ਪੁਲਵਾਮਾ ਹਮਲੇ ਤੋਂ ਬਾਅਦ ਏਅਰ ਇੰਡੀਆ ਨੂੰ ਰੋਜ਼ਾਨਾ ਹੋ ਰਿਹੈ 5 ਕਰੋੜ ਦਾ ਨੁਕਸਾਨ
Published : Apr 2, 2019, 5:05 pm IST
Updated : Apr 2, 2019, 5:05 pm IST
SHARE ARTICLE
Air India
Air India

ਯੂਰਪ ਅਤੇ ਅਮਰੀਕਾ ਦੀਆਂ ਉਡਾਨਾਂ ਨੂੰ ਲਗਾਉਣਾ ਪੈ ਰਿਹੈ ਲੰਮਾ ਚੱਕਰ

ਨਵੀਂ ਦਿੱਲੀ : ਪੁਲਵਾਮਾ ਹਮਲੇ ਤੋਂ ਬਾਅਦ ਪਾਕਿਸਤਾਨ ਨੇ ਉਸ ਦੇ ਹਵਾਈ ਖੇਤਰ 'ਚ ਕਿਸੇ ਵੀ ਭਾਰਤੀ ਜਹਾਜ਼ ਦੇ ਆਉਣ 'ਤੇ ਪਾਬੰਦੀ ਲਗਾ ਦਿੱਤੀ ਹੈ, ਜੋ ਹੁਣ ਤਕ ਜਾਰੀ ਹੈ। ਇਸ ਦੇ ਚਲਦੇ ਯੂਰਪ ਅਤੇ ਅਮਰੀਕਾ ਦੀਆਂ ਉਡਾਨਾਂ ਨੂੰ ਲੰਮਾ ਚੱਕਰ ਲਗਾਉਣਾ ਪੈ ਰਿਹਾ ਹੈ ਅਤੇ ਕੰਪਨੀ ਨੂੰ ਰੋਜ਼ਾਨਾ 5 ਕਰੋੜ ਰੁਪਏ ਤੋਂ ਵੱਧ ਦਾ ਨੁਕਸਾਨ ਹੋ ਰਿਹਾ ਹੈ।

ਘਰੇਲੂ ਉਡਾਨਾਂ 'ਚ ਭਾਵੇਂ ਏਅਰ ਇੰਡੀਆ ਆਪਣੀ ਬਾਦਸ਼ਾਹਤ ਗੁਆ ਚੁੱਕਾ ਹੈ, ਪਰ ਕੌਮਾਂਤਰੀ ਉਡਾਣਾਂ ਦੇ ਮਾਮਲੇ 'ਚ ਏਅਰ ਇੰਡੀਆ ਕੋਲ ਹੁਣ ਵੀ ਕਾਰੋਬਾਰ ਦਾ ਵੱਡਾ ਹਿੱਸਾ ਹੈ। ਏਅਰਲਾਈਨ 37 ਵਿਦੇਸ਼ੀ ਹਵਾਈ ਅੱਡਿਆਂ 'ਚ ਉਡਾਣਾਂ ਭਰਦੀ ਹੈ। ਇਨ੍ਹਾਂ 'ਚ ਲਗਭਗ ਅੱਧੇ ਹਵਾਈ ਅੱਡੇ ਅਮਰੀਕਾ ਅਤੇ ਯੂਰਪ 'ਚ ਹਨ। ਯੂਰਪ 'ਚ ਏਅਰ ਇੰਡੀਆ ਲੰਦਨ, ਪੈਰਿਸ, ਫਰੈਂਕਫਰਟ ਸਮੇਤ 10 ਥਾਵਾਂ ਲਈ, ਜਦਕਿ ਅਮਰੀਕਾ 'ਚ ਸ਼ਿਕਾਗੋ ਸਮੇਤ 5 ਥਾਵਾਂ ਲਈ ਉਡਾਣਾਂ ਦਾ ਸੰਚਾਲਨ ਕਰਦੀ ਹੈ।

