ਸਿੱਧੀ ਬਿਜਾਈ ਕਰਨ ਵਾਲੇ ਸੂਬੇ ਦੇ 30 ਹਜ਼ਾਰ 553 ਕਿਸਾਨਾਂ ਨੂੰ ਪੰਜਾਬ ਸਰਕਾਰ ਨੇ 25.23 ਕਰੋੜ ਰੁਪਏ ਦੀ ਰਾਸ਼ੀ ਦਿਤੀ ਸੀ
ਚੰਡੀਗੜ੍ਹ: ਸੂਬੇ ਦੇ ਕਿਸਾਨਾਂ ਨੂੰ ਝੋਨੇ ਦੀ ਸਿੱਧੀ ਬਿਜਾਈ ਲਈ ਉਤਸ਼ਾਹਤ ਕਰਨ ਲਈ ਪੰਜਾਬ ਸਰਕਾਰ ਵਲੋਂ 1500 ਰੁਪਏ ਪ੍ਰਤੀ ਏਕੜ ਉਤਸ਼ਾਹ ਰਾਸ਼ੀ ਦੇਣ ਦਾ ਐਲਾਨ ਕੀਤਾ ਹੋਇਆ ਹੈ। ਪਿਛਲੇ ਸਾਲ ਝੋਨੇ ਦੀ ਸਿੱਧੀ ਬਿਜਾਈ ਕਰਨ ਵਾਲੇ ਸੂਬੇ ਦੇ 30 ਹਜ਼ਾਰ 553 ਕਿਸਾਨਾਂ ਨੂੰ ਪੰਜਾਬ ਸਰਕਾਰ ਨੇ 25.23 ਕਰੋੜ ਰੁਪਏ ਦੀ ਰਾਸ਼ੀ ਦਿਤੀ ਸੀ ਜਦਕਿ ਸੂਬੇ ਦੇ ਕੁੱਲ 35 ਹਜ਼ਾਰ 836 ਕਿਸਾਨਾਂ ਨੇ ਪੋਰਟਲ ’ਤੇ ਸਿੱਧੀ ਬਿਜਾਈ ਲਈ ਰਜਿਸ਼ਟ੍ਰੇਸ਼ਨ ਕੀਤੀ ਸੀ। ਹੁਣ ਇਨ੍ਹਾਂ ਅਰਜ਼ੀਆਂ ’ਚੋਂ 5483 ਅਰਜ਼ੀਆਂ ਅਯੋਗ ਪਾਈਆਂ ਗਈਆਂ ਸਨ। ਦਰਅਸਲ 5483 ਕਿਸਾਨਾਂ ਵਲੋਂ ਝੋਨੇ ਦੀ ਸਿੱਧੀ ਬਿਜਾਈ ਨਹੀਂ ਕੀਤੀ ਗਈ ਹਾਲਾਂਕਿ ਉਨ੍ਹਾਂ ਨੇ ਖੇਤੀਬਾੜੀ ਵਿਭਾਗ ਦੇ ਪੋਰਟਲ ’ਤੇ ਅਪਣੀ ਰਜਿਸ਼ਟ੍ਰੇਸ਼ਨ ਕਰਵਾਈ ਸੀ।
ਇਹ ਵੀ ਪੜ੍ਹੋ: ਖਰੜ 'ਚ ਪੁਲਿਸ 'ਤੇ ਪਥਰਾਅ ਕਰਨ ਦੇ ਆਰੋਪ ਤਹਿਤ 2 ਮਹਿਲਾਵਾਂ ਸਮੇਤ 5 ਗ੍ਰਿਫ਼ਤਾਰ
ਅੰਕੜਿਆਂ ’ਤੇ ਨਜ਼ਰ ਮਾਰੀਏ ਤਾਂ ਪਿਛਲੇ ਸਾਲ ਸੱਭ ਤੋਂ ਵੱਧ ਸਿੱਧੀ ਬਿਜਾਈ ਮੁਕਤਸਰ ਜ਼ਿਲ੍ਹੇ ਵਿਚ ਹੋਈ, ਜਿਥੇ 44 ਹਜ਼ਾਰ 161 ਏਕੜ ਰਕਬੇ ਵਿਚ ਸਿੱਧੀ ਬਿਜਾਈ ਕੀਤੀ ਗਈ ਅਤੇ 1476 ਕਿਸਾਨਾਂ ਨੂੰ 5 ਕਰੋੜ 79 ਲੱਖ ਰੁਪਏ ਦੀ ਉਤਸ਼ਾਹ ਰਾਸ਼ੀ ਦਿਤੀ ਗਈ। ਦੂਜੇ ਨੰਬਰ ’ਤੇ 40 ਹਜ਼ਾਰ 948 ਏਕੜ ਰਕਬੇ ਵਿਚ ਸਿੱਧੀ ਬਿਜਾਈ ਕਰਨ ਵਾਲੇ ਫ਼ਾਜ਼ਿਲਕਾ ਦੇ 6040 ਕਿਸਾਨਾਂ ਨੂੰ 5 ਕਰੋੜ 36 ਲੱਖ ਰੁਪਏ ਦੀ ਉਤਸ਼ਾਹ ਰਾਸ਼ੀ ਦਿਤੀ ਗਈ ਸੀ। ਝੋਨੇ ਦੀ ਸਿੱਧੀ ਬਿਜਾਈ ਵਿਚ ਬਠਿੰਡਾ ਜ਼ਿਲ੍ਹਾ ਤੀਜੇ ਨੰਬਰ ’ਤੇ ਰਿਹਾ ਸੀ, ਇਥੇ 26 ਹਜ਼ਾਰ 749 ਏਕੜ ਵਿਚ ਬਿਜਾਈ ਕਰਕੇ 3695 ਕਿਸਾਨਾਂ ਨੇ 3 ਕਰੋੜ 24 ਲੱਖ ਦੀ ਉਤਸ਼ਾਹ ਰਾਸ਼ੀ ਹਾਸਲ ਕੀਤੀ।
ਇਹ ਵੀ ਪੜ੍ਹੋ: ਓਮਾਨ 'ਚ ਅਜੇ ਵੀ ਫਸੀਆਂ ਹਨ 14 ਪੰਜਾਬਣਾਂ, ਵਤਨ ਵਾਪਸੀ ਲਈ ਯਤਨ ਜਾਰੀ
ਪਿਛਲੇ ਸਾਲ ਸੂਬੇ ਵਿਚ ਕਰੀਬ 78 ਲੱਖ ਏਕੜ ਰਕਬੇ ਵਿਚ ਝੋਨੇ ਦੀ ਬਿਜਾਈ ਹੋਈ ਸੀ, ਜਿਸ ਵਿਚੋਂ ਸਿਰਫ਼ 2 ਲੱਖ 12 ਹਜ਼ਾਰ 355 ਏਕੜ ਰਕਬੇ ਵਿਚ ਹੀ ਸਿੱਧੀ ਬਿਜਾਈ ਹੋਈ ਸੀ। ਇਸ ਤਰ੍ਹਾਂ ਸੂਬੇ ਵਿਚ ਝੋਨੇ ਹੇਠ ਕੁੱਲ ਰਕਬੇ ’ਚੋਂ ਸਿਰਫ਼ 2.70 ਫ਼ੀਸਦੀ ਰਕਬੇ ਵਿਚ ਹੀ ਝੋਨੇ ਦੀ ਸਿੱਧੀ ਬਿਜਾਈ ਹੋਈ ਸੀ। ਪੰਜਾਬ ਸਰਕਾਰ ਵਲੋਂ ਕਿਸਾਨਾਂ ਨੂੰ ਸਿੱਧੀ ਬਿਜਾਈ ਲਈ ਉਤਸ਼ਾਹਤ ਕੀਤਾ ਜਾ ਰਿਹਾ ਹੈ ਪਰ ਇਸ ਦੇ ਬਾਵਜੂਦ ਕਿਸਾਨ ਸਿੱਧੀ ਬਿਜਾਈ ਕਰਨ ਵਿਚ ਦਿਲਚਸਪੀ ਨਹੀਂ ਦਿਖਾ ਰਹੇ।
ਇਹ ਵੀ ਪੜ੍ਹੋ: ਲੁਧਿਆਣਾ ’ਚ 7 ਨਹੀਂ ਸਗੋਂ ਹੋਈ ਸਾਢੇ 8 ਕਰੋੜ ਦੀ ਲੁੱਟ, ਅੱਖਾਂ ’ਚ ਮਿਰਚਾਂ ਪਾ ਕੇ ਫਰਾਰ ਹੋਏ ਸਨ ਲੁਟੇਰੇ
ਉਧਰ ਖੇਤੀਬਾੜੀ ਮਾਹਰਾਂ ਦੀ ਮੰਨੀਏ ਤਾਂ ਸਿੱਧੀ ਬਿਜਾਈ ਨਾਲ ਜਿਥੇ ਕਿਸਾਨਾਂ ਦੀ ਵਹਾਈ, ਕੱਦੂ ਦਾ ਖ਼ਰਚ ਘਟਦਾ ਹੈ, ਉਥੇ ਹੀ 1500 ਰੁਪਏ ਪ੍ਰਤੀ ਏਕੜ ਪੰਜਾਬ ਸਰਕਾਰ ਵੀ ਦੇ ਰਹੀ ਹੈ। ਇਸ ਤਰ੍ਹਾਂ ਜਿਥੇ ਪਾਣੀ ਦੀ ਬੱਚਤ ਹੁੰਦੀ ਹੈ, ਉਥੇ ਹੀ ਸਿੱਧੀ ਬਿਜਾਈ ਵਾਲੇ ਕਿਸਾਨਾਂ ਦਾ ਫ਼ਾਇਦਾ ਹੁੰਦਾ ਹੈ। ਖੇਤੀਬਾੜੀ ਅਫ਼ਸਰ ਡਾ. ਬੀ. ਐਸ. ਬਰਾੜ ਦਾ ਕਹਿਣਾ ਸੀ ਕਿ ਸਿੱਧੀ ਬਿਜਾਈ ਵਾਲੇ ਝੋਨੇ ਦਾ ਝਾੜ ਹੱਥੀਂ ਲਵਾਏ ਝੋਨੇ ਜਿੰਨਾ ਹੀ ਨਿਕਲਦਾ ਹੈ ਅਤੇ ਬਿਜਾਈ ’ਤੇ ਖ਼ਰਚ ਘੱਟ ਆਉਦਾ ਹੈ।
ਇਹ ਵੀ ਪੜ੍ਹੋ: 14 ਸਾਲਾ ਨੌਜੁਆਨ ਦੀ ਕਾਬਲੀਅਤ ਦੇ ਮੁਰੀਦ ਹੋਏ ਐਲੋਨ ਮਸਕ
ਵੱਖ-ਵੱਖ ਜ਼ਿਲ੍ਹਿਆਂ ਦੇ ਅੰਕੜੇ
ਜ਼ਿਲ੍ਹਾ ਕਿਸਾਨ ਜ਼ਮੀਨ (ਏਕੜ) ਮੁਆਵਜ਼ਾ (ਕਰੋੜ)
ਅੰਮ੍ਰਿਤਸਰ 1188 1239.98 0.79
ਬਰਨਾਲਾ 537 5332.28 0.45
ਬਠਿੰਡਾ 3695 26749.26 3.24
ਫਰੀਦਕੋਟ 1177 9067.88 1.06
ਫ਼ਤਹਿਗੜ੍ਹ ਸਾਹਿਬ 175 937.19 0.10
ਫਾਜ਼ਲਿਕਾ 6040 40948.65 5.36
ਫ਼ਿਰੋਜ਼ਪੁਰ 1552 14574.45 1.51
ਗੁਰਦਾਸਪੁਰ 1605 6023.22 0.71
ਹੁਸ਼ਿਆਰਪੁਰ 481 2111.31 0.23
ਜਲੰਧਰ 485 3313.22 0.36
ਕਪੂਰਥਲਾ 310 1913.03 0.22
ਲੁਧਿਆਣਾ 847 7003.19 0.59
ਮਾਨਸਾ 2375 12280.87 1.50
ਮੋਗਾ 681 4834.15 0.54
ਪਠਾਨਕੋਟ 174 615.85 0.07
ਪਟਿਆਲਾ 1052 6861.13 0.77
ਰੋਪੜ 222 925.91 0.11
ਸੰਗਰੂਰ 1751 10027 1.22
ਐਸਏਐਸ ਨਗਰ 350 3192.12 0.21
ਐਸ ਬੀ ਐਸ ਨਗਰ 269 1212.61 0.15
ਸ੍ਰੀ ਮੁਕਤਸਰ ਸਾਹਿਬ 1476 44161.17 5.79
ਤਰਨਤਾਰਨ 581 4029.08 0.37
ਕੁੱਲ: 30553 212355.06 25.23
