Man Caught Giant Tuna Worth 3 Million Euros

ਆਇਰਲੈਂਡ: ਆਇਰਲੈਂਡ ਦੇ ਸਮੁੰਦਰੀ ਕਿਨਾਰੇ ‘ਤੇ ਇਕ ਵਿਅਕਤੀ ਨੂੰ ਲਗਭਗ 23 ਕਰੋੜ ਤੋਂ ਜ਼ਿਆਦਾ ਕੀਮਤ ਵਾਲੀ ਟੂਨਾ ਮੱਛੀ (Tuna Fish) ਦਿਖਾਈ ਦਿੱਤੀ। ਪਰ ਵਿਅਕਤੀ ਨੇ ਇਸ ਮੱਛੀ ਨੂੰ ਫੜ੍ਹਨ ਤੋਂ ਬਾਅਦ ਅਪਣੇ ਕੋਲ ਰੱਖਣ ਦੀ ਬਜਾਏ ਕੁੱਝ ਦੇਰ ਬਾਅਦ ਪਾਣੀ ਵਿਚ ਵਾਪਸ ਭੇਜ ਦਿੱਤਾ। ਵੈਸਟ ਕਾਰਕ ਚਾਰਟਡ ਕੰਪਨੀ ਦੇ ਡੇਵ ਐਡਵਰਡ ਨੂੰ ਸਮੁੰਦਰ ਵਿਚ 8.5 ਫੁੱਟ ਲੰਬੀ ਬਲੂਫਿਨ ਟੂਨਾ (Bluefin Tuna) ਮੱਛੀ ਮਿਲੀ।

ਖ਼ਬਰਾਂ ਮੁਤਾਬਕ ਇਸ ਸਾਲ ਇੱਥੋਂ ਫੜੀ ਗਈ ਇਹ ਸਭ ਤੋਂ ਵੱਡੀ ਮੱਛੀ ਹੈ। ਇਸ ਮੱਛੀ ਦੀ ਜਪਾਨ ਵਿਚ ਕੀਮਤ ਕਰੀਬ 3 ਮਿਲੀਅਨ ਯੂਰੋ ਡਾਲਰ (ਲਗਭਗ 23 ਕਰੋੜ ) ਤੋਂ ਜ਼ਿਆਦਾ ਹੋ ਸਕਦੀ ਹੈ। ਹਾਲਾਂਕਿ ਡੇਵ ਐਡਵਰਡ ਅਤੇ ਉਹਨਾਂ ਦੀ ਟੀਮ ਦੇ ਲੋਕਾਂ ਮੁਤਾਬਕ ਉਹ ਵਪਾਰਕ ਵਰਤੋਂ ਲਈ ਫਿਸ਼ਿੰਗ ਨਹੀਂ ਕਰ ਰਹੇ ਸਨ। ਇਸ ਲਈ ਉਹਨਾਂ ਨੇ ਇਸ ਮੱਛੀ ਨੂੰ ਛੱਡ ਦਿੱਤਾ। ਇਸ ਮੱਛੀ ਦੀ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਕਾਫ਼ੀ ਵਾਇਰਲ ਹੋ ਰਹੀ ਹੈ।