ਯੋਨ ਉਤਪੀੜਨ ਨਾਲ ਜੁੜੇ ਗੰਭੀਰ ਦੋਸ਼ਾਂ ਵਿਚ ਘਿਰੇ ਵਿਦੇਸ਼ ਰਾਜ ਮੰਤਰੀ ਐਮਜੇ ਅਕਬਰ ਦੇ ਮਾਮਲੇ ਵਿਚ ਕਾਂਗਰਸ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਸ ਮਾਮਲੇ...
ਨਵੀਂ ਦਿੱਲੀ (ਭਾਸ਼ਾ) : ਯੋਨ ਉਤਪੀੜਨ ਨਾਲ ਜੁੜੇ ਗੰਭੀਰ ਦੋਸ਼ਾਂ ਵਿਚ ਘਿਰੇ ਵਿਦੇਸ਼ ਰਾਜ ਮੰਤਰੀ ਐਮਜੇ ਅਕਬਰ ਦੇ ਮਾਮਲੇ ਵਿਚ ਕਾਂਗਰਸ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਇਸ ਮਾਮਲੇ ਵਿਚ ਚੁੱਪੀ ਤੋਡ਼ਨ ਦੀ ਮੰਗ ਕਰਦੇ ਹੋਏ ਕੇਂਦਰੀ ਮੰਤਰੀ ਦੇ ਖ਼ਿਲਾਫ਼ ਕਾਰਵਾਈ ਦਾ ਦਬਾਅ ਵਧਾ ਦਿਤਾ ਹੈ। ਪਾਰਟੀ ਦੇ ਮੁਤਾਬਕ ਪੀਐਮ ਦਾ ਅਜਿਹੇ ਮਾਮਲੇ ਉਤੇ ਬਿਆਨ ਨਹੀਂ ਆਉਂਦਾ ਹੈ ਤਾਂ ਫਿਰ ਔਰਤਾਂ ਦੇ ਸ਼ਕਤੀਕਰਨ ਲਈ ਬੇਟੀ ਬਚਾਓ, ਬੇਟੀ ਪੜਾਓ ਦੇ ਨਾਅਰੇ ਦਾ ਕੋਈ ਮਤਲਬ ਨਹੀਂ ਰਹਿ ਜਾਵੇਗਾ।
ਯੋਨ ਉਤਪੀੜਨ ਦੇ ਖ਼ਿਲਾਫ਼ ਅਵਾਜ਼ ਚੁੱਕਣ ਵਾਲੀਆਂ ਔਰਤਾਂ ਦੇ ਮੀ ਟੂ ਅਭਿਆਨ ਵਿਚ ਘਿਰੇ ਐਮਜੇ ਅਕਬਰ ਦੇ ਅਪਣੇ ਦੇਸ਼ ਵਾਪਸ ਅਉਣ ਤੋਂ ਬਾਅਦ ਕਾਂਗਰਸ ਨੇ ਉਨ੍ਹਾਂ ਦੇ ਖ਼ਿਲਾਫ਼ ਕਾਰਵਾਈ ਦੇ ਮਾਮਲੇ ਨੂੰ ਪ੍ਰਧਾਨ ਮੰਤਰੀ 'ਤੇ ਸਿਆਸੀ ਦਬਾਅ ਪਾ ਕੇ ਰਾਜਨੀਤੀ ਦਾ ਦਾਅ ਖੇਡਿਆ ਹੈ। ਅਕਬਰ ਦੇ ਵਾਪਸ ਅਉਣ ਉਤੇ ਵੀ ਅਸਤੀਫ਼ਾ ਨਾ ਦੇਣ ਜਾਂ ਉਨ੍ਹਾਂ ਦੇ ਖ਼ਿਲਾਫ਼ ਕਾਰਵਾਈ ਨਾ ਹੋਣ ਦੇ ਸਵਾਲ ਉਤੇ ਕਾਂਗਰਸ ਦੇ ਬੁਲਾਰੇ ਆਨੰਦ ਸ਼ਰਮਾ ਨੇ ਕਿਹਾ ਕਿ ਦੇਸ਼ ਇਸ ਮਾਮਲੇ ਵਿਚ ਪ੍ਰਧਾਨ ਮੰਤਰੀ ਦਾ ਨਜ਼ਰਿਆ ਸੁਣਨਾ ਚਾਹੁੰਦਾ ਹੈ।
