No Evidence of Guru Nanak Dev Ji Visiting Rome

ਰੋਮ : ਸਿੱਖਾਂ ਦੇ ਪਹਿਲੇ ਗੁਰੂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਰੋਮ ਯਾਤਰਾ ਅਤੇ ਪੋਪ ਨਾਲ ਮੀਟਿੰਗ ਸਬੰਧੀ ਕੋਈ ਸਬੂਤ ਨਹੀਂ ਹਨ। ਇਸ ਗੱਲ ਦੀ ਜਾਣਕਾਰੀ ਵੈਟੀਕਨ ਮਿਊਜ਼ੀਅਮ ਅਤੇ ਸੇਂਟ ਪੀਟਰ ਦੇ ਬੇਸਿਲਿਕਾ ਦੇ ਅਖ਼ਬਾਰੀ ਦਫ਼ਤਰ ਦੇ ਇਤਿਹਾਸਕ ਰਿਕਾਰਡਾਂ ਦੀ ਚੰਗੀ ਤਰ੍ਹਾਂ ਜਾਂਚ ਕੀਤੇ ਜਾਣ ਮਗਰੋਂ ਇਕ ਚਿੱਠੀ ਜਾਰੀ ਕਰ ਕੇ ਦਿਤੀ ਗਈ ਹੈ। ਉੱਤਰੀ ਅਮਰੀਕਾ ਦੀ ਸਿੱਖ ਸੰਗਤ ਵਲੋਂ ਜਾਰੀ ਪ੍ਰੈੱਸ ਰਿਲੀਜ਼ ਵਿਚ ਦਸਿਆ ਗਿਆ ਹੈ ਕਿ ਜੈਨ-ਲੂਈਸ ਕਾਰਡਿਨ ਟੌਰਨ ਨੇ 8 ਜੂਨ 2018 ਦੀ ਚਿੱਠੀ ਵਿਚ ਲਿਖਿਆ ਹੈ ਕਿ ਯੂਗਾਂਡਾ ਦੀ ਸੁਪਰੀਮ ਕੋਰਟ ਦੇ ਸਾਬਕਾ ਜੱਜ ਜਸਟਿਸ ਅਨੂਪ ਕੁਮਾਰ ਚੌਧਰੀ ਦੀ ਬੇਨਤੀ 'ਤੇ 2016 ਵਿਚ ਨਿਰਪੱਖ ਜਾਂਚ ਸ਼ੁਰੂ ਕੀਤੀ ਗਈ ਸੀ।

ਉਨ੍ਹਾਂ ਕਿਹਾ ਕਿ ਅਸੀਂ ਅਪ੍ਰੈਲ, 2018 ਵਿਚ ਆਪਣੇ ਦਫ਼ਤਰ ਵਿਚ ਟੋਰਾਂਟੋ ਦੇ ਆਰਚਬਿਸ਼ਪ ਥਾਮਸ ਕਾਰਡੀਨਲ ਕੌਲਿਨਸ ਕੋਲ ਬੇਨਤੀ ਕੀਤੀ ਸੀ ਕਿ ਉਹ ਬੇਨਤੀ ਕਰੇ ਕਿ ਰੋਮਨ ਕੈਥੋਲਿਕ ਚਰਚ ਸਾਨੂੰ ਇਸ ਤੱਥ ਖੋਜ ਦੇ ਯਤਨ ਵਿਚ ਸਹਾਇਤਾ ਕਰੇ। ਹੁਣ ਅਸੀਂ ਯਕੀਨ ਨਾਲ ਕਹਿ ਸਕਦੇ ਹਾਂ ਕਿ ਇਸ ਵਿਚ ਕੋਈ ਸਚਾਈ ਨਹੀਂ ਹੈ ਕਿ ਵੈਟੀਕਨ ਵਿਚ ਗੁਰੂ ਨਾਨਕ ਦੇਵ ਜੀ ਨੇ ਪੋਪ ਨਾਲ ਮੁਲਾਕਾਤ ਕੀਤੀ ਸੀ। 

