ਇਸਲਾਮਾਬਾਦ (ਭਾਸ਼ਾ) :- ਬਾਲੀਵੁਡ ਦਾ ਕਰੇਜ ਜਿਨ੍ਹਾਂ ਭਾਰਤ ਵਿਚ ਹੈ ਓਨਾ ਹੀ ਦੁਨਿਆ ਭਰ ਵਿਚ ਇਸ ਦੇ ਕਈ ਫੈਂਨ ਮੌਜੂਦ ਹਨ। ਪਾਕਿਸਤਾਨ ਵਿਚ ਵੀ ਬਾਲੀਵੁਡ ਦੀਆਂ ਫਿਲਮਾਂ ਨੂੰ ਲੈ ਕੇ ਦਰਸ਼ਕਾਂ ਨੂੰ ਕਾਫ਼ੀ ਉਤਸ਼ਾਹ ਰਹਿੰਦਾ ਹੈ ਪਰ ਇਸ ਵਾਰ ਪਾਕਿਸਤਾਨ ਵਿਚ ਮੌਜੂਦ ਇਕ ਵਿਅਕਤੀ ਨੂੰ ਉਸ ਦਾ ਬਾਲੀਵੁਡ ਪ੍ਰੇਮ ਮਹਿੰਗਾ ਪੈ ਗਿਆ। 

ਪਾਕਿ ਸਥਿਤ ਪੰਜਾਬ ਪ੍ਰਾਂਤ ਦੇ ਪਾਕਪਟਨ ਵਿਚ ਇਕ ਥਾਣੇ ਦੇ ਇੰਸਪੈਕਟਰ ਮੁਹੰਮਦ ਅਰਸ਼ਦ ਸ਼ਾਹ ਨੂੰ ਸਿਰਫ ਇਸ ਲਈ ਮੁਅੱਤਲ ਕਰ ਦਿਤਾ ਗਿਆ ਹੈ ਕਿਉਂਕਿ ਉਸ ਨੇ ਪੁਲਿਸ ਦੀ ਵਰਦੀ ਵਿਚ ਭਾਰਤੀ ਅਦਾਕਾਰ ਅਨਿਲ ਕਪੂਰ ਦੀ ਫਿਲਮ 'ਸ਼ੂਟਆਉਟ ਐਟ ਵਡਾਲਾ' ਦਾ ਡਾਇਲਾਗ ਬੋਲ ਦਿਤਾ। ਸ਼ਾਹ ਨੂੰ ਮੁਅੱਤਲ ਕਰ ਸੱਤ ਦਿਨਾਂ ਵਿਚ ਉਨ੍ਹਾਂ ਨੂੰ ਅਪਣਾ ਪੱਖ ਰੱਖਣ ਨੂੰ ਕਿਹਾ ਗਿਆ ਹੈ।

ਸੂਤਰਾਂ ਦੇ ਮੁਤਾਬਕ ਪਾਕਿ ਪੁਲਿਸ ਇੰਸਪੈਕਟਰ ਨੇ ਹੋਰ ਪੁਲਿਸ ਕਰਮਚਾਰੀਆਂ ਦੇ ਸਾਹਮਣੇ ਵਰਦੀ ਪਹਿਨ ਕੇ ਅਨਿਲ ਕਪੂਰ  ਦੀ 2013 ਵਿਚ ਆਈ ਫਿਲਮ ਦਾ ਸੰਵਾਦ ਵਾਰ - ਵਾਰ ਦੁਹਰਾਇਆ ਅਤੇ ਇਹ ਸੋਸ਼ਲ ਮੀਡੀਆ ਉੱਤੇ ਵਾਇਰਲ ਹੋ ਗਿਆ। ਪੁਲਿਸ ਬੁਲਾਰੇ ਮੋਹੰਮਦ ਆਸਿਫ ਨੇ ਸ਼ਾਹ ਦੇ ਮੁਅੱਤਲ ਦੀ ਪੁਸ਼ਟੀ ਕੀਤੀ ਹੈ। ਮੁਹੰਮਦ ਅਰਸ਼ਦ ਸ਼ਾਹ ਨੇ ਕਿਹਾ ‘ਦੋ ਵਕਤ ਦੀ ਰੋਟੀ ਕਮਾਤਾ ਹਾਂ, ਪੰਜ ਵਕਤ ਦੀ ਨਮਾਜ਼ ਪੜ੍ਹਦਾ ਹਾਂ।

ਇਸ ਤੋਂ ਜ਼ਿਆਦਾ ਮੇਰੀ ਜ਼ਰੂਰਤ ਨਹੀਂ ਅਤੇ ਮੈਨੂੰ ਖਰੀਦਣ ਦੀ ਤੇਰੀ ਔਕਾਤ ਨਹੀਂ .  .  .’ ਇਸ ਡਾਇਲੋਗ ਨੂੰ ਬੋਲਦੇ ਸਮੇਂ ਅਰਸ਼ਦ ਦੇ ਭਤੀਜੇ ਨੇ ਇਸ ਦਾ ਵੀਡੀਓ ਬਣਾ ਲਿਆ ਅਤੇ ਟਿਕਟਾਕ ਐਪ 'ਤੇ ਪਾ ਦਿਤਾ ਜੋ ਵਾਇਰਲ ਹੋ ਗਿਆ। 

ਦੋ ਸਾਲ ਪੁਰਾਣਾ ਹੈ ਦੂਜਾ ਵੀਡੀਓ - ਪਾਕਿ ਪੁਲਿਸ ਨੇ ਬੀਬੀਸੀ ਨੂੰ ਦੱਸਿਆ ਕਿ ਇਕ ਹੋਰ ਵੀਡੀਓ ਵੀ ਪਾਕਿਸਤਾਨ ਵਿਚ ਵਾਇਰਲ ਹੋ ਰਹੀ ਹੈ ਜੋ ਦੋ ਸਾਲ ਪੁਰਾਣੀ ਹੈ। ਇਸ ਵਿਚ ਇਕ ਸਾਬਕਾ ਪੁਲਸ ਕਰਮੀ ਨਜ਼ਰ ਆ ਰਿਹਾ ਹੈ। ਇਸ ਵੀਡੀਓ ਵਿਚ ਸਾਬਕਾ ਡੀਐਸਪੀ ਅਮਜਦ ਨੱਚਦੇ ਹੋਏ ਵਿਖਾਈ ਦੇ ਰਹੇ ਹਨ ਜਿਸ ਦੀ ਪਾਕਪਟਨ ਵਿਚ ਕਦੇ ਵੀ ਨਹੀਂ ਬਣਿਆ। ਪੁਲਿਸ ਨੂੰ ਇਸ ਤੋਂ ਪਹਿਲਾਂ ਵੀ ਇਕ ਅਧਿਕਾਰੀ ਦੀ ਨੱਚਦੇ ਹੋਏ ਵੀਡੀਓ ਵਾਇਰਲ ਹੋਣ ਦੀ ਜਾਂਚ ਕਰਨੀ ਪਈ ਸੀ।