ਗਾਜ਼ਾ ਸਿਟੀ : ਗਾਜਾ ਪੱਟੀ ਵਿਚ ਇਜ਼ਰਾਇਲੀ ਫ਼ੌਜ ਦੀ ਮੁਹਿੰਮ ਦੇ ਦੌਰਾਨ ਸੋਮਵਾਰ ਨੂੰ ਗੋਲੀਬਾਰੀ ਦੋਵੇਂ ਪਾਸੇ ਤੋਂ ਹੋਈ। ਫਲਸਤੀਨੀ ਅਧਿਕਾਰੀਆਂ ਨੇ ਹਮਾਸ ਆਰਮਡ ਵਿੰਗ ਦੇ ਸਥਾਨਕ ਕਮਾਂਡ ਸਮੇਤ ਛੇ ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋਈ ਹੈ। ਇਜ਼ਰਾਈਲੀ ਫ਼ੌਜ ਨੇ ਇੱਕ ਬਿਆਨ ਵਿਚ ਕਿਹਾ, ''ਗਾਜ਼ਾ ਪੱਟੀ ਵਿਚ ਮੁਹਿੰਮ ਦੇ ਦੌਰਾਨ ਦੋਵੇਂ ਪਾਸੇ ਗੋਲੀਬਾਰੀ ਹੋਈ ਸੀ। ਫ਼ਲਸਤੀਨੀ ਸੁਰੱਖਿਆ ਸੂਤਰਾਂ ਨੇ ਕਿਹਾ ਕਿ ਇਹ ਮੁਕਾਬਲਾ ਦਖਣੀ ਗਾਜਾ ਪੱਟੀ ਵਿਚ ਖਾਨ ਯੂਨਿਸ ਦੇ ਪੂਰਬੀ ਇਲਾਕੇ ਵਿਚ ਹੋਇਆ ਸੀ। ਗਾਜਾ ਦੇ ਸਿਹਤ ਮੰਤਰਾਲੇ ਦੇ ਬੁਲਾਰੇ ਅਸ਼ਰਫ ਅਲਕੁਦਰ ਨੇ ਦਸਿਆ ਕਿ ਛੇ ਫਲਸਤੀਨੀ ਮਾਰੇ ਗਏ ਹਨ।

ਇਕ ਸਥਾਨਕ ਹਸਪਤਾਲ ਨੇ ਕਿਹਾ ਕਿ ਮ੍ਰਿਤਕਾਂ ਦੇ ਵਿਚ ਹਾਮਾਦ ਦੇ ਹਥਿਆਰਬੰਦ ਵਿੰਗ 'ਅਜ਼ਦਿਨ ਅਲ-ਕਾਸਮ ਬਰਿਗੇਡ' ਦਾ ਇਕ ਸਥਾਨਕ ਕਮਾਂਡਰ ਵੀ ਸੀ। ਇਸ ਲੜਾਈ ਤੋਂ ਬਾਅਦ ਦਖਣੀ ਇਜ਼ਰਾਈਲ ਵਿਚ ਚਿਤਾਵਨੀ ਦੇਣ ਵਾਲੀ ਇਕ ਸੂਚਨਾ ਸੀ, ਜਿਸ ਵਿਚ ਗਾਜ਼ਾ ਪੱਟੀ ਤੋਂ ਇਕ ਸੰਭਾਵੀ ਰਾਕੇਟ ਹਮਲੇ ਦਾ ਸੰਕੇਤ ਮਿਲਿਆ ਹੈ। ਇਜ਼ਰਾਇਲ ਫ਼ੌਜੀ ਬੁਲਾਰੇ ਜੋਨਾਥਨ ਕਨਰੀਚਿਸ ਨੇ ਕਿਹਾ ਕਿ ਇਸ ਮੁਹਿੰਮ ਵਿਚ ਸ਼ਾਮਿਲ ਸਾਰੇ ਇਜ਼ਰਾਇਲੀ ਸਿਪਾਹੀ ਇਸਰਾਏਲ ਵਾਪਸ ਆ ਗਏ ਹਨ। (ਪੀ.ਟੀ.ਆਈ)