ਬੀਤੀ ਰਾਤ ਤਣਾਅ ਉਸ ਵੇਲੇ ਹੋਰ ਵੱਧ ਗਿਆ ਜਦ ਸਬਰੀਮਾਲਾ ਅਤੇ ਉਸ ਦੇ ਨੇੜੇ ਪਾਬੰਦੀ ਲਗਾਏ ਜਾਣ ਦੇ ਬਾਵਜੂਦ 200 ਤੋਂ ਵੱਧ ਤੀਰਥਯਾਤਰੀਆਂ ਨੇ ਮੈਦਾਨ ਖਾਲੀ ਨਹੀਂ ਕੀਤਾ।

ਕੇਰਲ,  ( ਭਾਸ਼ਾ ) : ਕੇਰਲ ਦੇ ਸਬਰੀਮਾਲਾ ਮੰਦਰ ਵਿਖੇ ਔਰਤਾਂ ਦੇ ਦਾਖਲੇ ਦੇ ਵਿਰੋਧ ਨੂੰ ਲੈ ਕੇ ਪ੍ਰਦਰਸ਼ਨ ਹੋਰ ਤੇਜ ਹੋ ਗਿਆ ਹੈ। ਮੰਦਰ ਵਿਚ ਲਾਗੂ ਨਿਯਮਾਂ ਦਾ ਪਾਲਨ ਨਾ ਕਰਨ ਤੇ 72 ਭਗਤਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ। ਹਾਲਾਤ ਦਾ ਜਾਇਜ਼ਾ ਲੈਣ ਲਈ ਕੇਂਦਰੀ ਮੰਤਰੀ ਅਲਫਾਂਸ ਅੱਜ ਮੰਦਰ ਵਿਖੇ ਪਹੁੰਚੇ। ਉਨ੍ਹਾਂ ਨੇ ਕਿਹਾ ਕਿ ਐਮਰਜੇਂਸੀ ਤੋਂ ਵੀ ਬੁਰੇ ਹਾਲਾਤ ਹੋ ਗਏ ਹਨ। ਭਗਤਾਂ ਨੂੰ ਅੱਗੇ ਜਾਣ ਨਹੀਂ ਦਿਤਾ ਜਾ ਰਿਹਾ। ਬਿਨਾਂ ਕਾਰਨ ਤੋਂ ਧਾਰਾ-144 ਲਗਾ ਦਿਤੀ ਗਈ ਹੈ। ਭਗਤ ਅਤਿਵਾਦੀ ਨਹੀਂ ਹਨ,

The devotees

ਫਿਰ ਸਰਕਾਰ ਨੂੰ 15 ਹਜ਼ਾਰ ਪੁਲਿਸ ਕਰਮਚਾਰੀਆਂ ਦੀ ਕੀ ਜ਼ਰੂਰਤ ਹੈ? ਦੱਸ ਦਈਏ ਕਿ ਬੀਤੀ ਰਾਤ ਤਣਾਅ ਉਸ ਵੇਲੇ ਹੋਰ ਵੱਧ ਗਿਆ ਜਦ ਸਬਰੀਮਾਲਾ ਅਤੇ ਉਸ ਦੇ ਨੇੜੇ ਪਾਬੰਦੀ ਲਗਾਏ ਜਾਣ ਦੇ ਬਾਵਜੂਦ 200 ਤੋਂ ਵੱਧ ਤੀਰਥਯਾਤਰੀਆਂ ਨੇ ਮੈਦਾਨ ਖਾਲੀ ਨਹੀਂ ਕੀਤਾ ਅਤੇ ਭਗਵਾਨ ਅਯੱਪਾ ਦੇ ਭਜਨਾਂ ਦਾ ਗੁਣਗਾਨ ਸ਼ੁਰੂ ਕਰ ਦਿਤਾ। ਜਦੋਂ ਕਹਿਣ ਦੇ ਬਾਵਜੂਦ ਵੀ ਉਨ੍ਹਾਂ ਨੇ ਭਜਨ ਜਾਰੀ ਰੱਖੇ ਤਾਂ ਪੁਲਿਸ ਨੇ ਉਨ੍ਹਾਂ ਨੂੰ ਗ੍ਰਿਫਤਾਰ ਕਰ ਲਿਆ। ਪ੍ਰਦਰਸ਼ਨਕਾਰੀਆਂ ਦੀ ਗ੍ਰਿਫਤਾਰੀ ਤੋਂ ਬਾਅਦ ਹਾਲਾਤ ਵਿਗੜ ਗਏ।

Arrested people

ਮੁਖ ਮੰਤਰੀ ਦੇ ਘਰ 'ਤੇ ਧਰਨਾ ਦੇਣ ਜਾ ਰਹੇ ਕਰਮਚਾਰੀਆਂ  ਅਤੇ ਆਰਐਸਐਸ ਦੇ ਸਵੈ-ਸੇਵੀਆਂ ਨੂੰ ਰਾਹ ਵਿਚ ਹੀ ਰੋਕ ਦਿਤਾ ਗਿਆ।  ਆਰਐਸਐਸ ਨੇ ਅੱਜ ਰਾਜ ਭਰ ਵਿਚ ਵਿਰੋਧ ਜਤਾਉਣ ਦਾ ਐਲਾਨ ਕੀਤਾ ਹੈ। ਸਬਰੀਮਾਲਾ ਕੰਮਕਾਜ ਕਮੇਟੀ ਸਰਕਾਰ ਵਿਰੁਧ ਅੰਦੋਲਨ ਤੇਜ ਕਰਨ ਦੀ ਤਿਆਰੀ ਵਿਚ ਹੈ। ਕਮੇਟੀ ਨੇ ਦੋਸ਼ ਲਗਾਇਆ ਹੈ

Sabrimala temple

ਕਿ ਕੋਰਟ ਨੇ ਹਰ ਉਮਰ ਦੀ ਅੋਰਤ ਨੂੰ ਮੰਦਰ ਅੰਦਰ ਦਾਖਲੇ ਦੀ ਆਗਿਆ ਦੇ ਕੇ ਉਨ੍ਹਾਂ  ਦੇ ਰੀਤੀ-ਰਿਵਾਜ਼ਾਂ ਅਤੇ ਰਵਾਇਤਾਂ ਨੂੰ ਖਰਾਬ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ 12ਵੀਂ ਸਦੀ ਦੇ ਸਬਰੀਮਾਲਾ ਮੰਦਰ ਵਿਖੇ ਭਗਵਾਨ ਅਯੱਪਾ ਦੀ ਪੂਜੀ ਹੁੰਦੀ ਹੈ। ਮੰਦਰ ਦੇ ਦਰਸ਼ਨਾਂ ਲਈ ਹਰ ਸਾਲ ਸਾਢੇ ਚਾਰ ਤੋਂ ਪੰਜ ਕਰੋੜ ਲੋਕ ਆਉਂਦੇ ਹਨ।