ਫੇਸਬੁੱਕ ਇਕ ਨਵੀਂ ਐਪ ਦੀ ਟੈਸਟਿੰਗ ਕਰ ਰਿਹਾ ਹੈ, ਜੋ ਵਿਕਾਸਸ਼ੀਲ ਦੇਸ਼ਾਂ ਲਈ ਹੈ।
ਨਵੀਂ ਦਿੱਲੀ: ਫੇਸਬੁੱਕ ਇਕ ਨਵੀਂ ਐਪ ਦੀ ਟੈਸਟਿੰਗ ਕਰ ਰਿਹਾ ਹੈ, ਜੋ ਵਿਕਾਸਸ਼ੀਲ ਦੇਸ਼ਾਂ ਲਈ ਹੈ। ਡਿਸਕਵਰ ਨਾਂਅ ਦੇ ਇਸ ਐਪ ਦੇ ਜ਼ਰੀਏ ਕੰਪਨੀ ਮੁਫਤ ਬ੍ਰਾਊਜ਼ਿੰਗ ਡਾਟਾ ਦੇਵੇਗੀ। ਇਸ ਦੇ ਲਈ ਫੇਸਬੁੱਕ ਲੋਕਲ ਟੈਲੀਕਾਮ ਕੰਪਨੀਆਂ ਨਾਲ ਸਮਝੌਤਾ ਕਰੇਗੀ।
Photo
ਜ਼ਿਕਰਯੋਗ ਹੈ ਕਿ ਫੇਸਬੁੱਕ ਨੇ ਡਿਸਕਵਰ ਦਾ ਪਹਿਲਾ ਟਰਾਇਲ ਪੇਰੂ ਵਿਚ ਸ਼ੁਰੂ ਕਰ ਦਿੱਤਾ ਹੈ। ਹਾਲਾਂਕਿ ਬਾਅਦ ਵਿਚ ਕੰਪਨੀ ਇਸ ਦਾ ਘੇਰਾ ਵਧਾਵੇਗੀ ਅਤੇ ਇਸ ਨੂੰ ਭਵਿੱਖ ਵਿਚ ਥਾਈਲੈਂਡ, ਈਰਾਕ ਅਤੇ ਫਿਲੀਪੀਂਸ ਆਦਿ ਦੇਸ਼ਾਂ ਵਿਚ ਸ਼ੁਰੂ ਕਰ ਸਕਦੀ ਹੈ।
Photo
ਇਸ ਐਪ ਦੇ ਤਹਿਤ ਮੋਬਾਇਲ ਕੰਪਨੀ ਵੱਲੋਂ ਯੂਜ਼ਰ ਨੂੰ ਹਰ ਦਿਨ ਮੁਫਤ ਡਾਟਾ ਮਿਲੇਗਾ ਅਤੇ ਇਸ ਦੀ ਜਾਣਕਾਰੀ ਉਹਨਾਂ ਨੂੰ ਨੋਟੀਫੀਕੇਸ਼ਨ ਜ਼ਰੀਏ ਦਿੱਤੀ ਜਾਵੇਗੀ। ਧਿਆਨਦੇਣਯੋਗ ਹੈ ਕਿ ਫੇਸਬੁੱਕ ਦਾ ਡਾਟਾ ਸਲੋ ਹੋਵੇਗਾ, ਇਹ ਇੰਨਾ ਸਲੋ ਹੋਵੇਗਾ ਕਿ ਯੂਜ਼ਰ ਕਿਸੇ ਵੀ ਵੈੱਬਸਾਈਟ ਦਾ ਸਿਰਫ ਟੈਕਸਟ ਲੋਡ ਕਰ ਸਕਦੇ ਹਨ, ਵੀਡੀਓਜ਼ ਨਹੀਂ ਚੱਲਣਗੀਆਂ।
Photo
ਦੱਸ ਦਈਏ ਕਿ ਫੇਸਬੁੱਕ ਨੇ ਕੁਝ ਸਾਲ ਪਹਿਲਾਂ ਮੁਫਤ ਬੇਸਿਕਸ ਦਾ ਐਲਾਨ ਕੀਤਾ ਸੀ। ਇਸ ਦੇ ਤਹਿਤ ਬਿਨਾਂ ਪੈਸੇ ਦਿੱਤੇ ਹੀ ਫੇਸਬੁੱਕ ਨੇ ਕੁਝ ਵੈੱਬਸਾਈਟ ਖੋਲ੍ਹਣ ਲਈ ਇੰਟਰਨੈੱਟ ਦੇਣ ਦੀ ਗੱਲ ਕਹੀ ਸੀ। ਕਈ ਦੇਸ਼ਾਂ ਵਿਚ ਇਸ ਨੂੰ ਬੈਨ ਕਰਵਾ ਦਿੱਤਾ ਗਿਆ।
Photo
ਭਾਰਤ ਵਿਚ ਵੀ 2016 ਵਿਚ ਇਸ ਦਾ ਕਾਫੀ ਵਿਰੋਧ ਹੋਇਆ ਸੀ ਤੇ ਇਸ 'ਤੇ ਪਾਬੰਦੀ ਲਗਾ ਦਿੱਤੀ ਗਈ। ਹਾਲਾਂਕਿ ਡਿਸਕਵਰ ਦੇ ਨਾਲ ਅਜਿਹਾ ਨਹੀਂ ਹੈ। ਫੇਸਬੁੱਕ ਨੇ ਇਹ ਵੀ ਦਾਅਵਾ ਕੀਤਾ ਹੈ ਕਿ ਇਸ ਐਪ ਦੀ ਵਰਤੋਂ ਲਈ ਫੇਸਬੁੱਕ ਅਕਾਊਂਟ ਦੀ ਲੋੜ ਨਹੀਂ ਹੈ।