ਅਕਬਰ ਕੇਂਦਰੀ ਮੰਤਰੀ ਮੰਡਲ ਦੇ ਮੈਂਬਰ ਹਨ ਅਤੇ ਕੈਬਨਿਟ ਦੇ ਮੁਖੀ ਹੋਣ ਦੇ ਨਾਤੇ ਇਹ ਪ੍ਰਧਾਨ ਮੰਤਰੀ ਦੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਉਹ ਦੇਸ਼ ਨੂੰ ਇਸ ਮਾਮਲੇ ਉਤੇ ਆਪਣੀ ਸੋਚ ਦੱਸਣ। ਆਨੰਦ ਸ਼ਰਮਾ ਨੇ ਕਿਹਾ ਕਿ ਅਕਬਰ ਉਤੇ ਗੰਭੀਰ ਦੋਸ਼ ਲੱਗੇ ਹਨ ਇਸ ਲਈ ਇਹ ਸਵਾਲ ਸਰਕਾਰ ਦੀ ਪ੍ਰਤਿਭਾ ਦਾ ਨਹੀਂ ਸਗੋਂ ਉਸ ਦੀ ਅਤੇ ਪੀਐਮ ਅਹੁਦੇ ਦੀ ਮਰਿਆਦਾ ਦਾ ਹੈ। ਪੀਐਮ ਨੂੰ ਇਸ ਮਾਮਲੇ ਵਿਚ ਚੁਪ ਨਹੀਂ ਰਹਿਣਾ ਚਾਹੀਦਾ ਖ਼ਾਸ ਤੌਰ 'ਤੇ ਇਹ ਵੇਖਦੇ ਹੋਏ ਕਿ ਉਹ ਕਈ ਤਰ੍ਹਾਂ ਦੇ ਵਿਸ਼ਿਆਂ ਉਤੇ ਅਪਣੀ ਗੱਲ ਕਹਿੰਦੇ ਰਹੇ ਹਨ।
ਸ਼ਰਮਾ ਨੇ ਕਿਹਾ ਕਿ ਪੀਐਮ ਦੇ ਵਾਰਤਾਲਾਪ ਦਾ ਆਲਮ ਇਹ ਹੈ ਕਿ ਉਹ ਕਈ ਵਾਰ ਇਕ ਪਾਸੇ ਦੀ ਵਾਰਤਾਲਾਪ ਨੂੰ ਲੈ ਕੇ “‘ਮਨ ਕੀ ਬਾਤ’ ਵੀ ਕਹਿੰਦੇ ਹਨ ਅਤੇ ਅਜਿਹੇ ਵਿਚ ਅਕਬਰ ਮਾਮਲੇ ਵਿਚ ਉਨ੍ਹਾਂ ਦੀ ਚੁੱਪੀ ਮੰਨਣ ਯੋਗ ਨਹੀਂ ਹੋਵੇਗੀ। ਅਕਬਰ ਦੇ ਅਸਤੀਫ਼ੇ ਦੀ ਮੰਗ ਦੇ ਸਵਾਲ ਉਤੇ ਸ਼ਰਮਾ ਨੇ ਕਿਹਾ ਕਿ ਜੈਪਾਲ ਰੈਡੀ ਅਤੇ ਦੂਜੇ ਬੁਲਾਰਿਆਂ ਨੇ ਪਹਿਲਾਂ ਹੀ ਕਾਂਗਰਸ ਦਾ ਪੱਖ ਇਸ ਮਾਮਲੇ ਵਿਚ ਸਪੱਸ਼ਟ ਕਰ ਦਿਤਾ ਹੈ ਅਤੇ ਉਹ ਉਨ੍ਹਾਂ ਦੀਆਂ ਗੱਲਾਂ ਨੂੰ ਦੁਹਰਾ ਰਹੇ ਹਨ। ਧਿਆਨ ਯੋਗ ਹੈ ਕਿ ਜੈਪਾਲ ਰੈਡੀ ਨੇ ਪਾਰਟੀ ਤੋਂ ਅਕਬਰ ਦੇ ਅਸਤੀਫ਼ੇ ਦੀ ਮੰਗ ਕਰਦੇ ਹੋਏ ਕਿਹਾ ਸੀ
ਕਿ ਵਿਦੇਸ਼ ਰਾਜ ਮੰਤਰੀ ਨੂੰ ਯੋਨ ਉਤਪੀੜਨ ਦੇ ਦੋਸ਼ਾਂ ਉਤੇ ਸਪਸ਼ਟੀਕਰਨ ਦੇਣ ਦੀ ਜ਼ਰੂਰਤ ਹੈ ਅਤੇ ਜੇਕਰ ਉਹ ਅਜਿਹਾ ਨਹੀਂ ਕਰਦੇ ਹਨ ਤਾਂ ਫਿਰ ਉਨ੍ਹਾਂ ਨੂੰ ਅਸਤੀਫ਼ਾ ਦੇਣਾ ਚਾਹੀਦਾ ਹੈ। ਅਕਬਰ ਨੇ ਅਪਣੇ ਦੇਸ਼ ਆਉਣ ਤੋਂ ਤਕਰੀਬਨ ਛੇ ਘੰਟੇ ਬਾਅਦ ਅਪਣਾ ਸਪਸ਼ਟੀਕਰਨ ਤਾਂ ਦੇ ਦਿਤਾ ਹੈ ਪਰ ਅਸਤੀਫ਼ਾ ਦੇਣ ਦਾ ਅਜੇ ਤੱਕ ਕੋਈ ਸੰਕੇਤ ਨਹੀਂ ਦਿਤਾ ਹੈ।