Air India-2Air India-2

ਇਨ੍ਹਾਂ ਸਾਰੀਆਂ ਥਾਵਾਂ ਲਈ ਪਾਕਿਸਤਾਨ ਦੇ ਉਪਰੋਂ ਉਡਾਣਾਂ ਜਾਂਦੀਆਂ ਸਨ। ਹਾਲਾਂਕਿ 27 ਫ਼ਰਵਰੀ ਤੋਂ ਪਾਕਿਸਤਾਨੀ ਹਵਾਈ ਖੇਤਰ 'ਚ ਪਾਬੰਦੀ ਲੱਗਣ ਮਗਰੋਂ ਉਡਾਣਾਂ ਨੂੰ ਖਾੜੀ ਦੇਸ਼ਾਂ ਦੇ ਉੱਪਰ ਤੋਂ ਜਾਣਾ ਪੈ ਰਿਹਾ ਹੈ। ਇਸ ਨਾਲ ਉਡਾਣਾਂ ਦੇ ਸਮੇਂ 'ਚ 2 ਘੰਟੇ ਤਕ ਦਾ ਵਾਧਾ ਹੋ ਰਿਹਾ ਹੈ ਅਤੇ ਤੇਲ ਦੀ ਖ਼ਪਤ 'ਚ ਵੀ ਕਾਫ਼ੀ ਵਾਧਾ ਹੋ ਗਿਆ ਹੈ।

ਉਧਰ ਅਮਰੀਕਾ ਦੀਆਂ ਉਡਾਣਾਂ 'ਚ ਵਾਧੂ ਸਟੋਪੇਜ਼ ਲੈਣ ਦੀ ਵੀ ਲੋੜ ਪੈ ਰਹੀ ਹੈ। ਇਸ ਨਾਲ ਉਡਾਣਾਂ ਦਾ ਖ਼ਰਚਾ ਵੱਧ ਰਿਹਾ ਹੈ। ਕੰਪਨੀ ਨੇ ਵਿਆਨਾ ਅਤੇ ਬਰਮਿੰਘਮ ਦੀਆਂ ਉਡਾਣਾਂ 'ਤੇ ਹਾਲ ਹੀ 'ਚ ਰੋਕ ਵੀ ਲਗਾ ਦਿੱਤੀ ਹੈ। 

ਜ਼ਿਕਰਯੋਗ ਹੈ ਕਿ ਪਿਛਲੇ ਹਫ਼ਤੇ ਪਾਕਿਸਤਾਨ ਦੀ ਸਰਕਾਰ ਨੇ ਭਾਰਤ, ਮਲੇਸ਼ੀਆ ਅਤੇ ਥਾਈਲੈਂਡ ਤੋਂ ਇਲਾਵਾ ਬਾਕੀ ਸਾਰੇ ਦੇਸ਼ਾਂ ਲਈ ਚੱਲਣ ਵਾਲੀਆਂ ਉਡਾਣਾਂ ਲਈ ਆਪਣੇ ਹਵਾਈ ਖੇਤਰ ਤੋਂ ਪਾਬੰਦੀ ਹਟਾ ਲਈ ਸੀ।

Location: India, Delhi, New Delhi

SHARE ARTICLE

ਸਪੋਕਸਮੈਨ ਸਮਾਚਾਰ ਸੇਵਾ

ਸਬੰਧਤ ਖ਼ਬਰਾਂ

Advertisement

Ludhiana News Update: ਕੈਨੇਡਾ ਜਾ ਕੇ ਮੁੱਕਰੀ ਇੱਕ ਹੋਰ ਪੰਜਾਬਣ, ਨੇਪਾਲ ਤੋਂ ਚੜ੍ਹੀ ਪੁਲਿਸ ਅੜ੍ਹਿੱਕੇ, ਪਰਿਵਾਰ ਨਾਲ

17 May 2024 4:33 PM

Today Top News Live - ਵੇਖੋ ਅੱਜ ਦੀਆਂ ਮੁੱਖ ਖ਼ਬਰਾ, ਜਾਣੋ ਕੀ ਕੁੱਝ ਹੈ ਖ਼ਾਸ Bulletin LIVE

17 May 2024 1:48 PM

ਕਰੋੜ ਰੁਪਏ ਦੀ ਆਫ਼ਰ ਨੂੰ ਠੋਕਰ ਮਾਰਨ ਵਾਲੀ ਲੁਧਿਆਣਾ ਦੀ MLA ਨੇ ਖੜਕਾਏ ਵਿਰੋਧੀ, '400 ਤਾਂ ਦੂਰ ਦੀ ਗੱਲ, ਭਾਜਪਾ ਦੀ

17 May 2024 11:53 AM

Amit Shah ਜਾਂ Rajnath Singh ਕਿਉਂ ਨਹੀਂ ਬਣ ਸਕਦੇ PM? Yogi ਤੇ Modi ਦੇ ਦਿਲਾਂ ਚ ਬਹੁਤ ਦੂਰੀਆਂ ਨੇ Debate Live

17 May 2024 10:54 AM

Speed News

17 May 2024 10:33 AM
Advertisement