ਸਵਿਟਜ਼ਰਲੈਂਡ ਦੀ ਸਰਕਾਰ ਅਜਿਹੀਆਂ ਦੋ ਕੰਪਨੀਆਂ ਦੇ ਨਾਮ ਦੱਸਣ ਨੂੰ ਤਿਆਰ ਹੋ ਗਈ ਹੈ ਜਿਨ੍ਹਾਂ ਨੇ ਸਵਿੱਸ ਬੈਂਕ ਵਿਚ ਕਾਲਾ ਧਨ ਲੁਕਾਇਆ...
ਨਵੀਂ ਦਿੱਲੀ (ਭਾਸ਼ਾ) : ਸਵਿਟਜ਼ਰਲੈਂਡ ਦੀ ਸਰਕਾਰ ਅਜਿਹੀਆਂ ਦੋ ਕੰਪਨੀਆਂ ਦੇ ਨਾਮ ਦੱਸਣ ਨੂੰ ਤਿਆਰ ਹੋ ਗਈ ਹੈ ਜਿਨ੍ਹਾਂ ਨੇ ਸਵਿੱਸ ਬੈਂਕ ਵਿਚ ਕਾਲਾ ਧਨ ਲੁਕਾਇਆ ਹੋਇਆ ਹੈ। ਸਵਿੱਸ ਸਰਕਾਰ ਇਹਨਾਂ ਕੰਪਨੀਆਂ ਨਾਲ ਜੁੜੇ ਤਿੰਨ ਵਿਅਕਤੀਆਂ ਦਾ ਨਾਮ ਵੀ ਦੱਸੇਗੀ। ਇਹਨਾਂ ਕੰਪਨੀਆਂ ਅਤੇ ਲੋਕਾਂ ਦੇ ਬਾਰੇ ਕਈ ਭਾਰਤੀ ਏਜੰਸੀਆਂ ਜਾਂਚ ਕਰ ਰਹੀਆਂ ਹਨ।
ਸਵਿੱਸ ਸਰਕਾਰ ਦਾ ਸਮੂਹ ਕਰ ਵਿਭਾਗ ਜੀਓਡੇਸਿਕ ਲਿਮੀਟਡ ਅਤੇ ਅੱਧੀ ਇੰਟਰਪ੍ਰਾਈਜਜ਼ ਪ੍ਰਾਈਵੇਟ ਲਿਮੀਟਡ ਦੇ ਬਾਰੇ ਕੀਤੀ ਗਈ ਬੇਨਤੀ ਉਤੇ ਭਾਰਤ ਨੂੰ ਪ੍ਰਬੰਧਕੀ ਸਹਾਇਤਾ ਦੇਣ ਲਈ ਤਿਆਰ ਹੈ। ਇਨ੍ਹਾਂ ਦੋਵਾਂ ਕੰਪਨੀਆਂ ਵਿਚੋਂ ਇਕ ਦੀ ਨਿਗਰਾਨੀ ‘ਸੇਬੀ’ ਕਰ ਰਹੀ ਹੈ। ਨਾਲ ਹੀ, ਦੂਜੀ ਕੰਪਨੀ ਦਾ ਸਬੰਧ ਤਾਮਿਲਨਾਡੂ ਦੇ ਨੇਤਾਵਾਂ ਨਾਲ ਹੋਣ ਦੀ ਜਾਣਕਾਰੀ ਮਿਲੀ ਹੈ।
ਜੀਓਡੇਸਿਕ ਨਾਲ ਜੁੜੇ ਤਿੰਨ ਲੋਕ ਪੰਕਜ ਕੁਮਾਰ ਓਂਕਾਰ ਸ਼੍ਰੀਵਾਸਤਵ, ਪ੍ਰਸ਼ਾਂਤ ਸ਼ਰਦ ਮੁਲੇਕਰ ਅਤੇ ਕਿਰਨ ਕੁਲਕਰਣੀ ਦੇ ਮਾਮਲੇ ਵਿਚ ਵੀ ਬੇਨਤੀ ਉਤੇ ਸਹਿਮਤੀ ਜਤਾਈ ਗਈ ਹੈ। ਹਾਲਾਂਕਿ ਸਵਿਟਜ਼ਰਲੈਂਡ ਸਰਕਾਰ ਨੇ ਇਨ੍ਹਾਂ ਲੋਕਾਂ ਬਾਰੇ ਜਾਣਕਾਰੀ ਅਤੇ ਇਨ੍ਹਾਂ ਨਾਲ ਜੁੜੇ ਵਿਸ਼ੇਸ਼ ਤੱਥਾਂ ਦੀ ਜਾਣਕਾਰੀ ਨਹੀਂ ਦਿਤੀ ਹੈ।
ਜਾਣਕਾਰੀ ਦੇ ਮੁਤਾਬਕ ਪੰਕਜ ਕੁਮਾਰ ਜੀਓਡੇਸਿਕ ਲਿਮੀਟਡ ਦੇ ਚੇਅਰਮੈਨ, ਕਿਰਨ ਕੁਲਕਰਣੀ ਐਮਡੀ ਅਤੇ ਐਗਜ਼ੀਕਿਊਟਿਵ ਡਾਇਰੈਕਟਰ ਸਨ। ਰਿਪੋਰਟ ਦੇ ਮੁਤਾਬਕ ਆਮਦਨ ਕਰ ਵਿਭਾਗ ਨੇ ਕੰਪਨੀ ਦੇ ਪ੍ਰੋਮੋਟਰਸ ਦੇ ਕਈ ਟਿਕਾਣਿਆਂ ‘ਤੇ ਛਾਪੇਮਾਰੀ ਕੀਤੀ ਸੀ। ਹਾਲਾਂਕਿ, ਇਨ੍ਹਾਂ ਕੰਪਨੀਆਂ ਅਤੇ ਲੋਕਾਂ ਦੇ ਕੋਲ ਭਾਰਤ ਨੂੰ ਪ੍ਰਬੰਧਕੀ ਸਹਾਇਤਾ ਦੇਣ ਲਈ ਸਵਿਟਜ਼ਰਲੈਂਡ ਦੇ ਸਮੂਹ ਕਰ ਪ੍ਰਸ਼ਾਸਨ (ਐਫ਼ਟੀਏ) ਦੇ ਫ਼ੈਸਲੇ ਦੇ ਖਿਲਾਫ਼ ਅਰਜ਼ੀ ਦਰਜ ਕਰਨ ਦਾ ਰਸਤਾ ਹੈ।
