰ ਤਲਾਕ ਦੇ ਦਿੱਤਾ ਸੀ ਅਤੇ ਇਸ ਲਈ ਉਸਨੂੰ ਦੁਬਾਰਾ ਵਿਆਹ ਕਰਾਉਣ ਲਈ ਕਿਸੇ ਦੀ ਇਜਾਜ਼ਤ ਦੀ ਲੋੜ ਨਹੀਂ ਹੈ। ਇਸਦੇ ਨਾਲ, ਉਸਨੇ ਕਿਹਾ ਕਿ ਇਕੋ ਸਮੇਂ ਚਾਰ ਔਰਤਾਂ ਨਾਲ ਵਿਆਹ ਕਰਨਾ ਉਸਦਾ ਅਧਿਕਾਰ ਹੈ।