ਵਾਧੂ ਸਮਾਨ ਦੀ ਫ਼ੀਸ ਬਚਾਉਣ ਲਈ ਉਸਨੇ ਆਪਣੇ ਸੂਟਕੇਸ 'ਚੋਂ 2.5 ਕਿਲੋਗ੍ਰਾਮ ਵਜ਼ਨ ਵਾਲੇ ਕੱਪੜੇ ਕੱਢ ਕੇ ਪਾ ਲਏ ਅਤੇ ਉਸ ਦਾ ਇਹ ਤਰੀਕਾ ਕੰਮ ਵੀ ਕਰ ਗਿਆ। ਫਿਲੀਪੀਨਜ਼ ਦੀ ਗੇਲ ਰੈਡ੍ਰਿਗੁਏਜ਼ ਨਾਮ ਦੀ ਇਕ ਮਹਿਲਾ ਨੇ ਵੀ ਵਾਧੂ ਸਮਾਨ ਦੀ ਫ਼ੀਸ ਬਚਾਉਣ ਲਈ ਇਸ ਤਰੀਕੇ ਨੂੰ ਅਪਣਾਇਆ। ਉਸਨੇ ਇਸ ਸਬੰਧ ਵਿਚ 2 ਅਕਤੂਬਰ ਨੂੰ ਫੇਸਬੁੱਕ 'ਤੇ ਇਕ ਪੋਸਟ ਵੀ ਸ਼ੇਅਰ ਕੀਤੀ। ਇਸ ਵਿਚ, ਉਸਨੇ ਦੱਸਿਆ ਕਿ ਉਹ ਇਕ ਏਅਰਲਾਈਨਸ ਦੀ ਫਲਾਈਟ ਰਾਹੀਂ ਯਾਤਰਾ ਕਰਨ ਲਈ ਏਅਰਪੋਰਟ ਪਹੁੰਚੀ ਸੀ। ਉਸਦੇ ਕੋਲ ਕੱਪੜੇ ਨਾਲ ਭਰਿਆ ਸੂਟਕੇਸ ਸੀ।

ਸੂਟਕੇਸ ਦਾ ਭਾਰ ਚੈੱਕ ਕਰਦੇ ਸਮੇਂ ਜਦੋਂ ਉਸ ਦਾ ਭਾਰ 9.5 ਕਿਲੋਗ੍ਰਾਮ ਨਿਕਲਿਆ ਤਾਂ ਗੇਲ ਹੈਰਾਨ ਹੋ ਗਈ। ਏਅਰਲਾਈਨਸ  ਵਿਚ ਯਾਤਰੀ ਨੂੰ 7 ਕਿਲੋਗ੍ਰਾਮ ਤੱਕ ਸਮਾਨ ਲੈ ਕੇ ਜਾਣ ਦੀ ਆਗਿਆ ਹੈ। ਜੇ ਉਸ ਤੋਂ ਥੋੜ੍ਹਾ ਜਿਹਾ ਵੀ ਸਮਾਨ ਉੱਪਰ ਹੋ ਜਾਵੇ ਤਾਂ ਉਸ ਦੀ ਫ਼ੀਸ ਲੱਗਦੀ ਹੈ। ਗੇਲ ਦੇ ਸਮਾਨ ਦਾ ਭਾਰ ਜ਼ਿਆਦਾ ਸੀ ਅਤੇ ਉਸ ਤੋਂ ਵੀ ਫੀਸ ਦੀ ਮੰਗ ਕੀਤੀ ਗਈ ਪਰ ਗੇਲ ਨੇ ਫ਼ੀਸ ਦੇਣ ਤੋਂ ਇਨਕਾਰ ਕਰ ਦਿੱਤਾ।