Japan Explosion

ਟੋਕਯੋ (ਭਾਸ਼ਾ) :- ਜਾਪਾਨ ਦੇ ਇਕ ਰੇਸਤਰਾਂ ਵਿਚ ਐਤਵਾਰ ਰਾਤ ਭਿਆਨਕ ਵਿਸਫੋਟ ਨਾਲ 40 ਤੋਂ ਜ਼ਿਆਦਾ ਲੋਕ ਜ਼ਖ਼ਮੀ ਹੋ ਗਏ। ਧਮਾਕੇ ਨੇ ਆਸਪਾਸ ਦੇ ਅਪਾਰਟਮੈਂਟ ਦੀਆਂ ਇਮਾਰਤਾਂ ਅਤੇ ਘਰਾਂ ਨੂੰ ਹਿਲਾ ਕੇ ਰੱਖ ਦਿਤਾ। ਇਹ ਰੇਸਤਰਾਂ ਜਾਪਾਨ ਦੀ ਰਾਜਧਾਨੀ ਦੇ ਉੱਤਰ ਵਿਚ ਮੁੱਖ ਟਾਪੂ ਹੋਕਾਦੋ ਦੇ ਸਪੋਰੋ ਵਿਚ ਸਥਿਤ ਹੈ। ਪੁਲਿਸ ਦੇ ਅਨੁਸਾਰ ਵਿਸਫੋਟ ਵਿਚ 42 ਲੋਕ ਜ਼ਖ਼ਮੀ ਹੋਏ ਹਨ।

ਧਮਾਕੇ ਦੇ ਕਾਰਣਾਂ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਜਾਪਾਨ ਦੀ ਸਰਕਾਰੀ ਪ੍ਰਸਾਰਣ ਕੰਪਨੀ ਐਨਐਚਕੇ ਦੇ ਟੀਵੀ ਫੁਟੇਜ ਵਿਚ ਜ਼ਮੀਨ 'ਤੇ ਬਿਖਰੇ ਮਲਬੇ ਦੇ ਨਾਲ ਹੀ ਰੇਸਤਰਾਂ ਵਿਚ ਲਪਟਾਂ ਉੱਠਦੀਆਂ ਵੇਖੀਆਂ ਗਈਆਂ। ਰੇਸਤਰਾਂ ਦੇ ਆਸਪਾਸ ਮੌਜੂਦ ਅਪਾਰਟਮੈਂਟ ਦੀਆਂ ਇਮਾਰਤਾਂ ਦੀਆਂ ਖਿੜਕੀਆਂ ਵੀ ਟੁੱਟ ਗਈਆਂ। ਬਾਹਰ ਪਾਰਕ ਕੀਤੀਆਂ ਗਈਆਂ ਕਾਰਾਂ ਮਲਬੇ ਨਾਲ ਢਕੀਆਂ ਨਜ਼ਰ ਆਈਆਂ।

ਇਕ ਨਜ਼ਰਸਾਨੀ ਨੇ ਦੱਸਿਆ ਕਿ ਉਸ ਨੂੰ ਵਿਸਫੋਟ ਦੀ ਆਵਾਜ਼ ਤੋਂ ਬਾਅਦ ਗੈਸ ਦੀ ਦੁਰਗੰਧ ਮਹਿਸੂਸ ਹੋਈ। ਜਾਪਾਨ ਦੇ ਐਮਰਜੈਂਸੀ ਸੇਵਾ ਵਿਭਾਗ ਦੀ ਟੀਮ ਵਿਸਫੋਟ ਦੇ ਕਾਰਣਾਂ ਦੀ ਜਾਂਚ ਕਰ ਰਹੀ ਹੈ। ਰੇਸਤਰਾਂ ਦੇ ਨਜਦੀਕ ਰਹਿਣ ਵਾਲੇ ਲੋਕਾਂ ਦੇ ਮੁਤਾਬਕ ਵਿਸਫੋਟ ਤੋਂ ਬਾਅਦ ਕਿਸੇ ਗੈਸ ਦਾ ਰਿਸਾਅ ਹੋਇਆ ਅਤੇ ਇਲਾਕੇ ਵਿਚ ਘਰਾਂ ਦੀਆਂ ਖਿੜਕੀਆਂ ਦੇ ਸ਼ੀਸ਼ੇ ਟੁੱਟ ਗਏ।

ਪੁਲਿਸ ਨੇ ਹੋਰ ਧਮਾਕੇ ਹੋਣ ਦੇ ਸ਼ੱਕ ਦੇ ਚਲਦੇ ਪੂਰੇ ਇਲਾਕੇ ਦੀ ਘੇਰਾਬੰਦੀ ਕਰ ਦਿਤੀ ਹੈ। ਘਟਨਾ ਸਥਲ 'ਤੇ ਫਾਇਰ ਡਿਪਾਰਟਮੈਂਟ ਦੀ 20 ਗੱਡੀਆਂ ਮੌਜੂਦ ਹਨ। ਅਧਿਕਾਰੀਆਂ ਨੇ ਜ਼ਖ਼ਮੀਆਂ ਦੀ ਗਿਣਤੀ ਦੇ ਵਧਣ ਦਾ ਸ਼ੱਕ ਜਤਾਇਆ ਹੈ।