ਪਾਲੀਵੁੱਡ ਇੰਡਸਟਰੀ ਦੇ ਵਿਚ ਲਗਾਤਾਰ ਵਿਆਹਾਂ ਦਾ ਦੌਰ ਚੱਲ ਰਿਹਾ ਹੈ। ਹਾਲ ਹੀ ਵਿਚ ਪੰਜਾਬੀ ਇੰਡਸਰੀ ਦੇ ਗਾਇਕ ਨਿੰਜਾ ਦੇ ਵਿਆਹ ਦੀ ਜਾਣਕਾਰੀ ਸਾਹਮਣੇ ਆਈ...
ਚੰਡੀਗੜ੍ਹ : ਪਾਲੀਵੁੱਡ ਇੰਡਸਟਰੀ ਦੇ ਵਿਚ ਲਗਾਤਾਰ ਵਿਆਹਾਂ ਦਾ ਦੌਰ ਚੱਲ ਰਿਹਾ ਹੈ। ਹਾਲ ਹੀ ਵਿਚ ਪੰਜਾਬੀ ਇੰਡਸਰੀ ਦੇ ਗਾਇਕ 'ਨਿੰਜਾ' ਦੇ ਵਿਆਹ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। ਗਾਇਕ ਨਿੰਜਾ ਨੇ ਅਪਣੇ ਵਿਆਹ ਬਾਰੇ ਬਿਲਕੁਲ ਵੀ ਭੇਦ ਨਹੀਂ ਦਿਤਾ। ਉਨ੍ਹਾਂ ਚੁੱਪ - ਚਾਪ ਵਿਆਹ ਕਰਵਾਉਣਾ ਹੀ ਸਹੀ ਸਮਝਿਆ।
ਜਿਥੇ ਕਿ ਗਾਇਕ ਅਤੇ ਅਦਾਕਾਰ ਅਪਣੇ ਵਿਆਹ ਅਤੇ ਜ਼ਿੰਦਗੀ ਨਾਲ ਸਬੰਧਿਤ ਜਾਣਕਾਰੀ ਸੋਸ਼ਲ ਮੀਡੀਆ ਤੇ ਦਿੰਦੇ ਰਹਿੰਦੇ ਹਨ ਪਰ ਨਿੰਜਾ ਨੇ ਚੁੱਪ - ਚਪੀਤੇ ਹੀ ਵਿਆਹ ਕਰਵਾ ਲਿਆ ਹੈ। ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਅਤੇ ਵੀਡੀਓ ਲਗਾਤਾਰ ਸੋਸ਼ਲ ਮੀਡੀਆ ਤੇ ਵਾਇਰਲ ਹੋ ਰਹੀਆਂ ਹਨ। ਜਾਣਕਾਰੀ ਅਨੁਸਾਰ ਇਨ੍ਹਾਂ ਨੇ ਚੰਡੀਗੜ੍ਹ ਦੇ ਹੋਟਲ ਦੇ ਵਿਚ ਵਿਆਹ ਕਰਵਾਇਆ ਹੈ।
ਨਿੰਜਾ ਨੇ ਅਪਣੀ ਆਉਣ ਵਾਲੀ ਫਿਲਮ 'ਹਾਈ ਐਂਡ ਯਾਰੀਆਂ' ਦੀ ਪ੍ਰਮੋਸ਼ਨ ‘ਚ ਵੀ ਵਿਅਸਤ ਚੱਲ ਰਹੇ ਹਨ। ਉਨ੍ਹਾਂ ਦੀ ਫਿਲਮ 'ਹਾਈ ਐਂਡ ਯਾਰੀਆਂ' 22 ਫਰਵਰੀ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫਿਲਮ 'ਚ ਨਿੰਜਾ ਦੇ ਨਾਲ ਜੱਸੀ ਗਿੱਲ ਅਤੇ ਰਣਜੀਤ ਬਾਵਾ ਵੀ ਨਜ਼ਰ ਆਉਣਗੇ। 'ਪੰਕਜ ਬਤਰਾ' ਦੀ ਇਸ ਫਿਲਮ ਵਿਚ ਕਈ ਤਜ਼ਰਬੇ ਨਜ਼ਰ ਆਉਣਗੇ।
ਇਸ ਫਿਲਮ ਰਾਹੀ ਖੂਬਸੂਰਤ ਅਦਾਕਾਰਾਂ ਆਰੂਸ਼ੀ ਸ਼ਰਮਾਂ ਅਤੇ ਮੁਸਕਾਨ ਸ਼ੇਠੀ ਵੀ ਨਜ਼ਰ ਆਉਣਗੀਆਂ। ਇਹ ਫਿਲਮ ਲੰਡਨ ਪੜਨ ਗਏ ਵਿਦਿਆਰਥੀਆਂ ਦੇ ਉਤੇ ਅਧਾਰਿਤ ਹੈ। ਇਸ ਵਿਚ ਨਿੰਜਾ, ਜੱਸੀ ਗਿੱਲ ਅਤੇ ਰਣਜੀਤ ਬਾਵਾ ਇਨ੍ਹਾਂ ਵਿਦਿਆਰਥੀਆਂ ਦੀ ਭੂਮਿਕਾ ਨਿਭਾਉਣਗੇ। ਜਿਹੜ੍ਹੇ ਕਿ ਵੱਖੋ - ਵ੍ਖਰੇ ਧਰਮਾਂ ਅਤੇ ਸ਼ਹਿਰਾਂ ਨਾਲ ਸੰਬੰਧ ਰਖਦੇ ਹਨ।
ਹਾਲ ਹੀ 'ਚ ਇਸ ਫਿਲਮ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਹੈ। ਜਿਸ ਨੂੰ ਦਰਸ਼ਕਾਂ ਵਲੋਂ ਭਰਮਾਂ ਹੁੰਗਾਰਾ ਮਿਲਿਆ ਹੈ। ਹੁਣ 22 ਫਰਵਰੀ ਨੂੰ ਦੇਖਦੇ ਹਾਂ ਕਿ ਇਹ ਫਿਲਮ ਲੋਕਾਂ ਦੇ ਦਿਲ ਤੇ ਕਿੰਨੀ ਕੁ ਛਾਪ ਛੱਡਦੀ ਹੈ।
'ਹਾਈ ਆੈਂਡ ਯਾਰੀਆ' ਦਾ ਟ੍ਰੇਲਰ
