ਟੋਕਿਓ ਵਿਚ ਪੈਰਾ ਤੀਰਅੰਦਾਜ਼ੀ ਦੇ ਰਿਕਰਵ ਈਵੈਂਟ ਵਿਚ ਖੇਡਣ ਵਾਲੇ ਹਰਵਿੰਦਰ ਸਿੰਘ ਹਰਿਆਣਾ ਦੇ ਇਕਲੌਤੇ ਖਿਡਾਰੀ ਹੋਣਗੇ।
ਚੰਡੀਗੜ੍ਹ: ਇਸ ਸਾਲ 23 ਅਗਸਤ ਤੋਂ 5 ਸਤੰਬਰ ਤੱਕ ਟੋਕਿਓ ਪੈਰਾਲੰਪਿਕ (Tokyo Paralympics) ਖੇਡਾਂ ਹੋਣ ਜਾ ਰਹੀਆਂ ਹਨ। ਪੈਰਾਲੰਪਿਕ ਵਿਚ ਤੀਰਅੰਦਾਜ਼ੀ ਦੇ ਮੁਕਾਬਲੇ ਲਈ ਭਾਰਤ ਦੇ ਪੰਜ ਖਿਡਾਰੀਆਂ ਦੀ ਚੋਣ ਹੋਈ ਹੈ। ਇਹਨਾਂ ਵਿਚੋਂ ਇਕ ਸਿੱਖ ਨੌਜਵਾਨ ਹਰਵਿੰਦਰ ਸਿੰਘ (Harvinder Singh got a Paralympic Tokyo ticket) ਨੂੰ ਚੁਣਿਆ ਗਿਆ ਹੈ, ਇਹ ਨੌਜਵਾਨ ਹਰਿਆਣਾ ਦੇ ਜ਼ਿਲ੍ਹਾ ਕੈਥਲ ਕੇ ਪਿੰਡ ਅਜੀਤਨਗਰ ਦਾ ਰਹਿਣ ਵਾਲਾ ਹੈ।
Harvinder Singh got Paralympic Tokyo ticket
ਹੋਰ ਪੜ੍ਹੋ: ਤਰਸਯੋਗ ਹਾਲਤ ’ਚ ਜ਼ਿੰਦਗੀ ਬਸਰ ਕਰ ਰਹੀ ਹੈ ਨਵਾਬ ਸ਼ੇਰ ਮੁਹੰਮਦ ਖ਼ਾਨ ਦੀ ਕੁਲ ਦੇ ਆਖ਼ਰੀ ਨਵਾਬ ਦੀ ਬੇਗ਼ਮ
ਟੋਕਿਓ ਵਿਚ ਪੈਰਾ ਤੀਰਅੰਦਾਜ਼ੀ ਦੇ ਰਿਕਰਵ ਈਵੈਂਟ ਵਿਚ ਖੇਡਣ ਵਾਲੇ ਹਰਵਿੰਦਰ ਸਿੰਘ ਹਰਿਆਣਾ (Haryana Player Harvinder Singh) ਦੇ ਇਕਲੌਤੇ ਖਿਡਾਰੀ ਹੋਣਗੇ। ਹਰਵਿੰਦਰ ਸਿੰਘ (Para archer Harvinder Singh) ਇਸ ਸਮੇਂ ਸੋਨੀਪਤ ਕੈਂਪ ਵਿਚ ਪੈਰਾਲੰਪਿਕ ਦੀ ਤਿਆਰੀ ਕਰ ਰਹੇ ਹਨ। ਉਹਨਾਂ ਦੱਸਿਆ ਕਿ 17 ਜੂਨ ਨੂੰ ਸੋਨੀਪਤ ਵਿਚ ਟੋਕਿਓ ਪੈਰਾਲੰਪਿਕ ਵਿਚ ਚੋਣ ਸਬੰਧੀ ਟਰਾਇਲ ਹੋਏ ਸਨ। ਇਸ ਤੋਂ ਪਹਿਲਾਂ 25 ਜਨਵਰੀ ਨੂੰ ਸੋਨੀਪਤ ਵਿਚ ਦੁਬਈ ਵਿਚ ਹੋਣ ਵਾਲੀ ਵਿਸ਼ਵ ਰੈਂਕਿੰਗ ਲਈ ਟਰਾਇਲ ਹੋਏ ਸਨ। ਇਸ ਦੇ ਲਈ 8 ਕਿਡਾਰੀਆਂ ਦੀ ਚੋਣ ਹੋਈ ਸੀ।
Harvinder Singh got Paralympic Tokyo ticket
ਹੋਰ ਪੜ੍ਹੋ: UGC ਦਾ ਅਕੈਡਮਿਕ ਕੈਲੰਡਰ ਜਾਰੀ, ਇਕ ਅਕਤੂਬਰ ਤੋਂ ਸ਼ੁਰੂ ਹੋਵੇਗਾ ਨਵਾਂ ਸ਼ੈਸ਼ਨ
ਦੁਬਈ ਵਿਚ 21 ਤੋਂ 27 ਫਰਵਰੀ ਤੱਕ ਹੋਈ ਇਸ ਵਿਸ਼ਵ ਰੈਂਕਿੰਗ ਪ੍ਰਤੀਯੋਗਿਤਾ ਵਿਚ ਹਰਵਿੰਦਰ ਨੇ ਟੀਮ ਇਵੈਂਟ ਵਿਚ ਗੋਲਡ ਮੈਡਲ ਹਾਸਲ ਕੀਤਾ ਸੀ। ਇਸ ਤੋਂ ਪਹਿਲਾਂ 2019 ਵਿਚ ਨੀਦਰਲੈਂਡ ਵਿਚ ਹੋਏ ਮੁਕਾਬਲੇ ਵਿਚ ਉਹਨਾਂ ਨੇ ਪੈਰਾਲੰਪਿਕ ਦਾ ਕੋਟਾ ਜਿੱਤਿਆ ਸੀ। ਹਰਵਿੰਦਰ ਸਿੰਘ ਦਾ ਕਹਿਣਾ ਹੈ ਕਿ ਉਹਨਾਂ ਦਾ ਮਕਸਦ ਦੇਸ਼ ਲਈ ਗੋਲਡ ਮੈਡਲ ਹਾਸਲ ਕਰਨਾ ਹੈ।
Harvinder Singh got Paralympic Tokyo ticket
ਹੋਰ ਪੜ੍ਹੋ: ਪੂਰੇ ਟੀਕੇ ਲਗਵਾ ਚੁਕੇ ਅਮਰੀਕੀ ਅਗੱਸਤ ਤੋਂ ਆ ਸਕਣਗੇ ਕੈਨੇਡਾ : ਟਰੁਡੋ
ਦੱਸ ਦਈਏ ਕਿ ਹਰਵਿੰਦਰ ਸਿੰਘ ਦੇਸ਼ ਦੇ ਪਹਿਲੈ ਤੀਰਅੰਦਾਜ਼ ਹਨ, ਜਿਨ੍ਹਾਂ ਨੇ 2018 ਵਿਚ ਇੰਡੋਨੇਸ਼ੀਆ ਵਿਚ ਹੋਈਆਂ ਏਸ਼ੀਅਨ ਪੈਰਾ ਗੇਮਜ਼ ਵਿਚ ਭਾਰਤ ਲਈ ਰਿਕਵਰ ਇਵੈਂਟ ਵਿਚ ਗੋਲਡ ਮੈਡਲ ਹਾਸਲ ਕੀਤਾ ਸੀ। ਉਹ ਅੰਤਰਰਾਸ਼ਟਰੀ ਪੱਧਰ 'ਤੇ ਛੇ ਵਾਰ ਦੇਸ਼ ਦੀ ਨੁਮਾਇੰਦਗੀ ਕਰ ਚੁੱਕੇ ਹਨ। ਹਰਵਿੰਦਰ ਸਿੰਘ ਤੋਂ ਇਲਾਵਾ ਰਿਕਰਵ ਈਵੈਂਟ ਵਿਚ ਉੱਤਰ ਪ੍ਰਦੇਸ਼ ਨਿਵਾਸੀ ਵਿਵੇਦ ਚਿਕਾਰਾ, ਕੰਪਾਊਂਡ ਇਵੈਂਟ ਵਿਚ ਜੰਮੂ ਕਸ਼ਮੀਰ ਦੇ ਰਾਕੇਸ਼ ਕੁਮਾਰ, ਰਾਜਸਥਾਨ ਦੇ ਸ਼ਿਆਮ ਸੁੰਦਰ ਅਤੇ ਉੱਤਰ ਪ੍ਰਦੇਸ਼ ਤੋਂ ਜੋਤੀ ਦੀ ਚੋਣ ਹੋਈ ਹੈ।
ਹੋਰ ਪੜ੍ਹੋ: ਨਿਊਜ਼ੀਲੈਂਡ ਸਰਕਾਰ ਨੇ ‘ਅਸੈਂਸ਼ੀਅਲ ਸਕਿੱਲਜ਼ ਵੀਜ਼ਾ’ ਹੋਲਡਰਾਂ ਦੀ ਵੀਜ਼ਾ ਮਿਆਦ ਵਧਾਈ
