ਇਹ ਪ੍ਰਣਾਲੀ ਭੂਚਾਲ ਦਾ ਪਤਾ ਲਗਾਉਣ ਲਈ ਉਪਭੋਗਤਾ ਦੇ ਫੋਨ ਵਿਚ ਉਪਲਬਧ ਐਕਸੀਲੇਰੋਮੀਟਰ ਦੀ ਵਰਤੋਂ ਕਰਦੀ ਹੈ ਅਤੇ ਅਗਾਊਂ ਚੇਤਾਵਨੀ ਦਿੰਦੀ ਹੈ।
ਨਵੀਂ ਦਿੱਲੀ: ਗੂਗਲ ਨੇ ਭਾਰਤ 'ਚ ਐਂਡ੍ਰਾਇਡ ਯੂਜ਼ਰਸ ਲਈ ਇਕ ਨਵਾਂ ਅਲਰਟ ਫੀਚਰ ਜਾਰੀ ਕੀਤਾ ਹੈ। ਗੂਗਲ ਨੇ ਇਕ ਨਵਾਂ ਸਿਸਟਮ ਲਾਂਚ ਕੀਤਾ ਹੈ ਜੋ ਐਂਡ੍ਰਾਇਡ ਯੂਜ਼ਰਸ ਨੂੰ ਭੂਚਾਲ ਬਾਰੇ ਅਲਰਟ ਕਰੇਗਾ। ਗੂਗਲ ਦੀ ਇਹ ਪ੍ਰਣਾਲੀ ਭੂਚਾਲ ਦਾ ਪਤਾ ਲਗਾਉਣ ਲਈ ਉਪਭੋਗਤਾ ਦੇ ਫੋਨ ਵਿਚ ਉਪਲਬਧ ਐਕਸੀਲੇਰੋਮੀਟਰ ਦੀ ਵਰਤੋਂ ਕਰਦੀ ਹੈ ਅਤੇ ਅਗਾਊਂ ਚੇਤਾਵਨੀ ਦਿੰਦੀ ਹੈ।
ਇਹ ਵੀ ਪੜ੍ਹੋ: ਸਿਫ਼ਤ ਕੌਰ ਸਮਰਾ ਨੇ ਏਸ਼ੀਅਨ ਗੇਮਜ਼ ਵਿੱਚ ਇੱਕ ਸੋਨੇ ਤੇ ਇੱਕ ਚਾਂਦੀ ਦਾ ਤਮਗ਼ਾ ਜਿੱਤਿਆ
ਦੱਸ ਦੇਈਏ ਕਿ ਐਂਡ੍ਰਾਇਡ ਅਰਥਕੁਏਕ ਅਲਰਟ ਸਿਸਟਮ ਦੁਨੀਆਂ ਦੇ ਕਈ ਦੇਸ਼ਾਂ 'ਚ ਪਹਿਲਾਂ ਹੀ ਲਾਗੂ ਹੈ ਅਤੇ ਭੂਚਾਲ ਤੋਂ ਪਹਿਲਾਂ ਅਲਰਟ ਦੇਣ 'ਚ ਯੂਜ਼ਰਸ ਦੀ ਮਦਦ ਕਰ ਰਿਹਾ ਹੈ। ਪਰ ਹੁਣ ਗੂਗਲ ਨੇ ਇਸ ਸਿਸਟਮ ਨੂੰ ਭਾਰਤ 'ਚ ਲਾਂਚ ਕਰ ਦਿਤਾ ਹੈ। ਅਤੇ ਇਸ ਦੇ ਲਈ ਰਾਸ਼ਟਰੀ ਆਫ਼ਤ ਪ੍ਰਬੰਧਨ ਅਥਾਰਟੀ (NDMA) ਅਤੇ ਰਾਸ਼ਟਰੀ ਭੂਚਾਲ ਵਿਗਿਆਨ ਕੇਂਦਰ (NSC) ਨਾਲ ਸਾਂਝੇਦਾਰੀ ਕੀਤੀ ਹੈ।
ਇਹ ਵੀ ਪੜ੍ਹੋ: ਉੱਤਰੀ ਇਰਾਕ ’ਚ ਵਿਆਹ ਦੇ ਹਾਲ ’ਚ ਲੱਗੀ ਅੱਗ, 100 ਤੋਂ ਵੱਧ ਲੋਕਾਂ ਦੀ ਮੌਤ
ਗੂਗਲ ਦਾ ਕਹਿਣਾ ਹੈ ਕਿ ਨਵਾਂ ਸਿਸਟਮ ਤੁਹਾਡੇ ਫੋਨ ਨੂੰ ਇਕ ਮਿੰਨੀ ਭੂਚਾਲ ਡਿਟੈਕਟਰ ਵਿਚ ਬਦਲ ਦਿੰਦਾ ਹੈ। ਅਤੇ ਐਕਸੀਲੇਰੋਮੀਟਰ ਨੂੰ ਸੀਸਮੋਗ੍ਰਾਫ ਵਜੋਂ ਵਰਤਦਾ ਹੈ। ਇਸ ਤੋਂ ਇਲਾਵਾ ਗੂਗਲ ਦੇ ਅਲਰਟ ਸਿਸਟਮ ਰਾਹੀਂ ਭੂਚਾਲ ਦੀ ਤੀਬਰਤਾ ਕਿੰਨੀ ਹੈ ਅਤੇ ਕਿਥੇ ਆਇਆ ਹੈ, ਇਸ ਬਾਰੇ ਵੀ ਜਾਣਕਾਰੀ ਮਿਲਦੀ ਹੈ। ਇਸ ਤੋਂ ਬਾਅਦ, ਗੂਗਲ ਦਾ ਸਰਵਰ ਆਲੇ ਦੁਆਲੇ ਦੇ ਖੇਤਰ ਵਿਚ ਮੌਜੂਦ ਹੋਰ ਫੋਨਾਂ ਨੂੰ ਇਕ ਅਲਰਟ ਭੇਜਦਾ ਹੈ। ਭੂਚਾਲ ਦੀ ਤੀਬਰਤਾ ਦੇ ਆਧਾਰ 'ਤੇ, ਚੇਤਾਵਨੀਆਂ ਨੂੰ ਦੋ ਕਿਸਮਾਂ ਵਿਚ ਵੰਡਿਆ ਗਿਆ ਹੈ।
ਇਹ ਵੀ ਪੜ੍ਹੋ: MLA ਮਨਜਿੰਦਰ ਲਾਲਪੁਰਾ ਨੇ SSP ’ਤੇ ਲਗਾਏ ਇਲਜ਼ਾਮ; ਚੁਨੌਤੀ ਦਿੰਦਿਆ ਕਿਹਾ- ਮੈਂ ਵਿਧਾਇਕ ਦੀ ਕੁਰਸੀ ਛੱਡਦਾ ਹਾਂ, ਤੂੰ ਅਪਣੀ ਵਰਦੀ ਪਾਸੇ ਰੱਖ”
ਪਹਿਲਾ - 'ਬੀ ਅਵੇਅਰ ਅਲਰਟ', ਜਿਸ ਦਾ ਮਤਲਬ ਹੈ ਕਿ ਇਹ ਉਨ੍ਹਾਂ ਉਪਭੋਗਤਾਵਾਂ ਨੂੰ ਭੇਜਿਆ ਜਾਂਦਾ ਹੈ ਜੋ 4.5 ਤੀਬਰਤਾ ਜਾਂ ਇਸ ਤੋਂ ਵੱਧ ਦੇ ਭੂਚਾਲ ਦੌਰਾਨ MMI 3 ਅਤੇ 4 ਦਾ ਅਨੁਭਵ ਕਰਦੇ ਹਨ। ਦੂਜਾ - 'ਟੇਕ ਐਕਸ਼ਨ ਅਲਰਟ', ਇਹ ਅਲਰਟ ਉਨ੍ਹਾਂ ਉਪਭੋਗਤਾਵਾਂ ਨੂੰ ਭੇਜਿਆ ਜਾ ਰਿਹਾ ਹੈ ਜੋ 4.5 ਤੀਬਰਤਾ ਜਾਂ ਇਸ ਤੋਂ ਵੱਧ ਦਾ ਭੂਚਾਲ ਆਉਣ 'ਤੇ MMI 5+ ਸ਼ੇਕਿੰਗ ਮਹਿਸੂਸ ਕਰ ਰਹੇ ਹਨ।
ਇਹ ਵੀ ਪੜ੍ਹੋ: ਸ੍ਰੀ ਗੁਰੂ ਗੋਬਿੰਦ ਸਿੰਘ ਕਾਲਜ ਕਾਲਜ ਨੇ ਟਕਰਾਅ ਦੇ ਹੱਲ ਅਤੇ ਸ਼ਾਂਤੀ ਨਿਰਮਾਣ 'ਤੇ ਸਮਰੱਥਾ ਨਿਰਮਾਣ ਵਰਕਸ਼ਾਪ ਦਾ ਕੀਤਾ ਆਯੋਜਨ
ਗੂਗਲ ਦਾ ਕਹਿਣਾ ਹੈ ਕਿ ਉਹ ਗੂਗਲ ਸਰਚ ਅਤੇ ਮੈਪਸ 'ਤੇ ਹੜ੍ਹਾਂ ਅਤੇ ਚੱਕਰਵਾਤ ਵਰਗੀਆਂ ਹੋਰ ਕੁਦਰਤੀ ਆਫ਼ਤਾਂ ਬਾਰੇ ਜ਼ਰੂਰੀ ਜਾਣਕਾਰੀ ਪ੍ਰਦਾਨ ਕਰਨ ਲਈ ਐਨਡੀਐਮਏ ਨਾਲ ਕੰਮ ਕਰ ਰਿਹਾ ਹੈ। ਗੂਗਲ ਦਾ ਇਹ ਅਲਰਟ ਸਿਸਟਮ ਅਗਲੇ ਹਫਤੇ ਤੋਂ ਦੇਸ਼ ਭਰ ਦੇ ਉਨ੍ਹਾਂ ਐਂਡਰਾਇਡ ਉਪਭੋਗਤਾਵਾਂ ਲਈ ਉਪਲਬਧ ਹੋਵੇਗਾ ਜੋ ਐਂਡਰਾਇਡ 5 ਅਤੇ ਇਸ ਤੋਂ ਬਾਅਦ ਦੇ ਸੰਸਕਰਣ ਵਾਲੇ ਡਿਵਾਈਸਾਂ ਦੀ ਵਰਤੋਂ ਕਰ ਰਹੇ ਹਨ।
