ਜੂਨ 'ਚ ਰਿਲੀਜ਼ ਹੋਵੇਗੀ ਧਨੁਸ਼ ਦੀ ਪਹਿਲੀ ਹਾਲੀਵੁੱਡ ਫਿਲਮ 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫਕੀਰ'
ਤਮਿਲ ਅਦਾਕਾਰ ਧਨੁਸ਼ ਦੀ ਪਹਿਲੀ ਹਾਲੀਵੁੱਡ ਫਿਲਮ 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫਕੀਰ' ਭਾਰਤ ਸਮੇਤ ਹੋਰ ਕਈ ਦੇਸ਼ਾਂ ਵਿਚ 21 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ।
ਨਵੀਂ ਦਿੱਲੀ: ਤਮਿਲ ਅਦਾਕਾਰ ਧਨੁਸ਼ ਦੀ ਪਹਿਲੀ ਹਾਲੀਵੁੱਡ ਫਿਲਮ 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫਕੀਰ' (The Extraordinary Journey Of The Fakir) ਭਾਰਤ, ਸੰਯੁਕਤ ਰਾਜ ਅਮਰੀਕਾ, ਯੂਕੇ, ਸਿੰਗਾਪੁਰ ਅਤੇ ਹੋਰ ਕਈ ਦੇਸ਼ਾਂ ਵਿਚ 21 ਜੂਨ ਨੂੰ ਰਿਲੀਜ਼ ਹੋਣ ਜਾ ਰਹੀ ਹੈ। ਇਸ ਫਿਲਮ ਦਾ ਤਮਿਲ ਵਰਜ਼ਨ 'ਪੱਕੀਰੀ' ਵੀ ਜਲਦ ਹੀ ਰਿਲੀਜ਼ ਹੋਵੇਗਾ।
ਇਹ ਫਿਲਮ ਕੈਨ ਸਕਾਟ ਵੱਲੋਂ ਨਿਰਦੇਸ਼ਿਤ ਕੀਤੀ ਗਈ, ਫ੍ਰਾਂਸੀਸੀ-ਅੰਗ੍ਰੇਜ਼ੀ ਦੁਭਾਸ਼ੀ ਰੋਮੇਨ ਪਿਯੁਰਟੋਲਾਸ ਦੇ 2013 ਦੇ ਫ੍ਰਾਂਸੀਸੀ ਬੈਸਟਸੈਲਰ ਨਾਵਲ 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਦ ਫਕੀਰ ਹੂ ਗਾਟ ਟਰੈਪਡ ਇੰਨ ਦ IKEA ਵਾਰਡੋਬ' 'ਤੇ ਅਧਾਰਿਤ ਹੈ। ਇਸ ਫਿਲਮ ਵਿਚ ਮੰਬਈ ਦੇ ਛੋਟੇ ਜਿਹੇ ਇਲਾਕੇ ਵਿਚ ਰਹਿ ਰਹੇ ਸਟ੍ਰੀਟ ਜਾਦੂਗਰ ਅਜਾਤਾਸ਼ਤ੍ਰੂ ਲਾਵੇਸ਼ ਪਟੇਲ (ਧਨੁਸ਼) ਦੀ ਜ਼ਿੰਦਗੀ ਨੂੰ ਦਰਸਾਇਆ ਗਿਆ ਹੈ।
ਉਹ ਲੋਕਾਂ ਨੂੰ ਯਕੀਨ ਦਿਵਾਉਂਦਾ ਹੈ ਕਿ ਉਸ ਦੇ ਕੋਲ ਅਲੌਕਿਕ ਸ਼ਕਤੀਆਂ ਹਨ ਅਤੇ ਉਹ ਲੋਕਾਂ ਨੂੰ ਅਪਣੀ ਪੈਰਿਸ ਯਾਤਰਾ ਲਈ ਪੈਸੇ ਦੇਣ ਲਈ ਮਨਾ ਲੈਂਦਾ ਹੈ। ਉਹ IKEA ਕੋਠੜੀ ਵਿਚ ਫਸਣ ਤੋਂ ਬਾਅਦ ਪੂਰੇ ਯੂਰੋਪ ਵਿਚ ਸਮਾਪਤ ਹੋ ਜਾਂਦਾ ਹੈ। ਇਸ ਫਿਲਮ ਵਿਚ ਉਸਦੀ ਮਾਂ ਦੀ ਮੌਤ ਹੋਣ ਤੋਂ ਬਾਅਦ ਉਹ ਨਕਲੀ 100 ਯੂਰੋ ਦੇ ਨੋਟ ਨਾਲ ਅਪਣੇ ਪਿਤਾ ਦੀ ਭਾਲ ਵਿਚ ਪੈਰਿਸ ਚਲਾ ਜਾਂਦਾ ਹੈ। ਜਿੱਥੇ ਉਸ ਨੂੰ ਇਕ ਫਰਨੀਚਰ ਦੀ ਦੁਕਾਨ 'ਤੇ ਮੈਰੀ ਰਿਵੀਅਰ (ਏਰਿਨ ਮੋਰੀਏਰਟੀ) ਨਾਂਅ ਦੀ ਇਕ ਔਰਤ ਮਿਲਦੀ ਹੈ। ਉਸ ਲੜਕੀ ਨੂੰ ਸ਼ੁਰੂਆਤ ਵਿਚ ਉਹ ਠੱਗਦਾ ਹੈ ਪਰ ਬਾਅਦ ਵਿਚ ਉਹ ਉਸ ਲੜਕੀ ਵੱਲ ਆਕਰਸ਼ਿਤ ਹੋਣ ਲੱਗਦਾ ਹੈ।
ਇਸ ਫਿਲਮ ਦੀ ਸਟਾਰ ਕਾਸਟ ਵਿਚ ਅਰਜੇਨਟੀਨੀਅਨ-ਫ੍ਰਾਂਸੀਸੀ ਅਦਾਕਾਰਾ ਬੇਰੇਨਿਸ ਬੇਜੋ, ਅਮਰੀਕੀ ਅਦਾਕਾਰ ਏਰਿਨ ਮੋਰੀਏਰਟੀ, ਸੌਮਾਲੀ-ਅਮਰੀਕੀ ਅਦਾਕਾਰਾਂ ਬਰਖਦ ਅਬਾਦੀ ਅਤੇ ਫਰਾਂਸ ਅਦਾਕਾਰ ਜੈਰਾਡ ਜੁਗਨੋਤ ਆਦਿ ਸ਼ਾਮਿਲ ਹਨ। 'ਦ ਐਕਸਟ੍ਰਾਆਰਡੀਨਰੀ ਜਰਨੀ ਆਫ ਫਕੀਰ' ਦਾ ਪਿਛਲੇ ਸਾਲ ਵਿਸ਼ਵ ਪਰੀਮੀਅਰ ਹੋਇਆ ਸੀ ਅਤੇ ਇਸ ਨੂੰ ਨਾਰਵੇਜਿਅਨ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2018 ਅਤੇ ਬਾਰਸੀਲੋਨਾ ਦੇ ਸੰਤ-ਜੌਰਡੀ ਇੰਟਰਨੈਸ਼ਨਲ ਫਿਲਮ ਫੈਸਟੀਵਲ 2019 ਵਿਚ ਦਿਖਾਇਆ ਗਿਆ ਸੀ।