ਦਸ ਦਈਏ ਕਿ ਇ ਸਤੋਂ ਪਹਿਲਾਂ ਇਕ ਖ਼ਬਰ ਆਈ ਸੀ ਜਿਸ ਵਿਚ ਕਿਹਾ ਗਿਆ ਸੀ ਕਿ ਰੋਮਨ ਕਾਨਕਲੇਵ (ਕਾਰਡੀਨਲਸ ਦੀ ਮੀਟਿੰਗ) ਇਸ ਗੱਲ ਦੀ ਪੁਸ਼ਟੀ ਕਰਦਾ ਹੈ ਕਿ 'ਨੈਨਕ' (ਗੁਰੂ ਨਾਨਕ ਦੇਵ ਜੀ) ਰੋਮ ਅਤੇ ਹੋਰ ਦੇਸ਼ਾਂ ਵਿਚ ਗਏ ਸਨ। ਇਸ ਗੱਲ ਦੀ ਪੁਸ਼ਟੀ 1518 ਵਿਚ ਪਾਪਲ ਬਰੀਫ਼ ਵਲੋਂ ਕੀਤੀ ਗਈ। ਲਿਓ-ਐਕਸ ਅਤੇ ਸਾਰੇ ਕਾਰਡੀਨਲਾਂ 'ਚ ਇਕ ਕਲੇਵ (ਕਾਰਡੀਨਲਜ਼ ਦੀਆਂ ਧਾਰਮਿਕ ਮੀਟਿੰਗਾਂ) ਹਨ। ਉਸ ਕਲੇਵ ਲਿਓ-ਐਕਸ ਵਿਚ ਸਾਰੇ ਇਸਾਈਆਂ ਨੂੰ ਨਿਰਦੇਸ਼ ਦਿਤਾ ਗਿਆ ਸੀ ਕਿ ਉਹ ਨੈਨਕ 'ਸਾਡੀ ਜਾਤੀ ਦੇ ਆਮ ਪਿਤਾ'  ਦੇ ਨਕਸ਼ੇ ਕਦਮਾਂ ਦਾ ਪਾਲਣ ਕਰਨ। ਉਨ੍ਹਾਂ ਨੇ ਸਾਰੇ ਇਸਾਈਆਂ ਨੂੰ ਇਟਲੀ ਅਤੇ ਦੁਨੀਆ ਵਿਚ ਕਿਤੇ ਵੀ ਹੋਰ ਅਪਣੀ ਅਮਲੀ ਸਹਾਇਤਾ ਲਈ ਨੈਨਕ ਦਾ ਧੰਨਵਾਦ ਕਰਨ ਦਾ ਨਿਰਦੇਸ਼ ਦਿਤਾ। 

ਪੋਪ ਬੈਨੇਡਿਕਟ-12 ਦੇ ਆਕਰ ਬਿਸ਼ਪ ਡੋਮ ਜੋਸ ਰੋਨਾਲਡੋ ਆਖਦੇ ਹਨ ਕਿ 1518 ਈਸਵੀ ਵਿਚ ਸਤਿਗੁਰੂ ਨਾਨਕ ਸਾਹਿਬ ਇਕ ਸੰਗੀਤਕਾਰ ਦੇ ਨਾਲ ਰੋਮ ਦੇ ਦੌਰੇ 'ਤੇ ਆਏ ਅਤੇ ਸਤਿਗੁਰੂ ਪੁਰਾਣੇ ਸੇਂਟ ਪੀਟਰ ਦੇ ਬੇਸਿਲਿਕਾ ਦੇ ਮਕਬਰੇ ਵਿਚ ਰਹੇ। ਸਤਿਗੁਰੂ ਨੇ ਲਿਓ-ਐਕਸ (ਪੋਪ) ਦੀ ਗ਼ੁਲਾਮੀ ਦੀ ਆਜ਼ਾਦੀ ਦੀ ਵਕਾਲਤ ਕੀਤੀ। ਪੋਪ ਨੂੰ ਦਸਿਆ ਕਿ ਕਿਸੇ ਨੂੰ ਵੀ ਦੂਜਿਆਂ ਨੂੰ ਗ਼ੁਲਾਮ ਬਣਾਉਣ ਦਾ ਅਧਿਕਾਰ ਨਹੀਂ ਹੈ। ਸਰਵ ਸ਼ਕਤੀਮਾਨ ਸਤਿਗੁਰੂ ਨੇ ਯੋਗ ਪੋਪ ਨੂੰ ਦਸਿਆ ਕਿ ਹਰ ਇਨਸਾਨ ਦੀਆਂ ਨਸਾਂ ਵਿਚ ਇਕ ਹੀ ਖ਼ੂਨ ਹੁੰਦਾ ਹੈ।