12000 dengue patients hospitalised in Bangladesh

ਢਾਕਾ : ਬੰਗਲਾਦੇਸ਼ ਦੇ ਸਿਹਤ ਅਧਿਕਾਰੀਆਂ ਨੇ ਸੋਮਵਾਰ ਨੂੰ ਦਸਿਆ ਕਿ 12 ਤੋਂ 18 ਅਗੱਸਤ ਦੇ ਵਿਚ ਘੱਟੋ-ਘਟ 12,000 ਡੇਂਗੂ ਦੇ ਮਰੀਜ਼ ਹਸਪਤਾਲ ਵਿਚ ਭਰਤੀ ਕਰਵਾਏ ਗਏ। ਇਥੇ ਐਤਵਾਰ ਨੂੰ 24 ਘੰਟਿਆਂ ਵਿਚ 8 ਵਜੇ ਤੋਂ ਢਾਕਾ ਦੇ 734 ਦੇ ਮੁਕਾਬਲੇ ਵਿਚ ਦੇਸ਼ ਭਰ ਦੇ 972 ਡੇਂਗੂ ਮਰੀਜ਼ ਹਸਪਤਾਲ ਵਿਚ ਭਰਤੀ ਕਰਵਾਏ ਗਏ।

ਮਰੀਜ਼ਾਂ ਦੀ ਗਿਣਤੀ ਵੱਧਣ ਨਾਲ ਢਾਕਾ ਦੇ ਬਾਹਰ ਦੇ ਹਸਪਤਾਲਾਂ ਨੂੰ ਖਾਸ ਕਰ ਕੇ ਦੂਰ-ਦੁਰਾਡੇ ਅਤੇ ਪੇਂਡੂ ਖੇਤਰਾਂ ਵਿਚ ਸਿਹਤ ਸਹੂਲਤਾਂ ਦੇ ਗੈਰ ਲੋੜੀਂਦੇ ਪ੍ਰਬੰਧ ਕਾਰਨ ਚੁਨੌਤੀਆਂ ਦਾ ਸਾਹਮਣਾ ਕਰਨਾ ਪਿਆ ਸੀ।  ਹਸਪਤਾਲ ਦੇ ਸੁਪਰਡੈਂਟ ਕਮੋਡਾ ਪ੍ਰੋਸਾਦ ਸਾਹਾ ਨੇ ਦਸਿਆ ਕਿ 500 ਬੈੱਡ ਵਾਲਾ ਫ਼ਰੀਦਪੁਰ ਮੈਡੀਕਲ ਕਾਲਜ ਹਸਪਤਾਲ ਹੁਣ 751 ਮਰੀਜ਼ਾਂ ਦਾ ਇਲਾਜ ਕਰ ਰਿਹਾ ਹੈ, ਜਿਨ੍ਹਾਂ 'ਚੋਂ 277 ਡੇਂਗੂ ਦੇ ਮਰੀਜ਼ ਹਨ।

ਸਿਹਤ ਮਾਹਰਾਂ ਦਾ ਕਹਿਣਾ ਹੈ ਕਿ ਡੇਂਗੂ ਦਾ ਮੌਜੂਦਾ ਦੌਰ ਢਾਕਾ ਤੋਂ ਸ਼ੁਰੂ ਹੋਇਆ ਅਤੇ ਹੁਣ ਬਾਹਰੀ ਜ਼ਿਲ੍ਹਿਆਂ 'ਚ ਤੇਜ਼ੀ ਨਾਲ ਫੈਲ ਰਿਹਾ ਹੈ ਕਿਉਂਕਿ ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਈਦ ਦੀਆਂ ਛੁੱਟੀਆਂ ਦੌਰਾਨ ਰਾਜਧਾਨੀ ਦੇ ਵੱਖ-ਵੱਖ ਜ਼ਿਲ੍ਹਿਆਂ 'ਚ ਯਾਤਰਾ ਕੀਤੀ ਸੀ।