Kerala boy’s FB post on mother’s second marriage goes viral

ਦੁਬਈ: ਇਕ ਸ਼ਖਸ ਨੇ ਫੇਸਬੁਕ 'ਤੇ ਆਪਣੀ ਮਾਂ ਦੇ ਦੂਜੇ ਵਿਆਹ ਨੂੰ ਅਲੱਗ ਤਰੀਕੇ ਨਾਲ ਮਨਾਇਆ ਹੈ। ਉਸ ਨੇ ਮਾਂ ਦੇ ਬਲੀਦਾਨਾਂ ਦਾ ਧੰਨਵਾਦ ਕੀਤਾ ਅਤੇ ਅਜਿਹੀ ਕਹਾਣੀ ਸੁਣਾਈ ਜੋ ਲੋਕਾਂ ਨੂੰ ਕਾਫ਼ੀ ਪਸੰਦ ਆ ਰਹੀ ਹੈ। ਕੇਰਲ ਦੇ ਕੋਲਮ ਦੇ ਰਹਿਣ ਵਾਲੇ ਇੰਜੀਨੀਅਰ ਗੋਕੁਲ ਸ਼੍ਰੀਧਰ ਨੇ ਮੰਗਲਵਾਰ ਨੂੰ ਇਕ ਪੋਸਟ ਲਿਖੀ ਅਤੇ ਮਾਂ  ਨੂੰ ਵਿਆਹ ਦੀਆਂ ਸ਼ੁਭਕਾਮਨਾਵਾਂ ਦਿੱਤੀਆਂ। ਮਲਾਇਮ ਭਾਸ਼ਾ ਵਿਚ ਪੋਸਟ ਕਰਦੇ ਹੋਏ ਉਸ ਨੇ ਲਿਖਿਆ -  ਮੇਰੀ ਮਾਂ ਦਾ ਵਿਆਹ ਹੈ...ਮੈਂ ਅਜਿਹੀ ਪੋਸਟ ਲਿਖਣ ਲਈ ਬਹੁਤ ਚਿੰਤਾ 'ਚ ਸੀ, ਕਿ ਦੂਜੇ ਵਿਆਹ ਨੂੰ ਹੁਣ ਵੀ ਲੋਕਾਂ ਵੱਲੋਂ ਸਵੀਕਾਰ ਨਹੀਂ ਕੀਤਾ ਜਾਂਦਾ।

ਵਾਇਰਲ ਪੋਸਟ ਵਿਚ ਗੋਕੁਲ ਨੇ ਮਾਂ ਦੇ ਪਹਿਲੇ ਵਿਆਹ ਨੂੰ ਯਾਦ ਕੀਤਾ, ਜੋ ਕੁਝ ਖਾਸ ਨਹੀਂ ਸੀ। ਉਨ੍ਹਾਂ ਨੇ ਇਕ ਕਿੱਸਾ ਸੁਣਾਉਂਦੇ ਹੋਏ ਲਿਖਿਆ -  ਮੈਂ ਇਕ ਵਾਰ ਉਨ੍ਹਾਂ ਦੇ ਸਿਰ ਤੋਂ ਖੂਨ ਟਪਕਦਾ ਹੋਇਆ ਦੇਖਿਆ ਸੀ। ਜਦੋਂ ਉਸਨੇ ਪੁੱਛਿਆ ਕਿ ਤੁਸੀ ਇੰਨਾ ਸਹਿਣ ਕਿਉਂ ਕਰ ਰਹੇ ਹੋ, ਤਾਂ ਉਸਨੇ ਕਿਹਾ ਕਿ ਮੈਨੂੰ ਯਾਦ ਹੈ ਮਾਂ ਨੇ ਕਿਹਾ ਸੀ ਕਿ ਉਹ ਮੇਰੇ ਲਈ ਜੀਅ ਰਹੀ ਹੈ ਅਤੇ ਇਸ ਤੋਂ ਜ਼ਿਆਦਾ ਸਹਿਣ ਕਰ ਸਕਦੀ ਹੈ।