India's most expensive movie

ਨਵੀਂ ਦਿੱਲੀ (ਭਾਸ਼ਾ) : ਸੁਪਰਸਟਾਰ ਰਜਨੀਕਾਂਤ ਅਤੇ ਅਕਸ਼ੈ ਕੁਮਾਰ ਸਟਾਰਰ ਫ਼ਿਲਮ 2.0 ਬਾਕਸ ਆਫ਼ਿਸ ‘ਤੇ ਸ਼ਾਨਦਾਰ ਕਮਾਈ ਕਰ ਰਹੀ ਹੈ। ਫ਼ਿਲਮ ਦੇ ਹਿੰਦੀ ਵਰਜ਼ਨ ਨੇ 9 ਦਿਨਾਂ ਦੇ ਅੰਦਰ 154 ਕਰੋੜ 75 ਲੱਖ ਰੁਪਏ ਦੀ ਕਮਾਈ ਕਰ ਲਈ ਹੈ। ਫਿਲਮ ਦਾ ਪਹਿਲਾ ਹਫ਼ਤਾ ਖ਼ਤਮ ਹੋਣ ਤੋਂ ਬਾਅਦ ਦੂਜੇ ਹਫ਼ਤੇ ਦੇ ਪਹਿਲੇ ਸ਼ੁੱਕਰਵਾਰ ਨੂੰ ਇਸ ਨੇ 5 ਕਰੋੜ 85 ਲੱਖ ਰੁਪਏ ਦਾ ਬਿਜ਼ਨਸ ਕੀਤਾ ਪਰ ਸ਼ਨਿਚਰਵਾਰ ਨੂੰ ਬਿਜ਼ਨਸ ਨੇ ਫਿਰ ਤੋਂ ਰਫ਼ਤਾਰ ਫੜ ਲਈ ਅਤੇ ਇਸ ਨੇ 9 ਕਰੋੜ 15 ਲੱਖ ਰੁਪਏ ਦਾ ਬਿਜ਼ਨਸ ਕੀਤਾ।

ਫ਼ਿਲਮ ਤਕਨੀਕੀ ਰੂਪ ਤੋਂ ਕਾਫ਼ੀ ਸਟਰਾਂਗ ਹੈ। ਜਿਸ ਤਰ੍ਹਾਂ ਦਾ ਵੀਐਫਐਕਸ, ਲੋਕੇਸ਼ਨ ਸ਼ੰਕਰ ਨੇ ਦਿਤਾ ਹੈ, ਉਸ ਦੀ ਜਿੰਨੀ ਵੀ ਤਾਰੀਫ਼ ਕੀਤੀ ਜਾਵੇ ਘੱਟ ਹੈ। ਵਿਜ਼ੁਅਲ ਟਰੀਟ ਕਮਾਲ ਦਾ ਹੈ। ਨਾਲ ਹੀ ਨਾਲ ਫ਼ਿਲਮ ਵੇਖਦੇ ਹੋਏ ਨਜ਼ਰ ਆਉਂਦਾ ਹੈ ਕਿ ਆਖ਼ਿਰਕਾਰ ਕਿੰਨੀ ਮਿਹਨਤ ਇਸ ਫ਼ਿਲਮ ਦੇ ਪਿੱਛੇ ਕੀਤੀ ਗਈ ਹੋਵੇਗੀ।