US-Bangla Plane Crash

ਕਾਠਮੰਡੂ : ਨੇਪਾਲ ਵਿਚ ਪਿਛਲੇ ਸਾਲ ਹੋਏ ਇਕ ਵੱਡੇ ਜਹਾਜ਼ ਹਾਦਸੇ ਦੇ ਪਿੱਛੇ ਦਾ ਮੂਲ ਕਾਰਨ ਇਕ ਛੋਟੀ ਜਿਹੀ ਸਿਗਰਟ ਅਤੇ ਪਾਇਲਟ ਦੀ ਲਾਪਰਵਾਹੀ ਸੀ। ਕਾਠਮੰਡੂ ਦੇ ਤ੍ਰਿਭੁਵਨ ਅੰਤਰਰਾਸ਼ਟਰੀ ਹਵਾਈ ਅੱਡੇ 'ਤੇ 12 ਮਾਰਚ 2018 ਨੂੰ ਉੱਤਰਨ ਤੋਂ ਠੀਕ ਪਹਿਲਾਂ ਯੂਐਸ ਬਾਂਗਲਾ ਏਅਰਲਾਈਨ ਬਾਮਬਾਰਡੀਅਰ ਜਹਾਜ਼ ਦੁਰਘਟਨਾ ਗ੍ਰਸਤ ਹੋਇਆ ਸੀ। ਇਸ ਵਿਚ 51 ਲੋਕਾਂ ਦੀ ਮੌਤ ਹੋ ਗਈ ਸੀ। ਐਤਵਾਰ ਨੂੰ ਜਾਰੀ ਹੋਈ ਹਾਦਸੇ ਦੀ ਜਾਂਚ ਰਿਪੋਰਟ ਦੇ ਮੁਤਾਬਕ ਹਾਦਸਾ ਪਾਇਲਟ ਦੇ ਕਾਕਪਿਟ ਵਿਚ ਸਿਗਰਟ ਪੀਣ ਦੇ ਕਾਰਨ ਹੋਇਆ। 

ਰਿਪੋਰਟ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਪਾਇਲਟ ਕਾਕਪਿਟ ਵਿਚ ਸਿਗਰਟ ਪੀ ਰਿਹਾ ਸੀ ਅਤੇ ਉਸੀ ਵਜ੍ਹਾ ਨਾਲ ਪਲੇਨ ਕਰੈਸ਼ ਹੋਇਆ। ਜਾਂਚ ਕਮੀਸ਼ਨ ਨੂੰ ਮਿਲੀ ਜਾਣਕਾਰੀ ਦੇ ਮੁਤਾਬਕ ਪਾਇਲਟ ਸਿਗਰਟ ਪੀਣ ਦਾ ਆਦੀ ਸੀ। ਜਾਂਚ ਕਮੀਸ਼ਨ ਸੀਵੀਆਰ ਮਤਲਬ ਕਿ ਕਾਕਪਿਟ ਵਾਈਸ ਰਿਕਾਰਡਰ ਤੋਂ ਮਿਲੀ ਜਾਣਕਾਰੀ ਤੋਂ ਬਾਅਦ ਇਸ ਨਤੀਜੇ 'ਤੇ ਪੁੱਜੀ ਹੈ ਕਿ ਫਲਾਈਟ ਦੇ ਦੌਰਾਨ ਪਾਇਲਟ ਨੇ ਕਾਕਪਿਟ ਵਿਚ ਸਿਗਰਟ ਪੀਤੀ ਸੀ। ਕੰਪਨੀ ਦੀ ਪਾਲਿਸੀ ਦੇ ਮੁਤਾਬਕ ਸਾਰੇ ਘਰੇਲੂ ਅਤੇ ਅੰਤਰਰਾਸ਼ਟਰੀ ਉਡਾਣਾਂ ਦੇ ਦੌਰਾਨ ਸਿਗਰਟ ਪੀਣ 'ਤੇ ਪੂਰੀ ਤਰ੍ਹਾਂ ਤੋਂ ਰੋਕ ਹੈ।

ਰਿਪੋਰਟ ਵਿਚ ਸਾਫ਼ ਤੌਰ 'ਤੇ ਕਿਹਾ ਗਿਆ ਹੈ ਕਿ ਫਲਾਈਟ ਵਿਚ ਸਿਰਫ ਤੰਬਾਕੂ ਦਾ ਇਸਤੇਮਾਲ ਕੀਤਾ ਗਿਆ ਸੀ। ਇਹ ਵੀ ਕਿਹਾ ਗਿਆ ਕਿ ਉਡਾਨ ਦੇ ਸਮੇਂ ਕਿਸੇ ਵੀ ਤਰ੍ਹਾਂ ਦੇ ਪ੍ਰਤੀਬੰਧਿਤ ਨਸ਼ੇ ਦਾ ਇਸਤੇਮਾਲ ਨਹੀਂ ਕੀਤਾ ਗਿਆ ਸੀ। ਜਾਂਚ ਕਮੀਸ਼ਨ ਨੇ ਅਪਣੀ ਰਿਪੋਰਟ ਵਿਚ ਕਿਹਾ ਹੈ ਕਿ ਹਾਦਸਾ ਪੂਰੀ ਤਰ੍ਹਾਂ ਨਾਲ ਕਰੂ ਦੀ ਲਾਪਰਵਾਹੀ ਨਾਲ ਹੋਇਆ।

ਇਸ ਰਿਪੋਰਟ ਵਿਚ ਕਰੂ ਦੇ ਮੈਬਰਾਂ ਤੋਂ ਇਲਾਵਾ ਤ੍ਰਿਭੁਵਨ ਏਅਰਪੋਰਟ ਦੇ ਕੰਟਰੋਲ ਟਾਵਰ ਨੂੰ ਵੀ ਜ਼ਿੰਮੇਦਾਰ ਠਹਰਾਇਆ ਗਿਆ ਹੈ। ਕਾਕਪਿਟ ਵਾਇਸ ਰਿਕਾਰਡਰ ਤੋਂ ਮਿਲੇ ਡੇਟਾ ਵਿਚ ਖੁਲਾਸਾ ਹੋਇਆ ਹੈ ਕਿ ਲੈਂਡਿੰਗ ਦੇ ਦੌਰਾਨ ਟਰਮੀਨਲ ਏਰੀਆ ਵਿਚ ਕਰੂ ਅਤੇ ਟਰੈਫਿਕ ਕੰਟਰੋਲਰ ਦੇ ਵਿਚ ਗੱਲਬਾਤ ਵਿਚ ਭੁਲੇਖਾ ਸੀ।