ਅਮਰੀਕਾ ਦੇ ਮੈਰੀਲੈਂਡ ਵਿਚ ਵੀਰਵਾਰ ਦੇਰ ਰਾਤ ਇਕ ਅਖਬਾਰ 'ਕੈਪਿਟਲ ਗਜ਼ਟ' ਦੇ ਨਿਊਜ਼ਰੂਮ ਵਿਚ ਇੱਕ ਵਿਅਕਤੀ ਜੈਰਡ ਰਾਮੋਸ
ਵਾਸ਼ਿੰਗਟਨ, ਅਮਰੀਕਾ ਦੇ ਮੈਰੀਲੈਂਡ ਵਿਚ ਵੀਰਵਾਰ ਦੇਰ ਰਾਤ ਇਕ ਅਖਬਾਰ 'ਕੈਪਿਟਲ ਗਜ਼ਟ' ਦੇ ਨਿਊਜ਼ਰੂਮ ਵਿਚ ਇੱਕ ਵਿਅਕਤੀ ਜੈਰਡ ਰਾਮੋਸ (38) ਨੇ ਗੋਲੀਬਾਰੀ ਕੀਤੀ। ਇਸ ਗੋਲੀਬਾਰੀ ਦੌਰਾਨ ਪੰਜ ਦੀ ਮੌਤ ਹੋ ਗਈ ਅਤੇ 5 ਲੋਕ ਗੰਭੀਰ ਰੂਪ ਵਿਚ ਜ਼ਖਮੀ ਹੋ ਗਏ। ਦਾਸ ਦਈਏ ਕਿ ਹਮਲਾਵਰ ਨੂੰ ਹਿਰਾਸਤ ਵਿਚ ਲੈ ਲਿਆ ਗਿਆ ਹੈ। ਨਿਊਜ਼ ਏਜੰਸੀ ਰਾਇਟਰਸ ਦੇ ਮੁਤਾਬਕ, ਰਾਮੋਸ 'ਕੈਪਿਟਲ ਗਜ਼ਟ' ਵਿਚ ਅਪਣੇ ਖ਼ਿਲਾਫ਼ ਖਬਰ ਛਾਪਣ ਤੋਂ ਨਾਰਾਜ਼ ਸੀ।
ਅਖਬਾਰ ਦੇ ਕ੍ਰਾਈਮ ਰਿਪੋਰਟਰ 'ਫਿਲ ਡੇਵੀਸ' ਨੇ ਟਵੀਟ ਕੀਤਾ ਕਿ ਹਮਲਾਵਰ ਨੇ ਕੱਚ ਦੇ ਦਰਵਾਜੇ ਦੇ ਪਿੱਛਿਓਂ ਗੋਲੀ ਕਾਲੌਨੀ ਸ਼ੁਰੂ ਕਰ ਦਿੱਤੀ। ਦੱਸ ਦਈਏ ਕਿ ਇਹ ਅਮਰੀਕਾ ਦਾ ਕੋਈ ਪਹਿਲਾ ਮਾਮਲਾ ਨਹੀਂ ਹੈ ਜਿਥੇ ਕਿਸੇ ਅਜਿਹੇ ਸਨਕੀ ਤੇ ਅਣਪਛਾਤੇ ਵਿਅਕਤੀ ਵੱਲੋਂ ਲੋਕਾਂ ਦੇ ਝੁੰਡ ਤੇ ਅੰਨ੍ਹੇਵਾਹ ਗੋਲੀਆਂ ਚਲਾਈਆਂ ਗਈਆਂ ਹੋਣ। ਇਸ ਸਾਲ ਫਰਵਰੀ ਵਿਚ ਫਲੋਰੀਡਾ ਦੇ ਹਾਈਸਕੂਲ ਵਿਚ ਗੋਲੀਬਾਰੀ ਵਿਚ 17 ਅਤੇ ਮਈ ਵਿਚ ਟੇਕਸਾਸ ਦੇ ਇਕ ਸਕੂਲ ਵਿਚ ਗੋਲੀਬਾਰੀ ਦੌਰਾਨ 10 ਲੋਕ ਮਾਰੇ ਗਏ ਸਨ।
ਪੁਲਿਸ ਨੇ ਦੱਸਿਆ ਕਿ 'ਕੈਪਿਟਲ ਗਜ਼ਟ' ਨੂੰ ਲੈ ਕੇ ਸੋਸ਼ਲ ਮੀਡੀਆ ਉੱਤੇ ਧਮਕੀਆਂ ਮਿਲ ਰਹੀਆਂ ਸਨ। ਇਹ ਧਮਕੀਆਂ ਕਿਸ ਦੇ ਅਕਾਉਂਟ ਵਲੋਂ ਦਿੱਤੀਆਂ ਗਈਆਂ ਸਨ, ਇਹ ਹਲੇ ਪਤਾ ਨਹੀਂ ਲਗਾਇਆ ਜਾ ਸਕਿਆ ਅਤੇ ਇਸ ਦੀ ਜਾਂਚ ਜਾਰੀ ਹੈ। ਕੈਪਿਟਲ ਦੇ ਸੰਪਾਦਕ 'ਜਿਮੀ ਡਿਬਟਸ' ਨੇ ਕਿਹਾ ਕਿ ਇਹ ਘਟਨਾ ਬਹੁਤ ਭਿਆਨਕ ਅਤੇ ਦਿਲ ਕੰਬਾਊ ਹੈ। ਸੰਪਾਦਕ ਹਲੇ ਵੀ ਇਸ ਹਾਦਸੇ ਦੇ ਝਟਕੇ ਤੋਂ ਸੰਤੁਲਨ ਵਿਚ ਨਹੀਂ ਹਨ ਜਿਸ ਕਾਰਨ ਫਿਲਹਾਲ ਜ਼ਿਆਦਾ ਕੁੱਝ ਕਹਿਣ ਦੀ ਹਾਲਤ ਵਿੱਚ ਨਹੀਂ ਸਨ।
ਉਨ੍ਹਾਂ ਕਿਹਾ ਕਿ ਮੈਂ ਬਸ ਇੰਨਾ ਹੀ ਜਾਣਦਾ ਹਾਂ ਕਿ ਸਾਡੇ ਰਿਪੋਰਟਰ ਅਤੇ ਏਡਿਟਰਸ ਹਫਤੇ ਵਿਚ 40 ਘੰਟੇ ਕੰਮ ਨਹੀਂ ਕਰਦੇ। ਉਨ੍ਹਾਂ ਦੀ ਤਨਖ਼ਾਹ ਵੀ ਜ਼ਿਆਦਾ ਨਹੀਂ ਹੈ ਪਰ ਉਹ ਖ਼ਬਰਾਂ ਲੱਭਣ ਨੂੰ ਅਪਣਾ ਫਰਜ਼ ਸਮਝਦੇ ਹਨ। 2012 ਵਿਚ ਰਾਮੋਸ ਨੇ 'ਕੈਪਿਟਲ ਗਜ਼ਟ' ਵਿਚ ਕਾਲਮ ਲਿਖਣ ਵਾਲੇ 'ਏਰਿਕ ਹਾਰਟਲੇ' ਅਤੇ ਉਦੋਂ ਐਡੀਟਰ ਰਹੇ 'ਥਾਮਸ ਮਾਰਕਵਾਰਟ' ਉੱਤੇ ਮਾਣਹਾਨੀ ਦਾ ਕੇਸ ਦਰਜ ਕੀਤਾ ਸੀ। ਹਾਰਟਲੇ ਨੇ ਅਖਬਾਰ ਵਿਚ ਲਿਖਿਆ ਸੀ ਕਿ ਰਾਮੋਸ ਨੇ ਇੱਕ ਔਰਤ ਨੂੰ ਫੇਸਬੁਕ ਉੱਤੇ ਅਸ਼ਲੀਲ ਨਾਮਾਂ ਨਾਲ ਬੁਲਾਇਆ ਅਤੇ ਜਾਨ ਤੋਂ ਮਾਰਨ ਦੀ ਧਮਕੀ ਦਿੱਤੀ।
ਰਾਮੋਸ ਨੂੰ ਇਸਦੇ ਲਈ ਅਪਰਾਧਿਕ ਸ਼ੋਸ਼ਣ ਦਾ ਦੋਸ਼ੀ ਪਾਇਆ ਗਿਆ। 2015 ਵਿਚ ਮੈਰੀਲੈਂਡ ਦੀ ਕੋਰਟ ਨੇ 'ਕੈਪਿਟਲ ਗਜ਼ਟ' ਅਤੇ ਇੱਕ ਸਾਬਕਾ ਰਿਪੋਰਟਰ ਦੇ ਪੱਖ ਵਿਚ ਫੈਸਲਾ ਸੁਣਾਇਆ। ਬਾਅਦ ਵਿਚ ਰਾਮੋਸ ਨੇ ਟਵਿਟਰ ਉੱਤੇ ਲਿਖਿਆ ਕਿ ਉਸਨੇ ਆਪਣੇ ਆਪ ਨੂੰ ਬਚਾਉਣ ਲਈ ਇੱਕ ਨਵਾਂ ਅਕਾਉਂਟ ਬਣਾਇਆ। ਉਸਨੇ ਲਿਖਿਆ ਕਿ ਉਹ ਐਨ ਅਰੁੰਡੇਲ ਇਲਾਕੇ ਵਿਚ ਰਹਿਣ ਵਾਲੇ ਲੋਕਾਂ ਦੇ ਖਿਲਾਫ ਕੇਸ ਦਰਜ ਕਰੇਗਾ ਅਤੇ ਭ੍ਰਿਸ਼ਟ ਲੋਕਾਂ ਨੂੰ ਮਾਰ ਦੇਵੇਗਾ।